الفصل التاسع عشر
في صباح اليوم الجديد .. سعيد مع محمد في المستشفي لمراجعة حالته
محمد بعد ان قرأ التقرير يتوجه لوالده بالكلام
بابا .. انت لازم تستمر علي العلاج فتره كمان .. حالتك فيها تطور والورم شكله اكبر من الاشعه اللي فاتت .. هنستمر علي العلاج فتره كمان مع تكثيف الجرعه ونشوف
سعيد : حاضر يا محمد مع ان العلاج ده مقرف وبحس ان نفسي مسدوده ولو اكلت ببقاا عاوز ارجع اللي اكلته
محمد : معلش استحمل شويه .. دي آخر مرحله ولو مفيش استجابه هنضطر نعمل العمليه
سعيد : ماشي .. عملت اييه مع كريمه
محمد : بصراحه يا بابا انا اتكلمت معاها وهي مش قادره تنساا اللي حصل ومش موافقه ترجعلك تاني
سعيد بعد ان تطأطأ رأسه ينظر للأرض : ماشي يا محمد .. انا عارف ان اللي عملته مكنش قليل وعارف انها صعب تسامحني .. واخواتك اييه رأيهم هييجوا علشان اشوفهم ولا مش عاوزين هما كمان ؟؟
محمد : لأ ان شاء الله فاضل اسبوع علي الدراسه وتخلص وهجيبهملك لحد عندك
سعيد : ان شاء الله .. ربنا ينجحهم انا هستناهم
مرت الايام واذا بيارا تتصل بمحمد
ألو .. ازيك يا حبيبي ؟؟
محمد : مالك .. فيكي اييه .. انتي تعبانه ؟؟
يارا : لأ مش تعبانه ولا حاجه بس كالعاده في عريس متقدم وانا رفضت فماما اتخانقت معايا .. بس انا المره دي اتحججت علشان هو مسافر وعايش براا وانا مش عاوزه اسيب بلدي وبالعافيه اقتنعوا
محمد : مش قولتلك .. عموماً هانت اللي فاضل شهر واحد واتخرج وملك وملوك هيتجوزوا وان شاء هتقدملك علي طول
يارا : ان شاء الله يا حبيبي .. انا مستنياك وهفضل مستنياك باقي عمري ومش هكون غير ليك
محمد : انا بحبك يا رووروو
يارا : وانا كمان بحبك يا قلب رووروو
مرت الايام وانتهت السنه الدراسيه وتخرجت كل من ملوك وملك والتي عُينت في احدي الجرائد الجديده
في بيت سعيد
دق محمد جرس الباب .. سعيد يفتح ليتفاجأ بمحمد ومعه ملك وملوك .. لم يستطع ان يتمالك نفسه واذا به ينهار من البكاء ووقع علي الارض حين تذكر لحظه ما ان طرد كريمه من بيته ومعها اولادها الصغار وهاا هم الآن يقفوا امامه عرائس منتظرين ان يرتدوا فستان العرس
جري محمد وسانده وجرت عليه ملوك
بابا .. بابا .. انت كويس
ملك : قوم يا بابا اتسند عليناا .. ان شاء الله هتبقاا كويس
سعيد : سامحوني .. انا غلطت ف حقكم وحق كريمه كتير .. بس ربنا وحده هو العالم اني دورت عليكم علشان ترجعوا لحضني تاني ومعرفتش طريقكم
ملوك : مش وقت الكلام ده يا بابا .. قوم الاول من الارض وارتاح وبعدين نتكلم
ساندوه واستراح علي فراشه .. امضوا معه بضع ساعات ووعدوه بتكرار الزياره حين تسمح الظروف وودعوه ثم انصرفوا
في بيت كريمه .. حمد لله علي السلامه .. شوفتوا ابوكم
واتطمنتوا عليه ؟؟
ملك : شوفناه .. تعبان جداا
كريمه : طيب ربنا الشافي
في صباح يوم جديد ملوك في الجريده وامامها إعلان سوف يتم نشره في و ينص علي التالي
تواصل وزارة التضامن الاجتماعى تلقى طلبات التقدم لمسابقة اختيار الأم المثالية على مستوى الجمهورية والأم البديلة لهذا العام ، من خلال مديريات التضامن بالمحافظات
تفكر ملك في ان تقدم الاوراق بأسم كريمه محاوله منها ان تفعل لها شئ يدخل علي قلبها الفرح والسعاده و يعوضها سنين التعب والشقاء
انهت عملها وتوجهت للبيت وبدأت في تجهيز الاوراق للتقديم
توجهت لكريمه تتحدث معها
ماما انا عاوزه اتكلم معاكي ف حاجه مهمه
كريمه : خير يا ملك في مشاكل مع خطيبك ؟؟
ملك : لا يا ماما الموضوع يخصك انتي .. احنا كويسين الحمد لله
كريمه : طيب في اييه بقاا قلقتيني
ملك : يا ماما احنا الحمد لله دلوقت اتخرجنا وبنشتغل وجيه علينا الدور نريحك .. محمد بيشتغل في المستشفي وانا اتعينت وكمان ملوك بتشتغل ف مكتب كمبيوتر لحد اما تلاقي مكان احسن يعني مرتباتنا الحمد لله هتعيشناا كويس جداا .. كفايه بقاا عليكي كده .. حافظي علي اللي باقي من صحتك و نظرك وارتاحي وكفايه شغل الخياطه لحد كده
