بقلم نورسين محمد
الفصل ١٣
مرت الايام... لا يكف أدهم عن ارسال رسائله طمعاً ان ترضا وتحن على العاشق الولهان برسالة واحدة ترد له روحه الغائبة عنه أو ترد على اتصاله
تنشغل حنين بدراستها وأدهم بعمله ومتابعة مراسلتها وقد أهمل في صحته وجافاه النوم .. انتصف الشهر واقترب موعد امتحانات حنين
----------
في صباح يوم جديد، بالقرب من ڨيلا عبد الكريم
أدهم يمتطي حصانه الابيض ويجري به ويسرع أكثر فأكثر فهو هائم في معشوقته التي ترفض محادثته وفجأه يسرع به الحصان وشعر بالدوار من قلة الطعام والنوم فيقع على الارض، ترتطم ساقه بالحجر فتنكسر يصرخ أدهم صراخاً شديداً ليتقدم نحوه الحارس:
الحارس قائلا : ادهم بيه، أيه اللي حوصل؟
أنت حاسس بإيه يا بيه؟
اجابه ادهم بوهن شديد وهو يتألم قائلا : الحقني رچلي مش قادر أحرِكها
أسرع الحارس يتصل بعامر
لينتفض عامر من مجلسه وتساءل : كيف ده كله يُحصل وانتوا كنتوا فين؟
أقفل، أقفل آني چاي حالاً، توجه لعبد الكريم يخبره قائلا:
عامر : يا بوي أدهم وقع من على الحصان، هروح بيه على المستشفى على طول.
عبد الكريم متسائلا بخوف تملكه قائلا : سترك يا رب ، روح يا ولدي واحنا هنحصلوك
فزعت غنيه على أدهم و تخبط بيدها أعلى صدرها : ولدي، اسم الله عليك يا ولدي
_________
انتقل أدهم للمستشفى وبعد اجراء الإشاعة يتبين وجود كسر مضاعف يستوجب إجراء عملية جراحية وتركيب شريحة ومسامير.
غنيه قائله : العيون قصفتك يا ولدي ، يا فضه...
أسرعت إليها فضه تلبي نداءها قائله : نعم ياما!
غنيه اخبرتها وهي ترتجف قائله : هنعملوا أيه دلوقت يا بتي ، هنتصلوا بحنين نبلغوها ولا هنعملوا أيه ؟
اجابتها فضه قائله : اني بيتهيألي ياما نستنوا أما يعمل العملية ونطمن عليه وبعدين نبلغها، البت عنديها امتحانات وبلاش نوخضوها.
تحدثت غنيه قائله : والله يا بتي عندك حق، بس معوزهاش تزعل إننا قولنالها متأخر.
________
توحه عبد الكريم إلى المشفى
عبد الكريم متسائلا : طمني يا داكتور علي ولدي انشاله تكون الواقعة خفيفة ؟
الطبيب قائلا : متقلقش يا حاچ إن شاء الله بسيطة، أما أخرچ من العمليات هطمنك عليه
عبد الكريم عاد يتساءل : وميتا هتعملوها العملية يا داكتور؟
اجابه الطبيب قائلا : بالليل إن شاء الله علشان لازم نچهزه ونعمل التحاليل اللازمة قبل العملية
عبد الكريم: طيب يا ولدي، إن شاء الله
_______
دقت الساعة الثانية عشر مساءًا
أدهم في غرفه العمليات، حنين لم تنتبه لهاتفها طوال اليوم، فهي تحاول أن تعوض ما فاتها من محاضرات
بعد مرور ساعتين خرج أدهم فاقد الوعي بسبب البنج
الطبيب : الحمد لله يا حاچ العملية زي الفل وإن شاء الله مع العلاچ الطبيعي بعد شهرين من ميعاد العملية هيرچع أحسن من الاول إن شاء الله.
