رواية على خطى المشاعر - الفصل 1

                          بقلم نورسين محمد




المقدمة

كان يوم مَطَر ..
البغبغان جُوَّا القَفَص طَلَّع لِسانُه لعصفورين فوق الشچر ..
خَلِّيكو سايقين العناد ..
العِشّ قاد ..
وخسِرتُو ويَّاه الولاد .. لَـمَّا انفَچر ..
هو انتو حِمْل السِيل ؟؟ ولا حِمْل المطر ؟؟
كان فيها إيه لو تِعْمِلُوا زيِّي وتقولوا زَيّ ما يقول البَشَر ؟؟..

ردُّوا علِيه العصفورين : لَوْ عَ الوِلاَد .. البَطْن ولاَّدة ..
والعِشّ مَهْمَا يقِيد ..
صخر الجبل عَنَاقِيد ..
نِفْرِشْهَا سِجَّادة ..
وانتَ اللي فرحان بالقَفَـص ..
أصْلَـك ( قَفَص ) !!..
كَتَمُوا الهوا جُوَّاك و نَسُّوك ان ما بين الحياة والموت .. نَفَس ....
نَفَس لناس عايشه بتعشق بعضها ونَفَس لناس عايشه بتفتكر اللي كان ف يوم بيحبها والكل عايش بس مين بالكل أو بالبعض حاسس ، نَفَس بيتولد مع طفل چديد يوزع أمل علي أهله والكل بيه يتعلق وتبدأ حياة عاشق يسطر من الحروف أشعار وعلي حبيبته يوم يشاور ويلعب القدر لعبته مين يتچوز ومين يوم هيغادر



الفصل الاول

ويرتدي الصّباح لون النّقاء بعد عتمة الليل، فيبثّ أنفاسه بِنسمات تنفث في الرّوح أملاً بأنّ القادم أجمل ،
أشرقت شمس الصباح الجديد بثوبها الذهبي تخترق زجاج نافذة غرفة حنين وتتسلل إليها تداعب عيناها الناعستان حين كان يحتضنها ذلك الأدهم العاشق ، فاستيقظ يجمع خصلات شعرها المتناثرة علي جبينها ويعقصه للخلف ليطبع قبلة الصباح علي جبينها بحنان وهو يهمس قائلاً : اصبحنا واصبح الملك لله ، صباح الفل علي العيون النعسانين ف حضن أدهم يا قلب أدهم
صباحك يختلف نوره، وتفتّح ورده وزهوره تبشر بالهنا طيوره ، صباح الخير وسروره ، صباح الحب من قلب عشق روحك واتمناها ، عشق همسك، عشق خطك ، ومراسيلك تحرَّاها.

حنين بتثاؤب : صباح الأشعار يا عاشقي ، كل الكلام الحلو  ده ليا انا

.... : طبعا ليكي اومال لمين يا أم العروسة

.... : همسه وحشتني أوي يا دودي

....... : قلب دودي ونور عيونه ، بكرة ترچعلك بالسلامة وتفضل ف حضنك علي طول وتشيلي ولادها وولاد ولادها ، بس ولا تزعلي روحك ، انتي عارفه آني مبتحملش أشوف دموعك ولا وشك أما بيحزن ، يالا قومي چهزي حالك خلينا نفطروا وبكره في المساء سنطير معـًا نحلق في الفضاء قاصدين الچنة لنجدد عهدنا بالحب

صدح صوت حنين بالضحكات وامتلئ به أرجاء غرفتها لتعلن بها عن سعادة قائله : أنت صاحي فايق النهارده الحمد لله

...... : طب بزمتك نايم ف حضن القمر وشوفت همستي وهشام ف المنام فرحانين ومبسوطين ، عوزاني أقوم من النوم متظربن

ارتفع صوتها وهي تضحك قائله : واه واه لاه يا واد عمي وليه تتظربن ، ربنا ما يجيبش ظربنه علي الصباح

....... : وهاه كمان أحلي صعيدي من أحلي حنين ، يالا يا قلبي قومي

حنين بحنانها وطفولتها المعهود : لا خليك جنبي شويه لسه بدري ، أنا مش عاوزه أقوم دلوقت

