بقلم نورسين محمد
انت اكتر حد شاعر
قلب دافي قلب ناعم
قلب مليان بالمشاعر
حد شبهي يحس بيا
يحتويني واحتويه
نص تاني شكل تاني
اقدر اكمل يومي بيه
انت دايما ذي بوصله
بتهدي روحي للطريق
لما تاه مني الأحبه
ذي ما تاه مني الصديق
انت تهديني المحبة
كل شويه حبه حبه
انت ذي احلي حاجه
تهديني روحك المُحبة
انت حاجه بتكمل لقلبي
كل غلطة و نقص فيه
انت اكتر حد جنبي
دايما بتطمن لي قلبي
انت العيلة وكل اهلي
راضي بجناني ومشاعري
قابلني بكل مصايبي
تفتحلي درعاتك وحضنك
وتقول تعالي استخبي فيه
انتي دايما جوا حضني
وتقول بإيدكي تقفليه
تهمس الهمسه بهدوءك
قلبي وطنك عيشي فيه
خطي خطوة وادخليه
واتربعي فوق عرش قلبي
إلمسيه طمنيه وحسي بيه
عمر ما دخّل حد غيرك
اوعي ف يوم تمشي تسبيه
#نوري