عبد الكريم : الله يطمن قلبك يا ولدي، إن شاء الله
وتوجه لغرفة أدهم ليطمئن عليه، جلس بجواره لساعات حتي بدأ يستفيق ويهذي
ادهم: حنين .. بحبك .. بحبك .. حنين .. حنين
سمعه عبد الكريم ينادي عليها فاتصل بعبد الرحمن
أسرع عبد الرحمن يجيبه عبر الهاتف قائلا : اهلا يا خوي كيفك؟
عبد الكريم قائلا : آني بخير يا خوي الحمد لله
عبد الرحمن متسائلا بتوتر: لاه، صوتك مش كويس، في حاچه عنديكم؟
عبد الكريم بصوت مرتجف ينم عن ألم داخله يحاول اخفاؤه: ادهم واقع من على الحصان وتكسرت رچله وعمل عملية ولسه هيفوق من البنچ، آني جولت ابلغك عشان تقول لمرته لو تحب تآچي تطمن عليه
عبد الرحمن: احنا هنآچيوا كلنا يا خوي مش حنين بس
سلامته ألف سلامة، إن شاء الله هيبقا زين وهيعاود يرمح كيف الحصان، بس قول يارب.
عبد الكريم: ملناش غيره يا خوي، بنقول يارب، ربك كريم.
----------
انتهت المكالمة ليرتفع صوت عبد الرحمن ينادي: حنين، يا حنين يا بتي، تعالي
حنين: نعم يا بابا، حاضر، جيت أهوه.
عبد الرحمن: أدهم تعبان وفي المستشفي يا بتي وقع من على الحصان وعمل عملية ف رچله، چهزي نفسك هنسافروا ف الفجر نطمنوا عليه
---------
دق قلب حنين خوفاً عليه، احساس غريب لأول مرة تشعر به وتتحدث لنفسها متسائلة:
- هو أيه اللي أنا حاسه بيه ده؟
ده حب ولا خوف؟
لا ده شكله .... لا لا مش وقته ..
حاضر يا بابا وبعصبيه تتحدث: مع إنهم كانوا المفروض يبلغونا قبل العملية مش بعدها، بس عموما خلاص اللي حصل حصل، خلينا في دلوقت، أنا هروح أجهز شنطتي... وتوجهت لغرفتها والتقطت هاتفها وفتحته بعد ساعات طويلة لم تنتبه له لتجد رسالة من أدهم:
- صباح اليوم
وبعدها كتب لها كلمات الحب واعترف لها بحبه
قرأت رسالته ليدق قلبها اكثر فأكثر وتتحدث لنفسها: تعرف إنك وحشتني بس مكنتش اتمني أن بعد غياب فترة أرجع وأشوفك تعبان...
__________
دقت الرابعة فجراً تحرك عبد الرحمن وعائلته في طريقهم لقنا وبعد ساعات طوال وصلوا مستشفى الشفاء الدولي بقنا حيث يرقد أدهم على فراشه لا يستطيع التحرك.
أطرقت حنين باب الغرفة لتفتح لها جميله الباب حيث كانت بمفردها مع أدهم تنتظر عودة عامر الذي تركها وتوجه لإحضار القهوة لشعوره بالصداع، غضبت حنين عندما شاهدتها داخل الغرفة
لتتحدث إليها بحنق: صباح الخير
جميله: امم، صباح الخير، انتي چيتي حمدلله على سلامتك، كيفكم؟
عبد الرحمن: الله يسلمك يا بتي، انتي وحدك أهنه؟
جميله : لاه، مش لوحدي يا عمي، عامر نزل الكافيتريا بيچيب قهوه وچاي
----------
لم تعيرها حنين اهتمام واقتربت من ادهم ولكنه نائم لم يشعر بها بعد، وضعت يدها على صدره املاً في أن تطمئن عليه ولكنه مازال نائماً من أثر المسكنات، عندما همت لتبتعد عنه، إذا بأدهم يفتح عيناه بهدوء ممسكا بيدها ليقبلها بحنان، همت لتبتعد عنه فجذبها لتقترب منه أكثر فقبلها بجبينها وهمس لها، اتوحشتك قوي، يا ريت رچلي انكسرت من زمان عشان ترچعي وأملي عيني بشوفتك من چديد.
احمرت وجنتيها خجلا، وهمست له: حمدلله على سلامتك، وابتعدت عنه خجلا من وجود والديها، اما جميله فكانت تراقبهم بنظراتها الثاقبة
جميله: اووووف، آني هروح لعامر أشرب قهوة آني كمان، دماغي وچعتني، أچيبلكم قهوه معاي؟
عبد الرحمن: روحي يا بتي، اشربي قهوتك، لاه متشكرين معيزينش، حمدلله على سلامتك يا أدهم ولدي مش تآخد بالك من نفسك يا ولدي
أدهم: كله رزق من رب العالمين يا عمي الحمد لله، شوفتكم من تاني بسبب وقعتي دي.
