بقلم نورسين محمد
الفصل الثاني
سجده : تعبانه يا ماما ، حسيت الدنيا بتلف بياا علي غفله وحسيت بهبوط شديد ونفسي غمت علياا وعاوزه ارجَّع
(سجده هي بنت جميله الملامح بيضاء البشره ذات شعر شديد السواد وعيون كحيلتان واسعتان ، جميلة الملامح ، صغيره الأنف ، شفاهها رفيعه كالأطفال الصغار ، بهية الطلة ، ممشوقه القوام ، انتهت من الدراسه في كليه التربيه قسم العلوم الاجتماعيه شعبه تاريخ ، رفضت العمل ، تبلغ من العمر الواحد والعشرون عامـًا )
هدي : إلحق يا عبد الرحمن البنت تعبانه
عبد الرحمن : هات كوبايه مايه بسرعه يا عمر
عمر : حاضر يا بابا
( عمر هو الاخ الوحيد والاصغر لإيناس وسجده ، يبلغ من العمر الثالثه عشر ، يدرس في المرحله الاعداديه ، متفوق دراسياً ولكنه مفرط الحركه )
توجه عمر ليحضر كوب الماء
عبد الرحمن : فين نقط الضغط يا إيناس ؟؟
ايناس : اهي يا بابا ، وقدمتها له
عاد عمر بالماء وقد وضع عبد الرحمن الدواء فيه وساعدتها هدي في تناوله ، جلسوا جميعهم بجانبها حتي بدأت تسترد عافيتها
عبد الرحمن : عامله اييه دلوقتي يا سجده ؟؟
سجده بصوت هادئ : الحمد لله ، احسن شويه يا بابا
هدي : لازم نروح للدكتور علشان نعرف اللي حصل ده اييه سببه
عبد الرحمن : حاضر ، ان شاء الله نروح بكره ، دلوقت مفيش دكاتره
اما عند كريم فقد انتهي من محاضراته اليوميه وعاد للبيت ليجد اسامه خطيب ساره في زيارة لها وقد تجهزت للنزول معه بصحبة والدتها لشراء بعض متطلبات الزواج
كريم : اهلاً اسامه ، اييه الاخبار ؟؟
اسامه : الحمد لله بخير ، انت عامل اييه في الكليه ، هانت شد حيلك خليك تخلص بقي
( اسامه يبلغ من العمر الثامنه والعشرون يعمل كمهندس مدني في احدي الشركات الكبري ، شاب رياضي ، ممشوق القوام ، طويل القامه ، فاتح البشره ، ذو شعر وعيون بنية اللون ، يتميز بخفة الظل ، يحب ساره منذ ان وقعت عينه عليها في احد حفلات الزفاف التي جمعت بينهم ، فلن يتواني وتقدم لخطبتها )
كريم : ههههه والله انا شادد علي الآخر لحد اما حاسس اني حيلي هيطفش مني ويسيبني
ساره : هههههه الله يقويك يا حبيبي ، لا متقلقش مش هيطفش بس ممكن نخليه يغير جو ، اييه رأيك تيجي معانا نتمشي شويه ونتفرج علي الفرش ولا هترتاح انت وتكمل مذاكرتك
كريم : لا يا حبيبتي ، انتوا انزلوا واختاروا وربنا يسعدكم ، انا راجع هلكان من محاضره التشريح ، حاسس ان دماغي مهنجه ، عاوز آكل وانام علشان اقوم اكمل التقارير اللي هسلمها بكره بإذن الله
تيسير : طيب روح غير هدومك وانا هجهز الغداء بسرعه وبابا قرب يوصل لسه مكلمني علشان نتغدي وننزل
كريم : ماشي يا ماما ، بعد اذنك يا اسامه هآخد شاور علي السريع وهرجع علي طول
اسامه : ماشي ، اتفضل
تركتهم تيسير وقامت ساره بمساعدتها في تجهيز الطعام
وبعد حوالي نصف ساعه وصل محمود للمنزل وتناولوا معاً طعامهم في جو من السعادة والمرح حيث ان الجميع يكنوا لاسامه المحبه ويستمتعوا بوقتهم معه عند الحضور لزيارة ساره )
سريعاً توجهت ساره بصحبه تيسير و اسامه للبحث واختيار اثاث عشهم الجديد
في بيت عبد الرحمن
دخلت هدي غرفة سجده لتطمئن عليها فوجدتها نائمه مستغرقه في نومها فأغلقت الاضاءه و الباب خلفها وخرجت فوجدت ايناس تتحدث مع خطيبها ساهر عبر الهاتف فأشارت لها ان تُنهي معه المكالمه ، فأستأذنت ايناس منه واغلقت الهاتف
ايناس : مالك يا ماما ، في حاجه ، سجده تعبانه ؟؟
هدي : لأ هي نايمه دلوقت ، بس انا قلقانه عليها اووي ، كل شويه بتشتكي من حاجه جديده وخالتك اتكلمت معايا بخصوص جوازها من اسلام وانا مش عارفه افاتحها ازاي في الموضوع ده ، اييه رأيك انتي في لحظه صفاء كده بينك وبينها اتكلمي معاها وشوفي رأيها اييه
ايناس : حاضر يا ماما ، هتكلم معاها ، مع اني عارفه رأيها في الموضوع ده بس هحاول اتكلم معاها