....... : بس أكده ، خليني چارك العمر اللي فاضل كله ، بس بقول إيه ، تعالي هقولك سر خطييييير

عاد يحتضنها بحب وحنان وهمس في اذنيها ستظلِ طفلتي المدللة مهمي كبرتِ وسأخفيكِ داخلي ولن يراكِ سواي ، وسطروا معـًا لحظات من الرومانسية تُضاف إلي قصتهم التي مازالوا يسطروا حروفها إلي أن استفاقوا علي صوت الهاتف ، إنها فضة تستعجلهم للنزول لتناول الإفطار
___________________
فضه : أصباح الخير يا أم العروسة ، كَلمتك همسه

حنين : صباح النور ، لا لسه متكلمش ، بس أكيد هشام كلمك

...... : كلمني دقيقة وقالي همسه نعسانه ياما وأحنا بخير ، قالي طمني الچماعة وأما تفوق همسه هنتصلوا بيهم يكونوا فَطروا

........ : طيب الحمد لله أنهم بخير ، مفيش أخبار عن تقي ، دي كان شكلها تعبان أوي من الحمل ومكنتش قادره تقف علي رجلها في الفرح

........ : ربنا ينچيها ويبعت لها ساعة سهله بإذن الله ، والله يا بت عمي قلبي مش مرتاح ، البت ضعيفة والحمل بهدلها

.......... : يارب ربنا يسترها ويكتب لها الخير وينجيها

........ : انتشاله خير يا بت والدي وهتقوم بالسلامة قولوا بس انتوا يارب وكلها تساهيل ربنا

....... : يارب يا ادهم يا خوي يسمع منك ربنا

........ : يالا عاوزه حاچه حنيني هروح آني مشوار صغير اشقر علي الشغل قبل ما نسافروا وعلي ما ارچع تكوني چهزتي حالك

....... : عيون وقلب حنينك ، بس منتأخرش

حمزة : جري ايه يا ام العروسة انتي وابو العروسة هو اخو العروسة ملهوش ف الحب ده ولا نستوني خلاص

حنين اقتربت تداعب حمزة : ازاي طيب انسي القمر ده ، يا قلبي انت حته من روحي وروح ادهم ، ده انت اللي جامعنا معاك حتي ركز ف اسمك كده هتلاقينا معاك في كل حته بتروحها بس انت مش واخد بالك

....... : لا يا ست ماما واخد بالي وامري لله ، مش هنكد عليكم واقولكم هروح معاكم ، انا هقعد هنا مع جدي وجدتي

ارتفع صوت ادهم بالضحك قائلا : والله وغلبتني يا ولدي ، عموما القاعدة ويا چدك وچدتك تسوي الدنيا وما فيها
_______________________
احتضن هشام همسه تحت شجرة الياسمين وهمس لها : ارفعي وشك للسما وادعي دعوة حلوة بس غمضي عيونك الأول
اغمضت همسه عيناها وتمتمت بدعاء
........ : آمين يارب العالمين
........ : انت عارف انا دعيت بإيه ؟؟
ثبت هشام عيونه أمام عيون همسه للحظات ثم اردف : يارب تجمعنا دايما ومتفرقش بينا ويفضل هشام جوا قلبي ويفضل يحبني علي طول ذي ما بابا بيحب ماما

صدح صوت همسه بالضحكة الممزوجة بالدمعة دليل علي فرحتها واردفت : هو انت ازاي عرفت كل ده ؟؟
انا فعلا قولت كده

........ : انتي اول مره تعرفي اني بقرا عيونك ، اول مره تحسي انك عايشه جوايا من يوم متولدتي ، بحس بيكي وبعرف اذا جعانه او عطشانة او حرانه او بردانه بعرف امتي زعلانه وامتي فرحانه من غير ما تتكلمي واوقات كنت بحس بيكي وانتي بعيد عني وانزل ادور عليكي وألاقيكي زعلانه وقاعدة لوحدك وحاجات كتيييير بقي أحكيلك عنها بعدين مش دلوك