مني: سلامتك يا ابني ألف سلامة، ربنا يتم شفاك على خير.
ادهم: الله يسلمكم، الحمد لله على كل حال، قدر الله وما شاء فعل.
حنين: الدكتور قال هتخرج امتي؟
------------
طرق عامر الباب ودخل يلقي التحية والسلام:
- حمدلله علي سلامتكم، نورتوا قنا
- الله يسلمك
حنين: امتي هتخرج من المستشفي؟
عامر: الداكتور قال يومين بالكتير ويرچع البيت وبعد اسبوعين يفك السلك وبعد أكده يعمل اشاعه تاني ويبدأ چلسات العلاج الطبيعي.
حنين: إن شاء الله، اومال فين جميله، شكلها كانت متضايقة وهي قاعده لوحدها مع ادهم، متبقاش تسيبها لوحدها تاني تبقا تآخدها معاك.
ينتبه أدهم لكلامها ولأول مره يشعر بغيرتها عليه فيبتسم ابتسامة رضا
وبعد دقائق يدق باب الغرفة واذا بقسمه وفضه حضروا لزيارة أدهم والاطمئنان عليه
فضه بفرحة والسعادة ترتسم على وجهها، أسرعت تحتضنها قائله: حنين، اتوحشتك يا ضي عيني، چيتي ميتا، مين خبرك، والله مكناش عاوزين نقولولك غير أما نطمن عليه عشان متقلقيش وانتي عنديك امتحانات
قسمه بابتسامه هادئة: حمدلله على سلامتكم، دلوقت ادهم هيخف وهيرچع أحسن من الاول
ليضحك الجميع على كلامها، رفع أدهم وجهه ينظر لحنين ويبتسم فتشعر بالخجل
_________
سريعاً ينتهي النهار وفي المساء ينتهي موعد الزيارة
عامر: ياله ارچعوا البيت ارتاحوا والبنات هيمشوا معاكم وچميله كمان هترچع معاكم والصبح تبقوا تآچوا عشان حنين تطمن عليه، آني هبيت معاه
حنين: لأ، انت ارجع معاهم وأنا اللي هبات معاه
عبد الرحمن: ماشي يا بتي خليكي چنب چوزك، ياله يا عامر يا ولدي.
عامر: بس يا بت عمي انتي تعبانه من السفر والطريق طويل وانتي من الصبح مرتاحتيشي، روحي معاهم وبكره بيتي معاه تكوني ارتاحتي شوي
حنين: لأ انا هبقا مرتاحه وانا هنا معاه وعلى فكره أنا هبات معاه النهارده وبكره كمان، اقصد لحد الدكتور ما يسمح بخروجه.
---------
عامر نظر لأدهم الذي أومأ له برأسه بالموافقة
عامر: خلاص على راحتك يا بت عمي ولو في أي حاچه اتصلي عليّ وهتلاقيني قدامك
حنين: متقلقش ان شاء الله مش هحتاج حاجه
انصرف الجميع في طريق عودتهم لڨيلا عبد الكريم
حنين مع ادهم داخل الغرفة بمفردهم، اوصدت الباب وأحكمت إغلاقه ليتحدث أدهم قائلا:
ادهم: حنين، تعالي چاري
حنين: ليه، عاوز حاجه؟
ادهم: تعالي چاري وآني أقولك.
---------
اقتربت منه حنين لتجلس بجواره على الكرسي بجانب فراشه
ادهم: لاه بقول تعال هنيه چاري ع السارير، اقعدي هنه
ترددت في البداية ولكنها وافقت بعد ذلك وأطاعت أوامره، مسك يديها وقبلها واحتضنها، لأول مره هكلمك زي ما بتتكلمي، وحشتيني اوي، اشتقتلك واشتقت لروحي اللي كانت غايبه عني من يوم ما سبتيني ومشيتي، أنا آسف، سامحني على كل لحظة حسيتي فيها بالوجع وكنت أنا السبب فيها، أنا معرفتش أي حاجه غير لما سافرتي، آسف اني مسبتلكيش فرصة تتكلمي وتحكي اللي عندك، آسف اني خذلتك، سامحيني يا حنيني...
