بقلم نورسين محمد
الفصل الرابع عشر
نرجع لأحداثنا
وانا اتفقت معاه اني هتكلم معاكم ولو استقريت علي السفر هتصل بيه وبصراحه محدش كان عارف الموضوع غير ساره وانا اجلت الكلام فيه لحد اما اعرف رأيها واشوف هي هتقدر تساعدني ولا لأ
امينه : طيب يا ابني وهي هتساعدك ازاي ؟؟
اسامه : ما هو ده الموضوع اللي انا عاوزكم فيه
محمد : طيب اتكلم خلينا نفهم
اسامه : انا اتكلمت مع ساره في موضوع الجواز وقولتلها نتجوز علي طول وهي اتكلمت مع اهلها وهما موافقين وانا دلوقت بقولكم احنا نتجوز وآخدها ونسافر وهي هتساعدني هناك ما هي دراستها وشغلها بالألماني
محمد : طيب ماشي والله انا معنديش اي اعتراض ، دي فكره كويسه جدًا ، إيه رأيك يا حاجه ؟؟
امينه : والله يا حاج طالما العريس والعروسه موافقين انا اللي هرفض ، البنت اصيله واهلها ناس طيبين والحمد لله انهم وافقوا انها تتجوزه في الظروف دي
هشام : خلاص ماشي انا هكلم عمي واتفق معاه علي يوم الخميس كتب الكتاب والزفاف وهنعيش هنا معاكم كام يوم لحد السفر واما نرجع هنرجع علي شقتنا ان شاء الله
محمد : علي بركة الله
خرجت امينه بصحبة محمد من غرفة اسامه فأمسك بهاتفه واتصلت بمحمود
اسامه : ألو ، ازيك يا عمي ؟؟
محمود : اهلاً اسامه حمدلله علي سلامتك يا ابني
اسامه : الله يسلمك يا عمي ، انا كنت عاوز اتكلم مع حضرتك في موضوع الجواز و لولا الظروف كنت طبعـًا جيت لحد عندك بنفسي
محمود : ولا يهمك يا ابني ربنا يشفيك ويعافيك يارب ، اتفضل انا سامعك
وهنا حكي اسامه كل ما حدث معه وكل ما عرفه عن السفر
فلم يتردد محمود للحظه واحده وبارك له زواجه من ابنته
محمود : وعاوز تكتب امتي ؟؟
اسامه : إيه رأي حضرتك في يوم الخميس اللي جاي لأني محتاج القسيمه في ورق السفر ؟؟
محمود : كويس مناسب جداً وساره كانت حاجزه الفستان والكوافير
اسامه : وانا كمان الحاج كان حاجز المأذون هيتصل يأكد عليه الميعاد الجديد
محمود : مبروك يا ابني ربنا يتمم لكم بخير ان شاء الله
اسامه : الله يبارك فيك يا عمي ، مع السلامه
انهي اسامه الاتصال وقام بالاتصال بهشام ليبلغه انه قرر السفر للعلاج وطلب منه انهاء الاجراءات حتي يستطيع ان يسافر برفقة زوجته وأكد له انه سوف يرسل له قسيمه الزواج بعد استخراجها حتي يتثني له ان يقوم بإنهاء كافه الاجراءات
مرت الايام وارسلت تسنيم رساله لسامح تطلب منه ان يتحدث إليها في امر هام
فقام بالاتصال بها فوجدها تبكي
سامح : انتي بتعيطي ليه طيب دلوقتي ، ممكن تفهميني يا حبيبتي ، مالك فيكي إيه انتي عارفه انك دموعك بتقتلني ، علشان خاطري بلاش دموع
تسنيم : سامح انت عارف احنا من امتي مشفناش بعض ، انا هتجنن ، عاوزه اشوفك
سامح : حاضر يا حبيبتي متعيطيش بكره ان شاء الله هتلاقيني عندك في مكانا
تسنيم : ماشي هستناك متتأخرش علياا
سامح : طيب فين ضحكتك الحلوه اللي بتهون علياا مرار الايام
ضحكت تسنيم واغلقت هاتفها وفي اليوم التالي بعد ان انتهت من عملها خرجت فوجدت سامح في انتظارها
فتبسمت وتوجهت له مباشرة
