بقلم نورسين محمد
اختيار صعب
تعرفوا أننا لما بنقرر اننا نبعد عن حد كان قريب اوي مننا كأننا بالظبط عملنا عملية جراحية واستئصلنا جزء من جسمنا وبعد العملية بنلاقي نفسنا طول الوقت وبطريقة تلقائية ماسكين مكان الجرح وحاطين ايدينا عليه ، ده طبيعي من شدة الالم بس يوم بعد يوم بنشعر ان الالم بيهدى لحد أما بننساه مش لاننا عاوزين ننساه ، لأ ....
إنما الطبيعي أننا في الاول بنتألم وبعد فترة بنعتاد الالم وبعد كده يبدأ يخف شويه بشويه لحد ما بننسي أن المكان ده كان اصلا في منه وجع ، بالظبط زي العلاقات اللي بنهدها وبنبعد عن أصحابها ، بيبقي في البداية الالم مُبرح لدرجة ممكن مش بنتحملها وبنشعر وقتها اننا عاوزين نصرخ كل لحظه من وجع الفراق ، ولكن يوم بعد يوم بنعتاد الالم لحد بعد شويه يمكن ننساه زي أي ألم
بس السؤال المهم هنا هو أحنا ليه حاولنا ننساه؟
والجواب هنا ... لأنه وببساطة هما كانوا سبب في أوجاع كبيرة وكتيرة لينا وبالتالي الاختيار الانسب هو البعد عنه مهمي كانت شدة الألم ولكن القرار الصح في الوقت ده أننا نكمل حياتنا من غيرهم، رغم أنهم كانوا في يوم من الأيام وجودهم كان مصدر للسعادة ولكن بمرور الوقت بيتغير الحال وبتتبدل السعادة لأحزان وبتتضح لنا انها كانت سعادة مزيفة وأن في ناس تانية كانوا الاقرب منهم، وبالتالي بيختاروهم هما ومننساش حاجة مهمه انهم هما اللي اختاروا غيرنا فأجبرونا في النهاية على البُعد
