بقلم نورسين محمد
الفصل الثاني عشر
همسه بحزن : هو أنت خلاص هتروح الجيش يا مصطفي ؟؟
مصطفي : آه يا بت خالي ادعيلي
همسه : ربنا معاك ، بس أمتي هتآخد أول أجازة ، تعرف أنا مخنوفه جدًا بسبب موضوع الجيش ده ، يعني انا اتكلم مع مين واضحك وأهزر وألعب مع مين و ميزعلش
مصطفي : عنديكي حمزه وابراهيم وهشام
همسه : ابراهيم كاره نفسه طول الوقت ومش بيحب البنات ، وحمزه مش هيفهمني لو اتكلمت معاه ، وهشاام انت عارف حاله ، صعب اننا نتكلم ، هو علي طول قاعد ورا الكتاب ودايمـًا منعزل لو قاعد ف البيت معانا مع ان لما حد من اصدقاؤه بييجي يزوره بيبقي حاجه تانيه معاهم
مصطفي : معلش يا بت خالي ، أمر لابد منه ، وعمومـًا ايام وتعدي وهرچع علي طول بإذن الله بس انتي حاولي تتكلمي معاه حتي لو في اي موضوع ، هشام طيب بس يمكن حاسس بالوحدة لانه اكبر مننا شوي وبيلاقي راحته مع أصحابه
همسه : ماشي هحاول اتكلم معاه
_______________
عاد احمد و اغلق عليه باب غرفته ورفض التحدث مع أحد وجلس علي فراشه بعد ان بدل ملابسه وتذكر ما كان يحدث بينه وبين زينه ومقابلاتهم في الجامعه
مر أسبوع وبعدها
احمد قابل هشام في مكانهم المعهود بالقرب من النيل وهو يبكي قائلاً : انا هسافر يا هشام عشان اچيب فلوس ، هشتغِل اي شغلانه المهم ارچع ومعايا اللي يكفي چوازي من زينه
هشام : وهتتغرب سنين علشان ترچع بالمال ، طيب ما فكرتش هي هتستناك ولا لاه ، استهدي بالله يا صاحبي ، ابوك وأمك محتاچينلك چارهم هتهملهم وتسافر وهما في آخر ايامهم ؟؟
أحمد باكيـًا : مش بيدي يا صاحبي خلاص اتفجت ودفعت وهسافر كمان اسبوع ، امانة عليك أمي وابوي يا هشام تبقي تشق عليهم كل شويه والتانية متهملهمش يا صاحبي وادعيلي آني مهطولش هي سنه هتفوت بسرعه وان شاء الله ارچع باللي يكفي چوازي من زينه
هشام : يعني مفيش فايدة يا صاحبي ؟؟
احمد : لاه خلاص انا قررت ومش هرچع في قراري ولازم اچيب اللي هيساعدني اتچوز
هشام : طيب علي راحتك ، تعالي بينا نروحوا نشوفوا الشباب ونسهروا وياهم ، الليله دي الچو حلو
_____________________
زهيره : مالك يا واد عمي ، بتفكر في إيه ومشغول بالك أكده ؟؟
انتفض عبد المجيد : هاه ، لاه بفكر ف حاچه أكده لو حوصلت يبقي كل شئ تمام ، أما لو لاه يبقي كل اللي بتعشم فيه ملوش أساس
زهيره : طب وإيه ديه اللي بتفكر فيه ومتعشم كمان ، ما تقولي يمكن بمقدوري أساعدك ف شي
عبد المجيد : لاه متشغليش بالك أنتي ، كل شي هيبقي تمام
زهيره : طالما بتفكر أوي اكده يبقي الموضوع فيه فلوس كتير اووي
عبد المجيد : هي كتير بعقل بس يحصل اللي ف رأسي وآني أصيغك من رأسك لرچلك ، بس قولي يارب
زهيره : يارب يا واد عمي ، حد يكره الخير ، أشرب الشاي اللي قدامك بقالي بدري حطاه ، زمانه برد
_______________________
هشام اصطحب أحمد إلي أصدقاءهم في المقهي والذي اعتادوا أن يجتمعوا فيه مساءًا
وما ان وصلوا الإ وطلبوا من هشام ان يلقي عليهم بعض الابيات من أشعاره
في البداية تردد خوفـًا من أن يغضب أحمد من بعض كلماته ولكنه جازف وبدأ بإلالقاء قائلاً