تسنيم : ازيك يا حبيبي ، وحشتني اوي اوووي
سامح : ازيك يا قلبي ، انتي كمان وحشتيني اووي
تسنيم : انا هونت عليك صح ، كل المده دي مش عاوز تشوفني ، هو انا موحشتكش
سامح : يا حبيبتي والله وحشتيني ، بس انا بحاول اجمع اي فلوس علشان نتجوز ، انا قبلت دروس خصوصيه كتير جداً الفتره اللي فاتت لدرجة اني بدخل البيت الساعه واحده الصبح علشان اقدر أوفر اي مبلغ وبرجع من التعب مش شايف قدامي ومش عاوز اقلقك جنبي كل شويه بس الحمد لله انا شوفت شقتين هما آه صغيرين وفي مناطق بعيده بس هما دول اللي علي قد الفلوس اللي معايا وهختار منهم واحده علشان نتجوز فيها دلوقت وخلاص
فرحت تسنيم : بجد يا سامح لقيت شقه وخلاص هتيجي تتقدملي ، انا كنت فكراك خلاص مبقتش عاوز تشوفني ولا عاوز تكمل معايا
سامح : ليه بتقولي كده ، انا روحي متعلقه فيكي ولو انا مش عاوزك مكنتش قولتلك نتجوز ومكنتش عاوز اشوفك طول الفتره اللي فاتت لان كان نفسي افرحك واجيب العقد معايا بس انتي استعجلتي ودموعك جابتي علي ملا وشي ، انا هروح بالليل امضي العقد وهصوره وهبعتهولك علي النت علشان ترتاحي وبعد الرحله بتاعه يوم الخميس هكلم عمي واحدد معاه ميعاد علشان آجي اتقدملك رسمي وتبقي معايا ولياا قدام الناس
تسنيم : انا فرحانه اوووي اوووي نفسي آخدك في حضني قدام الناس
سامح : طيب يالا اوصلك بسرعه علشان ألحق الشغل وبالليل هبعتلك صوره العقد ذي ما قولتلك
تسنيم : يالا يا حب
اصطحبها سامح بالقرب من مسكنها وتركتها وتوجَّه لعمله
وفي المساء ذهب واتفق وكتب العقد وقام بتصويره وارسله لتسنيم والتي كاد قلبها ان يتوقف فرحـًا بهذه الرساله
سامح : مبروك يا حبيبتي عقبال ما تيجي وتنوريها ياارب ، هي طبعـًا صغيره ذي ما قولتلك يعني غرفتين وصاله بس نتجوز فيها وان شاء الله نبقي نتنقل في واحده اكبر اما ربنا يفرجها
تسنيم : والله انا راضيه حتي لو اصغر من كده
مرت الايام وجاء الخميس موعد زفاف ساره واسامه وقد تزينت ساره وارتدت فستانها الابيض واصطحبها كريم ومحمود وتيسير وعدد بسيط من اسرتها لبيت اسامه واستقبلهم الاهل والحضور وتم عقد قرانهم وبارك الجميع زواجهم وانصرفوا لبيوتهم وقد تركوا اهل اسامه البيت للعروسين حتي يمضوا ليلتهم الاولي في هدوء وقد امضوا ليلة سعيده معـًا في حب وتفاهم
أسامه : ساره تعالي جنبي
اقتربت منه ساره وجلست بجانبه
أسامه : انا عارف انك عملتي كل ده وانك ضحيتي بحاجات كتير كان نفسك تعمليها في اليوم ده ذي اي بنت علشاني وانا لو عشت عمري كله مش هقدر اوفي حقك علياا بس كل اللي هقدر اوعدك بيه انك اوفرلك السعاده وأعوضك عن اللي اتنازلتي عنه علشان تبقي معايا وجنبي
ساره : اسامه يا حبيبي ، فرحتي وسعادتي هي وجودي جنبك ومعاك وده اللي كنت بتمناه من ربنا والحمد لله اتحقق وأفراح الدنيا والصور والاغاني متجيش واحد ف المليون جنب سعادتي اني بقيت معاك و ده اللي لازم تكون متأكد منه والايام اللي جايه هنقضيها واحنا مع بعض وده بالنسبالي هيكون كل يوم فرح جديد
