بقلم تيسير الخطيب
( تـــيـــتـــو )
والشعر الأسود قولوله
أه يا خيطان الحرير
الليل بنجومه وطوله
ينكسف منهم يغير
ياصبيه يامو الرموش
تجرح وبتداوى
يامين يبعد يحوش
دى عينيها دى غناوى
وما كنت أنا ناوى
لكن سحرك كبير
ياصبيه شمسك أصيله
حاميه ما تعرفشى نوم
وحسنك ما شفت ف مثيله
يابو عمو قوم بينا قوم
لابد أعرف دى مين
استقصى شوف الحكايه
ده الشعر طار عالوجنتين
صبحت حكايته حكايه
ياما العيون دول مجرمين
والعود ده قصه وأيه
ياصبيه قولى انتى مين
خليتى عقلى يطير
بصت وغطت عينيها
من بعد بسمه شفايف
قلبى اتخطف لما ريها
ماشى وراها وخايف
يشوفنى أخوها الكبير
عالم ياربى بحالى
والقصد والنيه غالب
ياما نفسى تبقى حلالى
مش عايز أعمل مقالب
دللونى ع بيت أبوها
أو بيت أخوها سمير