........ : طيب تقدر تقولي انا دلوقت عاوزه إيه ؟؟

........ : هقولك حالا انتي عاوزه إيه
دقق النظر لعينيها ثم ضمها لصدره وقال

وبقولها يا همسة وهمسيه
وضحكة فقلبي مش منسية
وربى لولا متربى
ما قولك غير يا شاقية
يا ناعسة
نعاس الليل على شعرك بنى بيوته
وحط الطوب وانا ايوب ومش صابر
كلامك وقف اللحن القديم وچددنى
وشد ربابة الشاعر
لأنى بيرم ولا حداد ولا چابر
كفاية الليل ملكتينى
مفيش فالشمس چنية ...يا شاقية
كفاية الحب عشقينه
ولسعة حبك المولود بتسحرني

اسرعت همسه حين سمعت كلماته وقفزت لتحتضنه فضحك وضمها ودار بها
همسه : آااااااه قلبي هيقف هشااام ، أنا فرحانه ، فرحانه اووووووي ، وبحبك اووووووي ، حاسة أني اتولدت من جديد

هشام همس في أذنيها : وهشام بيعشق همسه وكل تفاصيلها وطفولتها وضحكتها اللي سرقت قلبه من صدره

صدح صوت همسه بالضحك والابتسامة : حرامية يا حبيبي عندك مانع ولا إيه ؟؟

..... : مانع لاه فين المانع ديه يا أميرة أحلامي ، هشام وقلب هشام وكل ما يملك هشام ملك ايديكي وطوع أمرك وفدا شعرة واحدة من شعرك
آني مستعد والله أعمل أي شي بس أشوف السعادة علي وشك الچميل ديه ومتفارقهوش بس اطلبي واتمني

..... : امممممممم عاوزه آكل شيكولا بالمكسرات وبسكويت بالتمر ولبن كمان بالعسل النحل ويكون دافي

....... : يحضر فورا بس انتي عليكي الأمر وآني عليا التنفيذ

ضحكت همسه وهمست له : بحبااااااك ، طيب وانت مش هتآكل
....... : لاه هآكل طبعا يا همستي

........ : طيب هتطلب إيه ؟؟

...... : لا لا آني أكلي چاهز بس تعالي وياي

مسك يدها وجري بها مسرعا متوجها بها لغرفتهم وسط ضحكة وسعادة : هشام بالراحة أنا تعبت

..... : وااااااه تعبتي ، وكيف تتعبي وآني واياكي ، والله لترتاحي وحالا
باغتها وحملها بين ذراعيه وتشبثت بملابسه واحتضنته هامسة له : هشام الناس هتتفرچ عليّ ، أنا مكسوفه أوي ، نزلني

....... : ازاي تتكسفي وانتي ف حضني ، اللي يتفرچ يتفرچ ، مرتي وملكي ، حلالي قدام ربنا واللي معچبهوش ميشوفش

همسة ضاحكة : مجنووووون بحب مجنون

........ : ليه چديد عليكي چناني ولا إيه يا بت خالي ، ما انتي عارفه اني مچنون بيكي وبحبك

ظل يحملها ودخل بها ريسبشن الفندق وسط أعين الموظفين والعاملين الذين يختلسون النظرات وقد ارتسمت علي وجوههم الابتسامة متمنيين لهم دوام السعادة
صعد بها هشام لغرفتهم
همسه : هشام نزلني بقي ، كفاية كده ، احنا خلاص ف الاوضة

....... : والله اللي خالقك وخالقني لو أطول اشيلك باقي عمري بين يدي هعملها ومهتعبش

اقتربت همسه بوجهها إليه وقبلته بحنان فأنزلها من بين يديه واحتضنها وضمها لصدره وسرق من بين شفتيها قبلة صعدت به إلي عنان السماء

وهمس لها هو آني ممكن اقولك حاچه وتنفذيها

....... : أكيد هنفذها ، بس قول عاوز ايه

....... : تعالي هنا اقعدي علي السرير وارتاحي وخلي المخدة دي ورا ضهرك وافردي رچلك

اطاعت همسه أوامره ونفذت ما طلبه منها .........
#يتبع