اقتربت منه ساره فإحتضنها وحاولوا ان يقضوا ليلتهم في سعاده قدر المستطاع حتي لا يشعر اسامه بالعجز
في بيت تسنيم وقد غاب عنها سامح طوال يومها لوجوده في الرحله مع البنات في العين السخنه
اتصلت به فأجابها
ألو حبيبي انت لسه مرجعتش من الرحله لحد دلوقت ؟؟
سامح : في الطريق يا قلبي ان شاء الله قدامنا ساعه ونكون في القاهره
تسنيم : توصل بالسلامه ان شاء الله ، تبقي تطمني عليك
سامح : حاضر حبيبتي اول لما اوصل هطمنك بإذن الله
مرت الايام وانتهت إجراءات سفر أسامه و سافر بصحبة ساره الي ألمانيا لتلقي العلاج
اما عن تسنيم وسامح فقد تقدم لخطبتها وتمت الموافقه عليه وفي حفل اسري صغير وبحضور سجده ارتدت دبلة الخطوبه امام الجميع
اما عن كريم واحمد وچوري ونادر فقد انتهت دراستهم الجامعيه وقد حصل احمد وكريم علي تقدير امتياز اما عن نادر وچوري فحصلوا علي تقدير جيد جداً
تم تعيين احمد وكريم في احدي المستشفيات التابعه لوزارة الصحة وذلك لحصولهم علي تقدير امتياز
استمرت علاقه أحمد وچوري وقد تأكد انه لا يستطيع ان يفارقها فقرر ان يطلب منها ان يتقدم لها حتي تتم خطبتهما بشكل رسمي وقد ارسل لها رساله غرام يعترف فيها بحبه لها
______________________**___________________
انا حبيت
بغنوة حب انا غنيت
غزلت حروف كلام الحب
نسجت الشال
حرير اخضر وبيه اتلفيت
جمعت حروفي وحروفك
يا أول حرف ف حروفي
وبيه اتدفيت
رجعت البيت
وشوفت عينيك
ونظرة دافية ف عيونك
انا حنيت
وف حضنك انا اتهنيت
وغنوة حب انا غنيت
____________________________________________
قرأت چوري رسالته وارسلت له قلب
فتحدث إليها
احمد : يا زهرة فؤادي ، انا بحبك يا چوچو و مش قادر اعيش من غيرك خلااااص ، تقبلي تتجوزيني وتكملي اللي باقي من حياتك معايا
چوري : وانا كمان يا دودي مبقتش قادره اشوف يومي من غيرك ، انت بقيت كل حياتي ودنيتي ، حياتي من غيرك ملهاش طعم ولا معني ، انا موافقه
احمد : الحمد لله ، هاتي رقم بابا علشان الحاج يتصل بيه ويآخد منه ميعاد
الفصل الخامس عشر
اعطته چوري رقم هاتف والدها واعطاه لوالده وتم الاتصال به وتحديد موعد للمقابله وبعد ثلاثة ايام تمت المقابله وقد أعجبت اسرة چوري بأحمد وأسرته وبعد اسبوع تم الرد علي احمد بالموافقه و بعد شهر من تخرج چوري وأحمد تمت خطبتهما وتم الاتفاق علي موعد الزفاف بعد شهرين حيث ان احمد قد جهز كل شئ للزواج
اتصل أحمد بچوري في مساء احد الليالي ليطمئن عليها
وقد ايقظها من نومها
احمد : ألو يا عمري ، ازيك ، وحشتيني اوووي
چوري بصوت يتخلله النعاس : ألو ، حبيبي ، وانت كمان وحشتني اووي ، تعرف انا كنت بحلم بيك
احمد : بجد ، طيب يالا احكيلي
چوري : اممم ماشي هحكيلك ، كان يوم فرحنا وانا كنت لابسه فستان فضي طويل بديل وطرحة طويله وتاج في فصوص ألماظ بيلمع وانت كنت لابس بدله لونها اسود و قميص ابيض و كراڨت كاروه ابيض في اسود يعني كنت ذي القمر