دمعت عينيها تأثراً بكلامه وتوسله لها
مسح دموعه وأردف قائلا: دموعك غالية يا حنين روحي، من هنا ورايح مش عاوز أشوف دموع تاني، طول ما أنا عايش مش هسمح لأي حاجه تكون سبب ف دموع حبيبتي، احكيلي علي اللي حصل كله من وقت ما وصلتلك ومشيت
حنين: هحكيلك على كل حاجه بس لما تخرج من المستشفى ونرجع البيت مش وقت كلام هنا، كفاية بقا كلام انت لازم ترتاح وتآخد الدوا وتنام.
ادهم: خليكي چاري
ضحكت حنين واردفت: انت رجعت تتكلم صعيدي تاني بسرعه كده، ماشي أنا جنبك اهوه بس خود الدوا وارتاح، وانا هقعد جنبك وهذاكر شويه الامتحانات بعد اسبوعين
ادهم: انا آسف عطلتك
حنين: لأ مفيش عطله ولا حاجه، يعني هو اللي حصل بإرادتك ده مكتوب والحمد لله قدر ولطف، المهم انك تقوم بالسلامة.
------------
تنقضي الليله سريعاً وفي صباح اليوم التالي يصل عامر ومنصور المستشفي ليطمئنوا على حالة ادهم من الطبيب الذي أكد لهم أن الحالة مستقرة وسوف يسمح له بالخروج غداً
استمرت حنين في مرافقته وتقضي ليلتها بجواره، يستفيق ادهم من نومه ليجدها مستغرقة في نومها فيتناول هاتفه ويكتب لها ابيات من الشعر ويرسلها في رساله أنه يحبها ويعشقها
------------
تستفيق حنين في الصباح واذا بأدهم مستغرقاً في نومه ، يرن هاتفها واذا المتصل صديقتها الوحيدة
شهد تتساءل بقلق : انتي فين يا حنين، ليه مجتيش النهارده قلقتيني عليكي؟
خرجت حنين من الغرفة لتجيبها:
- معلش يا شهد انا مش هعرف آجي اليومين دول، انا في قنا من امبارح، ادهم عمل حادثه وكان لازم آجي اشوفه واطمن عليه
شهد قائله : ااااه، ادهم، قولتيلي، طيب مش كنتي تقولي أكده من الأول، الظاهر القلب رق يا قمر، عموما سلامته وهو عامل أيه دلوقت؟
حنين قائله : الحمد لله، أحسن شويه من الاول، بس لسه مخرجش من المستشفى، احتمال نخرج بالليل
شهد قائله : طيب بالسلامة ان شاء الله، طيب انتي هترجعي امتي؟
ده خلاص الجدول نزل والامتحانات خلاص اتحددت
حنين اجابتها قائله : والله انا لسه معرفش هرجع امتي، اما اطمن عليه الأول، مش هقدر ارجع واسيبه تعبان، بس اكيد طبعاً قبل الامتحانات، عموماً اما ارجع هتصل بيكي
___________
انهت معها الاتصال وتنتبه لوجود رساله غير مقرؤه على هاتفها، فتحت لتجدها من ادهم، قرأتها وتنهدت وافتر ثغرها عن ابتسامة هادئة وتوردت وجنتيها بحمرة الخجل، وتناهى إلى مسامعها دقاق قلبها التي قرعت طبول الحب، أغلقت الهاتف وعادت لتجده قد استيقظ من نومه
ابتسم قائلا : صباحك سعادة والهنا، قربي
اقتربت منه قائله: صباح الخير، عامل إيه النهارده؟
----------
مسك يدها وقبلها وجذبها لتقترب منه اكثر ليضع قبله ناعمه على جبينها، واقترب من شفتيها لتبتعد عنه
ادهم قائلا : آني آسف اذا ضايقتك
ضحكت حنين ممازحة : كل شي وله أوان يا واد عمي
ارتفع صوت ضحكاته مقهقها : بتتكلمي صعيدي واه، واه تعالى اسمع يا بوي
ضحكت حنين قائله : محدش أحسن من حد، بس قولي انت حتى وانت تعبان بتكتب شعر؟
ادهم: تدوم ضحكتك يا حنين روحي، الشعر ده دوا روحي، زي ما حنين دوا روحي
________
استأذن الطبيب المتابع للحالة بالدخول وبعد أن تفحص ادهم يُطمئن حنين على حالته ويصرح له بالخروج
ليعودوا إلى ڨيلا عبد الكريم
لتطلق غنيه الزغاريد فرحاً بسلامة ادهم وعودته للڨيلا
وفي المساء في غرفة ادهم
ادهم: انتي بتعملي أيه؟
حنين بصوت متردد قائله : هنام علي الكنبة، جيه دوري.
