قالوا صعيدى
قلت صعيدى وافتخر
وكل صعيدى
على اصله يتشكر
وهبيت وقمت
وتعظيم سلام للصعايدة
كمان ضربت
وقلت
الصعيدى
الصعيدى شرف وكرامة
عزة ومهابة
رجولة وشهامة
وكمان بيه الرجوله تتزان
وتتباهى بيه وسط الخلان
من الجيزة لحد أسوان
وفى مصر هو الفتوة
هو حبيب الكل
وهو راجل الكل
ولو الكل يكل
اسد
وسط الميدان يطل
هو الاصل وهو المبدء
ياللى نسيتوا كلمة مبدء
أسالوا علية رمل سينا
لما جالها وهى حزينه
ومسح دمعتها بايده وبادينا
واحتاروا فيه كل أعادينا
لأ
اسالوا عليه مينا
لأ
اسالوا عليه كل اللى لينا
واللى مش لينا
ولا عاشوا وسطينا
من شرق وغرب
واللى ما عرفونا
ولا عاشوا وسطينا
بيعشقونا
لا
بيعشقوا تراب رجلينا
بيحبوا اللى اتغرس فينا
اتغرس!
ده اصلنا
والاصل يتباهى بينا
رجلتنا رجاله
وحريمنا وبناتنا
وقت الشدايد
رجاله
وبشرفهم وعفتهم الكل يتباه
الصعيدى راجل
عيلنا راجل
ومن يوم ما يتولد
لحمله عارف وشايل
حمل الجمال
حمل الرجال
والكل رحال
ولو يوم غضب وقام
تتهد ليه الجبال
الكل يهابه
ويعمل حسابه
راجل والكل يعرف مقامه
لف وشف
يالى عمرك ما شفت
اسمع وحس
يالى عمرك ما سمعت ولا عرفت
وأن كان اتقال مرة
فى الصعايدة يبقى الف مره
ولا يجى واحد على ميه لو عشت
الصعيدى
شرف وكرامة
عزة ومهابه
أسد وباعتراف الكل
وقلبه ابيض من الفل
صعيدى وافتخر
صعيدى وفى كل ذكر بتشكر
وبعشق تراب بلدى
وشايلها تاج فوق الكل
وبغنيها على الربابه قدام الكل
بلدى يا بهيه
يا أغلى واجمل صبية
يا ست الكل