المهم نزلنا من العربيه عند باب ڨيلا صغيره وانت خرجت منديل ابيض حرير من جيبك وربطت بيه عيني وشيلتني بين ايديك ودخلنا ونزلتني جواا الڨيلا وبعد لحظات شيلت الرباط
فتحت عيوني لقيت سلم طويل وعلي كل سلمه ورده حمراا وجنبها شمعه وشغلنا موسيقي هاديه ورقصنا مع بعض وانت حاضني اوووي وبعد كده فتحتنا الشباك و وشوفنا النهار الجديد وشوفت النيل صافي ولونه ازرق شفاف جميييل والحمام الابيض طاير فوق المايه
وبعد كده شيلتني وطلعنا فوق ولما وصلنا لأوضة النوم نزلتني وقولتي اتفضلي يا ملكية قلبي هذا هو قصرك لتسكني فيه وفتحتلي الباب ، دخلت لقيت الضوء خافت موڨ فاااتح وموسيقي هاديه و السرير مفروش بالابيض وعليه قلب كبيييير اووووي بالورد الاحمر وعليه عروسه كبيره لابسه فستان ابيض وريحة الاوضه ورد ، قربت مني ومسكت ايدي وقولتلي مبسوطه يا مليكة الفؤاد حضنتك وهمست .. بحبك .. وكلمة مبسوطة دي قليله اووي اني اقولها ومفيش كلمه اقدر اوصف بيها سعادتي النهارده ، بس كفايه انك عملت كل ده علشاني
وعدتني اني هعيش سعيده معاك وصحيت دلوقت علي صوتك في التليفون
احمد : الله إيه الحلم الجميل داااا وكأني عيشته معاكي بجد و أوعدك اني علي قد ما اقدر هتعيشي معايا سعيده
، يالا يا مليكة الفؤاد نامي وارتاحي كلها ايام وهتكوني معايا وف بيتي ، جواا حضني ، سلام
مرت الايام
وقد جهز احمد لچوري زفاف اسطوري حضره جميع زملائهم
دخلت چوري بفستانها الفضي بذيله الطويل وقد ارتدت طرحة طويله وتاج زينت بهم شعرها الذهبي ، ظهرت في ابهي صورها
وقد حُملت في الهودج يحملها أربعه رجال كالملكات وسط تصفيق الحضور ونزلت منه وسط قاعة الحفل لتجد احمد في انتظارها وقد ركع امام قدميها يطلب منها الزواج امام الجميع فوافقت فألبسها خاتم الزواج وسلسال بلاتيني معلق به قلب كبير مفرغ يجمع بين اسميهما ومُطعم بفصوص من الألماس ، تم عقد قرانهم وقد قبَّل جبينها وعلت الموسيقي و احتضنها احمد ورقصوا معـًا
علي كلمات اغنية
جاي اقول واعلن لكل الناس بحبك
حب يمكن مرة في العمر تلاقيه
بوعدك هفضل لاخر عمري جمبك
وابقي اجمل حلم عشتي بتحلميه
حبييت وقلبي ارتاح عشان قابلك
ونفسه بجد يتعبلك وميسبكيش
مرتاااح وشايفك دنيتي
وناااسي منا اخترتك بأحساسي اللي ميخونيش
تعااااالي نعيش وسيبي الوقت يسبتلك حبيبتي انا زي ما حاكتلك هعشلك عمري حضن اماااااان دي مش احلام مع الايام هتتحق عشان اصلا خلاص هبدأ أعيش كل اللي فاتني زمااااان
صدقيني كلامي ليكي ده مش مجامله وانتي اكتر واحدة فاهمه وعارفه لييييه
آه صحيح فعلا مافيش ولا واحدة كامله
بس فيكي اكتر من اللي حلمت بيييييه
وهنا حملها احمد و دار بها وهو يحتضنها وسط تصفيق الحضور
ثم طلب الميكروفون وتحدث قائلاً
بالرغم من اني شاعر
وجوايا كتير مشاعر
هغني غنوة حب
يشهد عليها القمر اللي ساهر
وأشار لها علي شاشه القاعه لتري چوري ما قد جهزه لها
وبدأ يغني لها والڨيديو يعرض الصور وظهرت بالتتابع أمام الحضور في البدايه بدأ بكلمات مكتوبه
اسمي : العاشق
تاريخ ميلادي : يوم حُبك
عمري : فترة حُبك