ادهم أشار لها قائلا : لاه، تعالي هنه چاري
حنين قائله : هااه، مش هينفع، انت تعبان وممكن اخبطك
ادهم قائلا : تعالي چاري من غير كلام كتيييير
--------
أطاعت حنين أوامره وهي تقول لنفسها: هقعد جنبه شويه لحد أما ينام وبعدين هقوم أنام علي الكنبة
جلست بجواره ممسكه بكتابها وغلبها النوم فاستلقت واستسلمت للنوم بجواره دون ان تشعر
ادهم مستيقظ طوال الليل يتأملها وهي مستغرقة في النوم بجواره، دق منبه هاتفها معلناً العاشرة صباحاً موعد دواء ادهم لتستيقظ مسرعة لتطفأه ووجدت نفسها بجانبه على نفس الفراش، اعتدلت وايقظته ليتناول الدواء
ثم توجهت لثريا وطلبت منها أن تجُهز له اللبن الدافئ بالعسل ثم تُجهز الفطار بعد ساعة، عادت لغرفتها مره اخري فوجه لها سؤاله:
- هترچعي مصر ميتا؟
حنين: خلال اليومين اللي جايين علشان الامتحانات
ادهم: تعالي چاري
---------
جلست حنين بهدوء بجواره: نعم
ادهم: حكيلي بالتفصيل كل اللي حُصل معاكي
حنين: حاضر، انت بعد ما سيبتي ومشيت ........ واستكملت حكايتها حتى النهاية ....... لحد ما انتوا جيتوا واخدتوني .. انا معرفش البيت ده بتاع مين .. ولا ازاي وامتي انا روحت هناك.
ادهم: مين اللي عمل أكده؟
حنين: انا معرفش مين اللي عمل كده، انا قولتلك اني مشيت مع يوسف بالعربية وصحيت لقيت نفسي ف البيت اللي اخدتوني منه وانا مش عارفه اذا هو ولا لأ...
ادهم: يوسف ديه بتشوفيه لسه ف الچامعه
حنين: لأ من وقت ما رجعت مشفتهوش لأنه في سنه رابعه وعندهم مشروع تخرج ومش بييجي كتير
ادهم: معاكي صوره ليه؟
----------
بحثت في هاتفها ووجدت صورة جماعيه لأصحابها ومنهم يوسف وشهد ومحمود وباقي اصدقاءها وأشارت له عليه: ده يوسف وده محمود صاحبه
التقط منها الهاتف وارسل لهاتفه الصورة ثم أعاده إليها مرة أخري بدون أن يتفوه بكلمة واحدة
من خلف الباب تناهى إلى مسامع حنين صوت عبد الرحمن الذي ينادي: حنين
أسرعت لتجيبه: نعم يا بابا
عبد الرحمن: اطمنتي على چوزك، الحمد لله؟
حنين: اه يا بابا، الحمد لله.
عبد الرحمن لازم نرچعوا يا بتي عشان الچامعه
حنين: ماشي يا بابا، امتي عاوز ترجع؟
عبد الرحمن: بكره الصبح نتوكل على الله.
حنين: ان شاء الله، هروح أجهز شنطتي وأبلغ أدهم بميعاد السفر.
عبد الرحمن: روحي يا بتي الله يطمنا عليه.
عادت حنين لغرفة ادهم
- احنا هنرجع القاهرة إن شاء الله بكره الصبح وهبقاا اطمن عليك بالتليفون إن شاء الله
ينظر لها ادهم بحزن: إن شاء الله، بس بسرعه اكده؟
حنين: معلش الامتحانات خلاص قربت
ادهم: ربنا ينجحك، اهم حاچه انك تآخدي بالك من نفسك
حنين: ان شاء الله ..