مهو يا صاحبي المرمي علي المايه غير المرمي في قلب النار
ورغم الاختلاف الكلي في المظهر وفي المضمون
لكنه حبها بچنون ، كان عاشق وكان مهووس
وكلمة حب أيامها كانت بفلوس
كواه شوقه في يوم الفرقه واتداري
ولف قصايده ف هدوم الشقا لتبان
اااااه اااااه
لو شوفتوا في ساعة الفرقة كنت تقول عليه فرحان
كانت عزته صلباه وأقوي من قانون الچذب
وهي قصاده مش فهماه ما يفهمش الخضار الجدب
يا بت النعمة كان عاشق متخسريهوش
مش هتحسي وأنتي ف ضله دلوقتي
ما تتغريش بضحكه يوم ما فارقتي دي بس وشوش
ما تسبيهوش ما تسيبهوش
كان نفسه يچيبلك بس ما بيدوش
بتطلبي ليه يا ست الناس حاچات معهوش
يوم الفرقه كان هو عينيه احزان
وواقف هادي وبيضحك ومن جواه حمم بركان
وهنا توقف هشام عندما ارتفع صوت أحمد بالبكاء وغطي علي صوته فهب واقفـًا واقترب منه وربت علي كتفه قائـًلا : متبكيش يا صاحبي ، المكتوب هيكون ، الله يقوينا علي القلوب ، قوم معايا خليني اوصلك وارچع البيت
أحد الاصدقاء : لسه الوقت بدري أدينا قاعدين مع بعض شوي ، مستعچلين ليه أكده ، خليكوا حتي أحمد يفوق شوي يا خوي
أحمد مسح عينيه : لاه آني همشي عشان تعبان ومصدع ، نتقابل بكره ان شاء الله ، تتمسوا بالخير
الاصدقاء : وانتوا من أهل الخير ، بالسلامة
______________________
انه المساء في غرفة حنين تنتظر عودة أدهم واذا بهاتفها يعلن عن اتصال ، تفقدت المتصل وجدته من شخص غير معلوم ، فرفضت الرد
عاد وكرر اتصاله عدة مرات
حنين : شكله مصمم ، يبقي لازم أرد ممكن حد غير رقمه وعاوز يبلغني بيه
اجابته : ألو ، مين معايا ؟؟
...... : إيه لحقتي نسيتي صوتي ؟؟
حنين : مين حضرتك ، اكيد النمره غلط
........ : لأ مش غلط ، أنتي الشخص المقصود ، كنت فاكر انك مش ممكن هتنسيني ابدًا ، بس الظاهر أنك عايشة سعيدة مع جوزك الجاهل ابو جلبيه
حنين : أنت مين وعاوز إيه ، وجوزي مش جاهل أنت اللي حقير ، ومتتصلش هنا تاني خالص ، بدل ما أخليه يعرفك هو مين كويس ، أغلقت الهاتف ولكنها متوتره ، قلقه ، تتحدث لنفسها : معقول يكون هو تاني ، طب شافني فين وعرف أني عايشه سعيدة ، انا هتجنن ، وبعدين بيتصل تاني ليه وعاوز مني إيه ؟؟
انا لازم أسأل واعرف اذا رجع ولا لأ
امسكت هاتفها اجرت اتصال مع صديقتها شهد
ألو ، مساء الخير يا شهد ، وحشتيني
شهد بفرحه : حنين ، وحشتيني أوووي ، أهو أنتي من الناس اللي بينطبق عليهم المثل من لقي أحبابه نسي أصحابه ، نستينا خالص ولا بتسألي ، الظاهر أن أدهم مالي عليكي دنيتك
حنين : لأ ازاي ما أنا بسأل اهوه ، أنتي عارفة انا مش بنزل القاهرة كتير بس وعد مني أول لما انزل هتصل بيكي علشان نتقابل
شهد : ماشي يا حبي في انتظارك إن شاء الله ، طمنيني بقي علي أحوالك
وهمسه وحمزه عاملين إيه ؟؟
حنين : الحمد لله كلهم بخير ، بس .....
شهد : بس إيه ، مالك من أول ما كلمتيني وانا حاسه ان في حاجة عاوزه تقوليها
حنين : دايمـًا بتقرأيني حتي وأنتي بعيد
شهد : قوليلي مالك
حنين : بؤلك إيه هو أنتي عندك أخبار عن يوسف ، تعرفي عنه حاجه ؟؟ مراد جوزك متكلمتش عنه قدامك ؟؟
شهد : يوسف !!