هوايتي : السباحه في بحر عينيكي
حكايتي : تعلمت الحب وتذوقته حين رأيتك
واستكمل العرض بالصور وقد كتب عليها
انتِ عمري غمض عنيك
بنت تحمل حرف A وولد واحلم معايا
يحمل حرفJ وهات ايديك
في منتصفات قلوب و احضن هوايا واقتربوا من بعضهم
احضن هوايا
عريس وعروسه لأبعد حد
يحتضنان بعضهما والمس معايا
قلب مكتوب عليه بحبك خدود الورد
اوعدك ما اتخلي عنك ابداً لا نجوم وليل
بنت وولد يقبلان بعضهما ولاسماا ولا ارض
صوره تجمعهم معاً دا احنا في دنيا لوحدنا
أثناء حفل الخطوبه دوقني شوق
انا ب ح ب ك طعم الغرام
معـًا للأبد غمض عينيك
أنتِ الحب وف حضني نام
الحب لك وحدك قول ف الهوا
حرف J. من غير كلام
احبك I Love you. دا احنا اتخلقنا
حرف A علي صوره. لبعضناااا
قلب غمض عينيك
حبيبان وقد رسوموا. واحلام معايا
بأيديهم قلب وهات ايديك
حبيبان يتأرجحان. واحضن هوايا
يدان متشابكتان. احضن هوايا
وخلفيه الصوره. لأبعد حد
حرف J و M. وألمس معايا
كل ثانيه ف عمري. خدود الورد
عدت علياا وانتِ لا نجوم وليل
بعيد عني. ولا سماا ولا ارض
متتحسبش من. دا احنا في دنياا لوحدنا
عمري وملهاش. دوقني شوق
معني احبك. طعم الغرام
يارب تدوم غمض عينيك
ايامنا مع بعض. وف حضني نام
لآخر عمرنا. قول ف الهواا
صوره لچودي من غير كلام
وعليها كلمه. دا احنا اتخلقنا
احبك لبعضناااااا
انتِ اللي روحي. بحبااااااااااك
بتعشقك بحبك يا چوري
Me & yoU
وهنا انهي الغناء لم يكن احد يعلم ان احمد يتمتع بصوت ملائكي وقد فاجئ العروس التي ادمعت عيناها من الفرحه والسعاده ف ضمها لقلبه وقَّبل شفتاها امام الجميع وسط تصفيق حاااار من الحضور وقد علت صيحاتهم وااااااو وااااو ووواااااووووو
انتهي الحفل وتوجَّه العروسين لقضاء ليلتهم في غرفة الفندق وحين دخلوا معـًا لغرفتهم فوجدت الضوء الخافت باللون البنفسجي الهادئ وقد افترش الفراش باللون الابيض ورُسم عليه قلب كبير بالورد الاحمر وقد جلست عليه عروس بلاستيكيه كبيره مرتديه فستان زفاف ابيض ممسكة بين يديها باقه ورد حمراء ، امسك أحمد بيد چوري وألقي عليها ابيات من شعره يبوح فيها بحبه وشوقه لها فألقي لها قصيدته تسمحيلي
_____________________**_____________________
تسحميلي آجي أضمك
وارمي حزني جوا حضنك
تسمحيلي ف كل مره
تجيلي فيها تقولي أمك
تسمحيلي استخبي جوا منك
ابقي دقة ف نبض قلبك
واما اقرب تقفلي عليا رمشك
تسمحيلي آجي أضمك
تسمحيلي آجي مره اشتكيلك
مره مني ومره منك
ابقي أخوكي ومره ابوكي ومره ابنك
ابقي حتي جزء منك
نفسي حزني يدوب ف حضنك
تسمحيلي آجي اضمك
نفسي اقولك كلمتين
اما اكون خايف هجيكي
هستخبي بروحي فيكي
تسمحيلي احتويكي
وامسح الدمع ف عينيكي
تسمحيلي اقول بحبك
طب بحبك من سنين
تيجي نعشق بعض حبه
بس حبه مش كتير
مش هزود ف المشاعر
مش اقول كلام كتير
بس احبك من سنين
تسمحيلي ؟؟
____________________________________________
وهنا احتضنته چوري بقوه قائله : أكيد أسمحلك ، بحبك يا دودي بحبك ومش مصدقه انك حققتلي الحلم اللي شوفته ، وهنا اغلق احمد الضوء وامضوا معـًا ليلة سعيده وقد سطروا فيها اول سطور السعاده الحقيقيه التي جمعت بينهم