كريمه : يا بنتي حتي لو مرتباتكم بتكفي .. هو انا هآخد منكم اللي بتقبضوه ؟؟
ملك : يعني اييه يا ماما اللي بتقوليه ده .. وليه احنا مقلناش انك لازم تشيلي اللي بتشتغلي بيه .. يا ماما اللي وصلناله ده من تعبك معانا ومن شقاكي طول السنين اللي فاتت علشان نوصل للي احنا فيه ده .. يعني ده بفضلك وجيه اليوم اللي نحاول نرد جزء من تعبك معانا
في تلك اللحظه وصلت ملوك للبيت واستكملت معهم الكلام
ملوك : انا كمان يا ماما مع ملك ف الرأي ده واكيد محمد كان هيقولك كده بس كان مستني اما يستلم الشهاده
كريمه : خلاص طالما انتوا عاوزين كده .. ماشي بس هخلص الحاجات اللي عندي واسلمها للناس وهبلغهم اني مش هشتغل تاني
مرت الايام .. يرن هاتف محمد
ألو .. إلحقناا يا دكتور محمد
محمد : مين معايا ؟؟
مهدي : انا مهدي بشتغل عند الاسطي سعيد وجيت عشان اطمن عليه وهو بيكلمني وقع من طوله قاطع النفس
محمد : بابا طيب انا هجيلك حالا
ويغلق هاتفه ويتصل بالاسعاف الخاص بالمستشفي ليتم نقله .. وما إن وصل إلي بيت سعيد كانت سيارة الاسعاف في انتظاره وتم نقله للمستشفي
وبعد إجراء الكشف عليه تبين ان الورم قد زاد حجمه ولابد من إجراء عمليه جراحيه في اقرب وقت ممكن لإستئصاله .. تمت افاقته فطلب من محمد ان يأتي له بكريمه والبنات
محمد : حاضر يا بابا انت بس ارتاح وانا هتصل ابلغهم ييجوا يشوفوك ويطمنوا عليك
يخرج محمد من الغرفه و يتصل بكريمه
ألو .. ماما .. ممكن أطلب منك طلب ؟؟
كريمه : مالك يا محمد .. في اييه ؟؟ اطلب يا حبيبي اللي انت عاوزه
محمد : بابا تعبان اووي يا ماما وحالته مش مستقره وهيعمل عمليه في اقرب وقت .. ممكن بكره او بعده بالكتير .. وطلبه الوحيد انه يشوفك انتي والبنات .. ممكن يا ماما
كريمه : انا هبلغ البنات يزورا ابوهم انما انا مش هينفع يا محمد
محمد : ماما يا حبيبتي .. علشان خاطري انا .. تعالي عشر دقايق وامشي علي طول .. انا مكنتش عاوز اقولك ان حالته خطيره والورم في مرحله متأخره وربنا يستر علشان متفكريش اني عاوز اضغط عليكي .. بس هي دي الحقيقه و ده انسان مريض واحنا مش عارفين مين فيناا هيمشي قبل التاني بس نعمل اللي علينا ونلبي طلبه يمكن يكون الاخير
كريمه : حاضر يا محمد هآجي مع البنات علشان خاطرك
وبعد اقل من ساعه وصلت كريمه مع ملك وملوك للمستشفي
محمد يمسك بيد كريمه ويقبلها : حقك علياا يا ماما انا عارف اني تقلت عليكي وانك وافقتي بس تيجي تشوفيه علشاني
ملوك : خلاص بقاا يا محمد احنا دلوقت لازم نشوف بابا ونأجل الكلام ده بعدين
يدخلوا معاً لغرفة سعيد وكريمه تختبأ منه خلف ظهر محمد الذي امسك بيدها ليساندها
اقتربت ملك وملوك علي سعيد وسلموا عليه واطمئنوا علي صحته ثم طلب منهم ان يتركوه لدقائق مع كريمه
ملك وملوك : حاضر يا بابا واستأذنوا ف الخروج
كريمه : خليك معايا يا محمد بلاش تخرج
محمد : حاضر يا ماما
ثم توجه لسعيد متحدثاً : معلش يا بابا انا مش هينفع اخرج
سعيد : ماشي يا محمد .. ثم توجه لكريمه يتحدث إليها
معلش يا كريمه ممكن تقربي شويه
اشار لها محمد ان تقترب قليلاً حتي تستطيع ان تسمع ما سيقول
انا عارف اني غلطت في حقك وحق ولادي ومش طالب منك غير انك تسامحيني .. ربنا وحده هو اللي عالم اني سألت عليكم كتير ودورت اما حفيت رجلي ومعرفتش اوصل لطريقكم .. اللي عملته فيكم ربنا حاسبني عليه ف الدنياا ولسه عقاب الآخره .. انا بس طالب منك السماح .. انا طلبت من محمد انه يبلغك بطلبي .. انا عاوز اموت وانتي معاياا .. انا عارف انك مش موافقه ولا هتوافقي بس ربنا عالم بنيتي
كريمه : خلاص خلصت كلامك ولا لسه في حاجه تاني عاوز تقولها ؟؟
سعيد : لا .. انا خلاص خلصت كل اللي عندي
كريمه : ربنا يقومك بالسلامه لأولادك ان شاء الله .. انا هخرج يا محمد اشوف اخواتك وهرجع البيت وانت خلص وانا مستنياك
#يتبع
