بقلم نورسين محمد
الفصل العاشر
انهي كريم الاتصال واغلق الهاتف وأمسك أوراقه وبدأ يستكمل ما قد بدأه حتي يقدمه في صباح اليوم الجديد
اما احمد فقد اغلق الهاتف وانار اضاءة الغرفه وفتح دفت اشعاره وقلمه الرصاص وكتب
_______________________**___________________
وفين نتلاقي يا عمري
ده اصبح شيء ولا المستحيلات
نجيب منين تاني بكره
ده شكله خلاص ماضي فات
لكني هعيش وهنتظرك
ساعات وساعات
ويمكن تيجي ونقضي
مع بعضنا اوقات
____________________________________________
وبعد ان انتهي توقف عن الكتابه وبدأ يستكمل التقارير المطلوبه منه
حتي يتثني له تسليمها في الصباح
في بيت عبد الرحمن
إيناس تتحدث لسجده : عامله إيه دلوقت حبيبتي
سجده : انا كويسه الحمد لله بس متضايقه شويه
إيناس : مالك ، مين مضايقك ؟؟
سجده : لا انا قلقانه علي تسنيم من اسبوع معرفش عنها حاجه ومش بتتصل بياا بس قولت ان عندها شغل واما تفضى هتتصل بياا بس النهارده لقيتها منزله كلام حزين علي صفحتها وده غير العاده
إيناس : طيب يمكن في حاجه مضيقاها او مزعلاها ، عادي كلميها وأسألي عليها وهتعرفي مالها ، أكيد هتحكيلك
سجده : عملت كده بس الفون مغلق من الصبح
إيناس : متقلقيش ان شاء الله خير ، بقولك إيه يا سجده ماما كلمتني وطلبت مني اني اتكلم معاكي بخصوص طلب أسلام ابن خالتك وانا كنت شيفاكي تعبانه الفتره اللي فاتت ومكنتش راضيه اتعبك زياده ، بس خالتك كل يوم بتتصل بماما وهي بتتحجج بأي كلام وخلاص بس الحجج خلصت ، انتي رأيك النهائي إيه في الموضوع ده علشان نرتاح ونريح خالتك ؟؟
سجده : يا إيناس بيتهيألي اتكلمنا انا وانتي قبل كده في الموضوع وانتي عارفه ردي كويس ومش هغيره ، انا مش عاوزه اتجوز
إيناس : يا بنتي مفيش حاجه اسمها مش عاوزه اتجوز ، مين اللي هيسيبك من غير جواز تعيشي لوحدك من غير سند ولا طفل ، عمومـًا او هبلغ ماما انك مش موافقه بس خلي بالك انهم مش هيسيبوكي كتير ، يالا ارتاحي وانا هروح اطمن علي ساهر
سجده : ماشي ، سلمي عليه
إيناس : يوصل حبيبتي ، حاضر هبلغه
اما في غرفة ساره فقد اتصلت بأسامه لتطمئن عليه
ساره : ازيك يا حبيبي ، عامل إيه دلوقت ؟؟
اسامه : الحمد لله احسن شويه ، بس زهقاااان جدااا ، احكيلي حدوته يمكن الزهق يروح واعرف انام
ارتفهع صوت ساره بضحكة جميله : إيه ده حدوته بس انا مبعرفش احكي حواديت يا حب
اسامه : لا مليش دعوه انا زهقان اتصرفي احكي حدوته احسنلك بقي بدل ما انتي عارفه
ضحكت ساره : لا لا عارفه بلاش بوززززز مش ناقصه
خناق ، حاضر الامر لله ، هحاول
اسامه : اتفضلي كلي آذان صاغيه
ساره : كان يا مكان في سالف العصر و الاوان ولا يحلي الكلام اللي بذكر النبي عليه الصلاة والسلام
اسامه : عليه الصلاه والسلام
ساره : كان فيه راجل غلبان اسمه عم جحا.. عم جحا كان بيشتغل حطاب كل يوم الصبح يروح الغابه ويقطع الشجر ويآخد الحطب بتاع الشجر يبيعه.. كل يوم على دا الحال وكان بيكسب فلوس قليله
في يوم من الايام عم جحا باع حطب كتير وكسب فلوس كتير .. عم جحا اخد الفلوس وراح لمراته قالها انا كسبت فلوس كتير تحبى اجيبلك ايه .. مراة عم جحا قالتله انا نفسى اكل لحمه او فراخ من زمان مادوقتهاش نفسى فيهم
عم جحا قالها حاضر انا حالاً هنزل السوق واشترى اللى انتى عايزاه
وفعلاً عم جحا أخد بعضه وراح على السوق علشان يشترى لمراته اللى هى عايزاه
عم جحا بيبص كدا لقى واحده قاعده وبتبيع فراخ قام سألها بكام الفرخه يا حاجه
الست قالتله الفرخه ببلاش دى بتاعتك ياجحا خدها ليك
جحا استغرب من كلامها قالها بتاعتى ازاى.. قالتله هى بتاعتك خدها ببلاش بس هنصحك نصيحه
انك ماتدبحهاش لازم تستفيد من البيض بتاعها الاول
جحا اخد الفرخه وهو فرحان وراح لمراته.. مراته كانت هتدبح الفرخه بس جحا منعها وقالها لاء خلينا نستفيد الاول من البيض بتاعها اللى الفرخه هتبيضه
تانى يوم الصبح جحا راح شغله وقعد يشتغل وهو بيشتغل بص لقى مراته جايه بتجرى وبتنادى عليه وبتقوله ياجحااااااا
جحا استغرب جداً وسألها فيه اييه ؟؟
وايه اللى جابك ؟؟
مراته قالتله شوف ياجحا الفرخه باضت اييه؟!!