وفي صباح اليوم الجديد حزموا حقائبهم متوجهين لقضاء عشرة ايام في شرم الشيخ مدينه السحر والجمال وامضوا اوقاتهم ما بين الحب والعشق والتمتع بالجو الساحر وجمال الطبيعه وغاصوا معًا في بحر العشق والغرام ثم عادوا بعد انتهاء رحلتهم وقد وعدها احمد بتكرار رحلتهم حين تتحين لهم الفرصه لذلك ليجددوا معـًا ذكرياتهم السعيده
الفصل السادس عشر
في المشفي التي يعمل بها كريم ، قد تقابل مع احد زملاءه يُدعي صلاح ولكنه في القسم الباطني ، كان زميلاً له منذ ايام الدراسه في المرحلة الثانويه وقد تم تعيينه في نفس المشفي وتتصادف دائمـًا المناوبه الليليه فيقضوا سهرتهم معـًا في الحديث عن ابرز ما توصلت إليه الابحاث العلميه في مجال الطب سواء في الجراحه العامه او جراحه الانف والاذن وقد ذكر له كريم انه تم اكتشاف طريقه جديده في علاج اغلب الامراض ولكنها ليست علي قدر كبير من الانتشار في العالم وتسمي الاستوباثي
كريم : نفسي اعرف مكان كويس وآخد فيها دوره تدريبيه بس للأسف تكلفتها علشان كبيره جداً فالدورات التدريبيه فيها مش متوفره اوي ، العلاج ده بيساعد في علاج آلام الظهر والرقبة والمفاصل والإصابات والأزمة الصدرية والدوار والصداع النصفي وعرق النسا والتهاب الجيوب الأنفية والمشاكل المرتبطة بمفاصل الفك ، إلى جانب حالات أخرى في طب الأطفال والتهاب الأذن الوسطى والإصابات اللي بتحصل للمولود أثناء الولادة
وغيرها كتير طبعـًا وهي طريقة يدويه مش بتدخل فيها الاجهزه نهائيـًا
صلاح : بصراحه هو انا سمعت عنها بس متوسعتش في القراءه عنها كتير ، علي فكره نسيت اقولك في دوره تدريبيه مهمه جداً الشهر اللي جاي ده لأ اللي بعده هتتعمل في جامعه القاهره وطبعـًا هيكون فيها محاضرات مهمه جداً في الانف والاذن والحنجره وهيدرسها بروفيسور ميلر اشهر جراحي لندن في المجال ده وهيعمل امتحان آخر الدوره دي واللي هيجيب امتياز هيسافر علي نفقة الدوله هيآخد دوره تدريبيه معاه في لندن
انت سمعت عنها ؟؟
كريم : لأ محدش قالي عليها
صلاح : طيب ما انت عرفت اهوه
كريم : تمام امتي التقديم
صلاح : التقديم بعد شهر من دلوقت ، روح اسأل في جامعه القاهره علي الاوراق المطلوبه وقدم وان شاء الله يكون لك نصيب في الخير
كريم : خلاص ان شاء الله هروح وهسأل دي فرصه ممتازه جدًا ومش بتتكرر كتير
صلاح : فعلاً عندك حق ، ربنا يوفقك بإذن الله
في بيت تسنيم يرن هاتفها واذا بوالدة سامح تصرخ ،
تسنيم ، سامح خلااااص مااااات ، اااااااه ، ابنااااااي
وقد اغلقت الهاتف
تصرخ تسنيم ااااااااه ااااااااه لااااااا انتي بتقولي إيييييه ،
اسرعت إليها والدتها حين سمعت صراخها
سحر : مالك يا بنتي ، في إيه ، بتصرخي ليه ؟؟
تسنيم : سامح مات يا ماما ، ماااات
سحر : يا حبيبي يا ابني
اسرع والد تسنيم يتصل بالهاتف ليتأكد من الخبر وحين اجابوا علي اتصاله سمع صراخ