________
تركته لتجهز حقيبتها، ينتهي اليوم سريعاً وفي المساء حيث سكون الليل
ادهم: حنين تعالي چاري شوي
حنين: هااه.
تتسارع دقات قلبها متسائلة: في حاجه؟
ادهم: لاه، مفيش بس تعالي چاري
اقتربت منه وجلست بجواره
ادهم: لاه، تعالي اتسندي على المخده دي
حنين: هييييح، بابتسامة ناعمه أما نشوف آخرتها معاك
---------
اقترب منها أدهم يغافلها ليضع رأسه على صدرها، تحاول ان تقوم من جانبه ولكنه لم يسمح لها بذلك
حنين: وبعدين معاك؟
ادهم: انا عاشقك ومن زمااان اوي يا حنين، عاشقك فاهمة معناها ولا تحبي افهمك ... قال لها أنه يحبها منذ ولادتها ومنذ أن عرف أنها فتاة وكان دوما يحلم أن يراها حتى كتب له الله أن يراها وهي في عمر الخمس سنوات فتعلق بها قلبه
انتفضت حنين حين سمعت كلماته
ولكنها استسلمت للبقاء بجواره حتى الصباح ، لقد خلد للنوم بعد أن اطمأن لبقائها
وفي الصباح ..
حنين بهدوء: ادهم، اصحا.
فتح عينيه ليجد نفسه نائم كما هو منذ ليلة أمس
أسرع يبتعد عنها بعدما شعر أنه قد أجهدها لليلة كاملة قائلا: انا آسف تعبتك ومحسيتش بنفسي، أول مرة أحس أن روحي رچعت تاني بعد ما كانت غايبه، أول مرة أحس بالهدوء والامان، حسيت ان قلبي رچع يدق بالراحة من تاني بعد ما كان چوايا بركان ثاير ومرضيش يتهد.
توردت وجنتيها بحمرة الخجل قائله بصوت ناعم: لا ولا يهمك المهم انك نمت وكنت مرتاح،
انا لازم اقوم علشان بابا مستنيني، ان شاء الله مسافرين حالاً
ادهم: يلاحظ ان حنين ترتدي سلسالها التي اهداها اياها فيمسك بها
حنين: هو انا ممكن أسالك سؤال؟
ادهم: مش هقولك أيه المكتوب عليها لحد اما يآچي الوقت المناسب، وكل وقت وله أدان يا قمر.
حنين: امممم، يعني كنت عارف إني هسألك السؤال ده؟
ادهم بابتسامة هادئة: إيوه، كنت عارف
حنين: ماشي وانا هستني الوقت المناسب علشان أعرف، هروح بقاا أجهز نفسي علشان بابا مستعجل الرجوع.
---------
توجهت حنين لتبدل ملابسها وخرجت لتصفف شعرها يلاحقها ذلك العاشق بنظراته حتى أن انتهت
حنين: ياله أنا لازم انزل، اشوف وشك بخير، سلام
ادهم: طب مش هتسلمي عليّ؟
اقتربت منه ومدت يدها له فقبلها وجذبها إليه فاقترب منه اكثر فاحتضنها لتستسلم للحظات ليخطف قبله من شفتيها الناعمتين، تسارعت دقات قلوبهم، نظرت إليه فيشرد في عينيها وكأن بهم سحر، ثم ستفيق سريعاً وافاقها على صوته يقول: بالسلامة يا قلبي، هتوحشيني
تحركت متجهه للباب دون أن تتفوه بكلمة، اكتفت فقط بابتسامتها الهادئة التي امتلكت قلبه بها
لأول مره يشعر أدهم بالسعادة تغمر قلبه وعقله، بدأ يمتلك قلبها أخيراً
عبد الرحمن ومني وحنين ألقوا التحية والسلام على جميع الأهل واستقلوا السيارة متوجهين للقاهرة
بعد عدة ساعات رن هاتف حنين معلن استقبال رسالة من أدهم، فتحت لتقرأ ما بها
افتر ثغرها عن ابتسامة هادئة ارتسمت على وجهها وزينته لتلاحظها منى فتتساءل:
- بتضحكي على أيه يا حنين؟
حنين: لا مفيش حاجه يا ماما، أنا بس افتكرت حاجه حصلت مع أصحابي في الجامعة؟
منى: ااااه، ماشي.
#يتبع