جحا بيبص على البيضه لقاها بيضه دهـــب
جحا فرح اوووى واخد البيضه الذهبية وراح باعها وبفلوسها اشترى لبيته ولمراته حاجات كتييير
كل يوم على دا الحال الفرخه تبيض بيضه دهب وجحا ياخد البيضه ويبيعها
في يوم من الايام جحا فكر وقال ليه انا مافتحش بطن الفرخه واخد كل البيض الدهب اللى موجود فيها
هو انا لازم استنى كل يوم الفرخه لحد ماتبيض لاء انا هفتح بطنها واخد كل البيض ..
وفعلاً جحا مسك السكينه ودبح الفرخه وفتح بطنها.. يفتش يمين شمال لقى بطنها فاضيه بقى هيتجنن ازاى مافيش بيض دهب
مراته جت وقالتله انت عملت ايه ياجحا ازاى تعمل كدا .. جحا رد عليها وقالها انا طمعت وعرفت دلوقتى ان الطمع يقل ما جمع وتووته تووته نومه مع احلي حدوته ، ضحكت ساره قائله : إيه رأيك بقي ؟؟
ضحكت اسامه قائلاً : حلوه يا قطتي روحي نامي وبكره فكري في واحده جديده علشان الموضوع مطول شويه
ضحكت ساره قائله : إيه ده هو كل يوم ولا إيه ؟؟
اسامه ضاحكـًا : يعني عيب عليكي تبقي بتاعة حواديت وتاريخ وتحكيلي جحا قبل النوم ، بس والله ظريفه ، عمومـًا بكره عاوزه واحده حلوه
ساره : من عيوني ، ياله تصبح علي خير يا قلبي
تركت هاتفها جانبـًا واحتضنت وسادتها وذهبت مع احلامها متمنية ان تري حبيبها في احلامها واستسلمت وخلدت للنوم
كريم مازال يُجافيه النوم ، قلقـًا متسائلاً نفسه من تلك الفتاة التي ترافقني احلامي ، هل هي حلم ام حقيقه ، اتمني ان اراها وان ابدأ معها رحلة حب في عالم الحقيقه ، نتذوق معـًا معاني الحب والأحاسيس والمشاعر الصادقه ،
ولكن اين هي ؟؟
من تكون ؟؟
ظل ساعات وساعات يفكر الي ان اصابته اوجاع الرأس فترك اقلامه ودفاتره واستلقي علي فراشه املاً ان يذهب في ثبات عميق وتأتي له فتاة احلامه ويستكمل معها حلمه الجميل
هدأ الجميع واستسلموا وخلدوا للنوم وفي صباح اليوم الجديد
توجَّه احمد للجامعه ليقابل احمد ونادر فلم يجد احد منهم فقرر ان يبحث عن فتاته وأخيرًا قد عثر عليها تقف بجوار شجره وكأنها كالجبل الشامخ امامه لا يهدمه الريح ، فأقترب منها
أحمد : صباح الخير
چوري : صباح الخير
احمد : ممكن آخد من وقت دقيقتين ومش هأخرك ، انا عاوز بس اتكلم معاكي في حاجه مهمه
چوري : اتفضل انا سمعاك
احمد : انا بعتذر عن الطريقه اللي حاولت اتعرف بيها عليكي ولكن انا عملت كده علشان محدش من اصحابك يسألك مين ده ، او بيتكلم معاكي ليه ؟؟
واللي كنت عاوزك تعرفيه اني مش واحد من الشباب اللي غاوي يتعرف علي واحده وبعد فتره يسيبها علشان غيرها ، يعلم ربي اني كنت ناوي علي جد بس الظاهر ان مفيش نصيب ، ارجو قبول اعتذاري
چوري : مفيش نصيب ف إيه ؟؟
احمد : بصراحه انا معجب بيكي من اول مره شوفتك فيها
#يتبع