ألو ، الخبر ده صحيح ، ازاي ، إيه اللي حصل وامتي ؟؟
ولاء اخت سامح منهاره من البكاء : كان عنده درس امبارح بالليل في جسر السويس وراجع متأخر وهو بيعدي الشارع العربيه خبطته وقع اتخبطت رأسه في الرصيف ونقلوه المستشفي جاله نزيف شديد في المخ وعلي ما وصل كان مات يا عمو واتصلوا بينا من تليفونه وبلغونا الخبر روحنا لقيناه في التلاجه وهيندفن بكره
والد تسنيم : البقاء لله وحده سبحانه وتعالي ، شدوا حيلكم
انهي الاتصال وتوجه لتسنيم وسحر : الخبر صحيح ، شدي حيلك يا بنتي ، البقاء لله وحده عز وجل ، ده قضاء الله وقدره ولازم ترضي وادعيله بالرحمه والمغفره
وقعت الصدمه ووقع خبر وفاة سامح علي مسامع تسنيم كالصخره التي هشمت رأسها فصرخت صرخة شديده وبعدها غابت عن الوعي ، نُقلت للمشفي علي أثر ما سمعته في حاله سيئه واستمرت تحت الملاحظه واستفاقت بعد عدة ساعات وهي تبكي ولكنها فقدت القدره علي الكلام
والتشخيص انها حالة نفسيه نتيجه تعرضها لصدمه شديده
اتصلت والدة تسنيم بسجده تستنجد بها
سحر وهي تبكي : ألو ، سجده ، إلحقيني يا بنتي ، تسنيم هتروح مني
سجده بقلق وتوتر : بعد الشر عليها يا طنط ، مالها ، اييه اللي حصل ؟؟
سحر : سامح حصلتله حادثه و مات وهي مقدرتش تستحمل الخبر وقعت فاقده الوعي ولما فاقت فقدت النطق ، الدكتور بيقول حاله نفسيه ، إلحقيني يا بنتي تعالي شوفيها يمكن تتحسن
سجده : لا حول ولا قوه الإ بالله
البقاء لله يا طنط ، حاضر هجيلها ، طمنيها اني هكون عندها بعد شويه
اسرعت سجده تُبلغ والدتها بما حدث لتسنيم واستأذنت في زيارتها فسمحت لها ، توجهت وبدلت ملابسها ونزلت متوجَّهه للمشفي وعند وصولها سألت علي غرفة تسنيم ووصلت لها واستأذنت في الدخول
اقتربت منها فوجدتها تستلقي علي فراشها لا تملك سوي الدموع التي سالت من عينيها وقد اغرقت وجنتيها ، احتضنتها قائله : اصبري يا حبيبتي ، شدي حيلك ، هو دلوقتي في مكان احسن كتير من اللي احنا فيه ، ادعيله بالرحمه ومتعيطيش
ظلت سجده بجانبها الي ان استسلمت وخلدت للنوم ثم
أستأذنت لتعود للبيت حيث تأخر الوقت بها
فطلبت سحر من زياد ان يصطحبها للمنزل ، فوافقت سجده بعد إلحاح منها وفي اثناء العوده تحدثوا معـًا
مازن : انا خايف عليها اوي يا سجده ، مش عارف هترجع تتكلم تاني ولا لأ ؟؟
سجده : ان شاء الله هترجع وهتبقي ذي الفل ، بس انت عارف ان الصدمه شديده عليها وهي كانت متعلقه بيه
زياد : هي متعلقه بيه وانا روحي متعلقه فيها
سجده : انا عارفه يا زياد انك بتحبها ، خليك جنبها انت اكتر واحد دلوقت لازم تكون جنبها لانها محتجالك
زياد : انا جنبها ومش ممكن هسيبها او هبعد عنها
سجده : طيب انا خلاص وصلت متشكره جدًا وان شاء الله تسنيم تخف وترجع ذي الاول واحسن ، سلام
زياد : ان شاء الله ، سلام
عادت سجده من المشفي
هدي : طمنيني يا بنتي ، تسنيم عامله إيه دلوقت ؟؟
سجده : تعبانه يا ماما ورافضه الكلام ، ادعيلها ، انا هدخل ارتاح شويه من كتر العياط دماغي صدعت
هدي : الله يصبرها يا بنتي وميكتبش علينا الفراق يارب