هدي : يعني انتوا اتكلموا مع بعض في موضوع إسلام قبل كده ؟؟
إيناس : لا مش علي موضوع إسلام بالذات لان وقتها مكنش اتقدم لها ، احنا اتكلمنا بوجه عام وهي بتقول مين اللي هيآخدني و انا كل يوم بشتكي من حاجه شكل
هدي : يعني هي علشان عيانه تعيش من غير جواز ، عموماً الوضع دلوقت مختلف ، الاول كنتوا بتتكلموا من غير ما يكون في حد متقدم انما دلوقت في واحد متقدم ، اتكلمي معاها عليه وشوفي رأيها اييه وبلغيني
ايناس : حاضر يا ماما ربنا يكتب الخير بإذن الله ، روحي ارتاحي وانا هبقي اطمن علي سجده بعد شويه وهنام بعد ما تآخد الدواء لسه نص ساعه
هدي : ماشي يا بنتي ، ربنا يخليكم لبعض
ايناس : ويخليكي ليناا يا حبيبتي ، تصبحي علي خير
في بيت محمود ، كريم وساره كلٍ في غرفته
كريم يتصل بأحمد وساره تتصل بأسامه
كريم : ألو ازيك يا احمد ؟؟
احمد : الحمد لله يا كريم ، اييه الاخبار خلصت التقارير بتاعه دكتور التشريح ولا لسه ؟؟
كريم : اوووف دي ماده رخمه جدًا ، لسه فاضل جزء مخلصتهوش
احمد : طيب صور وابعتلي اللي عملته وانا هراجعه وانا هبعتلك اللي عملته وراجعه ونشوف مع بعض في حاجه ناقصه ولا لأ
كريم : تمام عشر دقايق هخلص باقي الورقه اللي فاضله وهبعتلك علي طول
احمد : ماشي انا خلصت وهبعتلك الصور علي ما انت تخلص
كريم : ماشي ، سلام واما اخلص مراجعه هبقي ابعتلك رساله
احمد : اوك ، سلام
في غرفة ساره
ألو يا حب ، وحشتني طول اليوم غايب كده ، بتعمل اييه وسايبني
اسامه : هو انا اقدر اسيبك بردو يا قلبي ، ما انا مدووش طول اليوم مع العمال علشان اشطب الشقه ونتجوز بقي ، انا خلاااااص تعبت مش قادر انتظر اكتر من كده ، نفسي استقر بقي وارجع البيت بعد الشغل ألاقيكي مستنياني
تتنهد ساره : هانت يا حبيبي هانت كلها ايام معدوده ان شاء الله ويجمعنا بيت واحد بإذن الله ، بس انت شد حيلك وخليك فوق دماغهم علشان يخلصونا بقي
اسامه : والله يا حبيبتي شادد عليهم علي الآخر ، فلسوني مفيش وراهم غير هات فلوس نشتري كذا وكذا ، بس فداكي الدنيا باللي فيها ، المهم ان في الآخر ربنا يجمعنا في بيت واحد
ساره : ان شاء الله يا حبي متستعجلش كل شئ بأوان
اسامه : مش بستعجل ولا حاجه بس بتمني
ساره : طيب ياله اسيبك ترتاح وانا كمان هنام علشان الشغل الصبح ، هتوحشني يا قلبي ، خلي بالك علي نفسك ، سلاااام
اسامه : استني ، استني ، انتي رايحه فين بسرعه كده وسيباني ، فيييين
يرتفع صوت ساره بضحكة لتعبر بها عن سعادتها : فين اييه ؟؟
اسامه : هو إيه اللي فين إيه ، مش فاهمه يعني ؟؟
طيب تمام خليها اما آجيلك بكره ، يالا سلام
تضحك ساره ويملأ صوتها الغرفه : سلام
واغلقت هاتفها ووضعته جانبـًا واستلقت علي فراشها تحلم بفراشها الجديد المزين بالورود حين يجمعها الله مع حبيبها في بيت واحد وتستسلم لنومها وتذهب في ثُبات عميق
في الصباح وحين اطلت الشمس وارسلت خيوطها الذهبيه لتنير الكون
في بيت عبد الرحمن استفاقت سجده من نومها وخرجت من غرفتها تبحث عن والدتها فوجدتها في المطهي تُجهز طعام الافطار
سجده : صباح الخير يا ماما
هدي اسرعت إليها لتطمئن عليها : صباح الخير حبيبتي ، عامله إيه ، انتي كويسه النهارده ؟؟
سجده : آه ، بخير الحمد لله يا ماما انا كويسه
هدي : طيب الحمد لله هعملك الفطار و بالليل ان شاء الله لازم نروح للدكتور علشان نطمن عليكي
سجده : ان شاء الله يا ماما ، هي ايناس نزلت شغلها وعمر نزل المدرسه
هدي : آه ، كلهم نزلوا من بدري حتي بابا نزل ، هجهز الفطار ونفطر سوى
تركتها هدي وتوجهت للمطهي لتجهز طعام الافطار
وتوجهت سجده لتشاهد المسلسل العربي علي شاشه التلفاز ، بعد عده دقائق كانت قد جهزت هدي الطعام
جلست مع سجده وتناولوه معـًا وبعد ان انتهوا
سجده : انا هروح ارتاح شويه يا ماما ، حاسه اني لسه دايخه
نعيمه : ماشي يا بنتي روحي
#يتبع