لأ وحتي مراد متكلمش قدامي عليه ، يعني من يوم ما عرفنا انهم لقوه مرمي علي الطريق وأنا قولتلك أن والده أخده معاه أمريكا موصلنيش عنه أخبار ، بس إيه اللي فكرك بيه بعد السنين دي كلها
حنين : جالي تليفون من واحد صوته ذي صوت يوسف بالظبط بس انا قفلت ومتكلمتش معاه كتير بس قولت اسألك لو تعرفي عنه اي اخبار ؟؟
شهد : لأ مفيش أخبار بس مش ضروري يكون هو ، ممكن تشابه في الصوت ، عمومـًا لو عرفت أوصل لحاجه هبلغك
______________________
مرت الايام و سافر أحمد ولكنه كان علي اتصال دائم بهشام الذي كان يداوم علي متابعة أخبار والدي أحمد إلي جانب متابعة أخبار زينه وتبليغها لأحمد
مرت الايام وانتهت السنة الاولي وأحمد في غربته وذات ليلة اتصل بهشام ليطمئن علي الاخبار
أحمد بصوت متألم : ازيك يا صاحبي
هشام : الحمد لله يا صاحبي ، مالك ، صوتك مهموم ليه أكده ؟؟
أحمد : لاه متشغلش بالك ، انا بخير ، طمني بس علي الاخبار عندِيك
هشام : آني معرفش أقولك إيه يا صاحبي ، بس الأخبار مش كويسه
أحمد : خير ، النهاردة اليوم باين من أوله ، إيه اللي حوصل عندِيك ، أبوي وأمي چرالهم حاچه بالله لتقول يا خوي
هشام : لاه ، أبوك وأمك طيبين وبخير ، الموضوع يخص زينه ، هيچوزوها لواد عمها وامبارح قروا فتحتها عليه وزاعوا الخبر في البلد
أحمد إلتزم الصمت ولم يتفوه بأي كلمه
هشام : أحمد يا خوي أنت عارف أن الچواز ديه قسمه ونصيب وانت ماليكش نصيب فيها ، الحمد لله ربنا اكيد كاتبلك الاحسن
أحمد يبكي : الحمد لله يا صاحبي ، بس الظاهر أن مفيش حاچه كويسه
هشام : ليه بتقول أكده ؟؟
أحمد : اتخانقت مع صاحب المطعم عشان الوقت الإضافي ، كل يوم يقول إضافي إضافي وكأن مفيش غيري آني ، طردني وبالعافية أخدت فلوسي اللي عنديه
هشام : لا حول ولا قوه الإ بالله ، يا صاحبي ارچع ومتخليش الاچنبي يتحكم فيك ، ارچع لبيتك وارضك وراعي أبوك وأمك وخود رضاهم قبل ما يقابلوا وچه رب كريم
احمد : يا ريتني اقدر يا صاحبي ، مبقاش ينفع ارچع وآني فاضي ، لازم أحفر في الصخر وارچع مليان عشان يتندموا أني بقيت أغني من واد عمها اللي چوزوهالوا غصب وباعوا قلب بتهم عشان المال ، لازم يتحسروا انهم فرقوا بيني وبين زينه
هشام : الله يقويك يا صاحبي ويرزقك بالخير ، ابقي طمني عليك
احمد : ان شاء الله يا خوي ، سلام
هشام : سلام
___________________
هشام اغلق الهاتف بعد أن انتهي من التحدث إلي أحمد ، جلس شاردًا لعدة دقائق ثم استفاق وبدل ملابسه ونزل متوجَّها لمقابلة اصحابه ليقضي السهرة معهم
بعد عشر دقائق قابل هشام اصدقاؤه في المقهي كعادتهم يجلسون بالقرب من النيل
أحد الاصدقاء : مالك يا واد عمي مهموم اكده ليه ، انت عيان ولا ايه ؟؟
هشام : لا مفيش حاچه ، أحمد كلمني وقالي انه اتخانق مع صاحب المطعم و ساب الشغل وآني قلقان بس عليه شوي
صديق آخر : والله يا خوي بلدنا علي قدينا علي الاقل محدش هيطردنا منيها
هشام : والله قولتله يرچع وكفايه تحكماتهم عليه وهو مراضيش
احد الاصدقاء : سيبك طالما رفض يرچع يبقي مصرف نفسه كويس وحاسب حسبته ، بقول ايه ، قولنا بيتين شعر من اشعارك الحلوه ، من زمان مقولتلناش حاچه چديده
هشام : يا بووي هو ديه وقته ؟؟
احد الاصدقاء : آه وقته ، سمعنا خلينا نستمتع بسهرتنا
#يتبع