تركتها سجده ودخلت غرفتها واستلقت علي فراشها وبعد ساعتين فُزعت وهي تصرخ من الألم
سجده : ماما إلحقيني ، آااااه ، قامت تجري مسرعة وتوجهت لتفرغ ما في معدتها وقد تغير وجهها وزاد خفقان قلبها وشعرت بالدوار وكادت ان تغيب عن وعيها
توجهت إليها هدي : بنتي ، بنتي مالك فيكي إيه ؟؟
يا عبد الرحمن إلحقنااااي البنت تعبانه اوي
عبد الرحمن : قومي بسرعه إلبسي هننزل المستشفي ، يا إينااااس لبسي اختك بسرعه
إيناس : حاضر يا بابا
اسرع الجميع وقد نفذوا ما امرهم به عبد الرحمن وفي اقل من نصف ساعه كانوا قد وصلوا للمشفي
كريم مازال يجلس مع صلاح يستكملوا حديثهم في غرفه الاطباء حيث اليوم موعد المناوبه الليليه ،
واثناء انهماكهم فيدالحديث اذاعت مسئولة الاستقبال في الميكروفون الداخلي
علي الدكتور صلاح عبد الكريم التوجَّه فورًا للإستقبال
وكررت ما قالته مرتين متتاليتين
صلاح : طيب هنزل انا اشوف اكيد في حاله تحت وبيستدعوني
كريم : استني انا نازل معاك هروح الكافيتريا اشرب قهوه لحد اما تخلص ونكمل كلامنا
صلاح : طيب ماشي يالا
توجهوا معـًا للدور الارضي حيث الاستقبال والكافيتريا في نفس الدور
وفي اثناء عبور كريم من الممر المؤدي للكافيتريا واذا به تقع عينيه علي سجده تلك هي فتاته التي كان يراها في احلامه فتسمرت قدماه واخذ يحملق فيها وتحدث لنفسه
أكيد انا بحلم تاني بس المره دي وانا صاحي ، لأ لأ بحلم إيه دي حقيقه ، معقوله هي ، معقوله اللي كنت بشوفها في الاحلام موجوده وفي الحقيقه وقدام عينياا
اقترب منها صلاح وفحصها وبعد مراجعة قياس الضغط أكد انها تعاني من هبوط شديد وطلب من الممرضه ان تعلق المحلول فورًا
واستفاق كريم علي صوت بكاء هدي ورآها وقد انفطر قلبها علي ابنتها فأقترب منها يسألها
كريم : هي بتحس بأيه بالظبط او ايه اللي حصل معاها ؟؟
هدي : والله يا دكتور هي بتبقي سليمه مفيهاش حاجه بس ممكن لو زعلت بتحس انها داخت وعاوزه ترجع وبتحس بهبوط شديد وضغطها بيهبط وكشفنا كتير وعملنا تحاليل الانيميا واتعالجت منها لانها كانت ضعيفه شويه بس مش عارفه إيه اللي بيحصل معاها بالظبط
كريم : بدأ يشك في انها مصابه بمرض آخر ليس له علاقه بالأمراض الباطنيه
طيب عملتوا اشاعه علي المخ ؟؟
عبد الرحمن : لأ محدش طلب مننا اشاعه علي المخ
كريم : طيب لازم فورًا نعمل اشاعه مغناطيسيه علي المخ علشان نتأكد هي عندها إيه بالظبط
عبد الرحمن : نعمل يا دكتور بس هو حضرتك شاكك في حاجه ؟؟
كريم : هقول لحضرتك كل حاجه بس نعمل الاول الاشاعه
ونتأكد انها سليمه وبعد كده نتكلم
عبد الرحمن : ماشي حاضر ، طيب هننتظر اما يركبولها المحلول ولا نروح دلوقت
كريم : لأ ، دلوقت
وطلب من الممرضه ان تنتظر لحين عودتهم
توجَّه عبد الرحمن مع هدي وسجده لعمل الاشاعه
اما صلاح فقد توجه الي كريم يسأله : انت شاكك ف إيه ؟؟
كريم : لو مفيش Cancer في المخ يبقي
Ménière's disease
دي كل اعراضه وهنتأكد دلوقت من كل حاجه بس يستلموا الاشاعه ونشوف التقرير
#يتبع
