الفصل الرابع عشر
ينتهي اليوم سريعاً وفي صباح اليوم الجديد
سعيد يقابل السمسار والمشتري في الشهر العقاري وتتم عمليه البيع ويستلم سعيد الشيك بالمبلغ ويتوجه للبنك ليصرفه ثم أودع المبلغ في الحساب و توجه للورشه لإستكمال عمله ..
وفي المساء اتصل بحامد ليبلغه انه قد جهز المبلغ واتفق معه علي الميعاد ليذهبوا معاً للإتفاق علي شراء الحديد ودفع المبلغ المطلوب ..
بعد عدة ايام تم نقل الحديد إلي المخزن الذي استأجره حامد للتخزين وبدأوا في الاعلان عنه وتسويقه في محيط الاصدقاء والمعارف حتي يبدأوا في بيعه سواء بالجمله او بالقطاعي لمن يريد
مرت الايام وانتهت الاجازه وبدأت السنه الدراسيه
محمد ويارا كما اعتادوا .. يتقابلوا يومياً بعد انتهاء يارا من محاضراتها
ملك وملوك بدأوا رحلة الثانويه التي يبحثوا من خلالها لتحقيق اهدافهم في الوصول للجامعه
اما كريمه فتكافح ولا تترك ماكينتها رفيقه الشقاء ليلا نهارا
محمد يقابل يارا
يارا تلاحظ ان محمد علي غير عادته فسألته
مالك يا حبيبي .. انت تعبان ؟؟
محمد : لأ .. انا كويس الحمد لله
يارا : طيب ليه شكلك مش كويس .. في حاجه مخبيها علياا
محمد يرفع عينيه لينظر إليها ثم تحدث : لأ مفيش حاجه اخبيها عليكي .. كل الموضوع اني خايف
يارا : خايف من اييه ؟؟
محمد : انتي مش واخده بالك اننا في سنه تالته دلوقت وانتي فاضلك سنه واحده وتتخرجي وانا هيبقاا قدامي سنتين بعدك ده غير الامتياز يعني تلات سنين تفتكري اهلك ممكن يسيبوكي من غير جواز .. افرضي اتقدملك حد هتقوليلهم اييه .. بحب واحد ولسه بيدرس
يارا : طيب بما انك فتحت الكلام في الموضوع ده يبقاا لازم تعرف اني مش هتجوز غيرك ومش هعيش مع غيرك ومحدش هيغصبني اتجوز واحد مش بحبه
محمد : انتي عارفه ظروفي وعارفه انه صعب يوافقوا علياا .. بس انا هعمل كل اللي هقدر عليه علشان يوافقوا .. انا مقدرش اعيش من غيرك .. الحياه بالنسبالي هي وجودك انتي مش واحده غيرك
يارا : خلاص بقاا بلاش نكد .. خلينا ف المهم .. البنات عاملين اييه في المذاكره
محمد : ماشيين الحمد لله .. انتي عارفه ان السنه دي من ارخم السنين اللي بتعدي علينا .. ربنا يعديهم منها علي خير
يارا : ان شاء الله هيعدوا وهيدخلوا اللي نفسهم فيه
مرت الايام سريعاً و قاربت السنه علي الانتهاء
في بيت سعيد
سوميه : عاوزين مصاريف الدروس يا سعيد
سعيد : طيب ان شاء الله كام يوم بس ربنا يسهل بأي حاجه تتباع وهجيبلك الفلوس .. سبيني انام عشان رايح الصبح اقابل حامد
انها الرابعه صباحاً .. يدق جرس تليفون سعيد واذا بالمتحدث حامد
إلحقني يا سعيد .. المخزن اتسرااااااق .. بيتنا اتخرب
سعيد بخضه 😮😮 : انت بتقول اييه .. اتسرق ازاي ؟؟ اقفل انا جاي
سوميه : في اييه اللي حصل ؟؟
سعيد : المخزن اتسرق .. اما اروح اشوف المصيبه اللي وقعت فوق رآسنا دي
وسريعاً يبدل ملابسه ويتوجه لمكان المخزن .. وعند وصوله يجد حامد يقف مع الضابط ويتابعوا المعاينه ورفع البصمات .. يقترب منه ويسأل
ازاي ده حصل يا اسطي حامد .. المخزن فاضي
حامد : انا صحيت من النوم علي صوت التليفون ب ارد لقيت الغفير اللي ف آخر الشارع بيقولي انه كان رايح الجامع لقي الباب بتاع المخزن مكسور والمخزن فاضي
سعيد : يادي الخراب المستعجل .. ومحدش شاف اللي عمل كده .. ازاي كل الحديد ده يتسرق من غير ما حد يحس
الضابط : السرقه حصلت ما بين الساعه تلاته لتلاته ونصف والمكان هنا مفيهوش سكان كتير دي اغلبها مخازن والبيوت بعيد شويه فحتي اللي هينتبه وهيشوف حاجه مش هيبلغ لانه هيفتكر انها بضاعه طالعه او داخله عادي مش سرقه .. عموما احنا رفعنا البصمات ولو في اي اخبار هنبلغكم بيها
يعود سعيد لبيته مهموم
سوميه : طمني .. اييه اللي حصل ؟؟
سعيد : سرقوا كل الحديد اللي كان ف المخزن .. كل اللي حيلتنا راح .. فلوس البيت والفلوس اللي ف البنك وكل حاجه راحت
سوميه ترفع صوتها .. يا لهووووي يا خراب بيتك يا سعيد .. كان مستخبلنا ده كله فين بس ؟؟
سعيد : هو الصوات هيجيب اللي اتسرق .. بتصوتي ليه ؟؟
مرت الايام وتوجه سعيد مع حامد ليسألوا عن الجديد في عمليه البحث عن السارق
الضابط : للأسف مفيش نتيجه لحد دلوقت
مرت الايام وانتهت السنه الدراسيه
مازال محمد يواصل تدريبه وعمله في المستشفي .. وفي صباح يوم جديد .. استيقظ مبكراً وتوجه لورشة سعيد ليطمأن عليه من بعيد كعادته ولكن الورشه مغلقه علي غير العاده .. استغرب محمد وتوجه لعم احمد جاره ليسأله عن سعيد
محمد : صباح الخير يا عم احمد
احمد : اهلا يا محمد يا ابني .. ازيك عامل اييه ؟؟
محمد : الحمد لله يا عم احمد بخير .. بس هي الورشه مقفوله ليه ؟؟
احمد : والله يا محمد .. الاخبار مش كويسه .. ابوك باع البيت القديم بتاعكم واخد الفلوس وراح اشتري بيعة حديد مع واحد صاحبه وبعد فتره المخزن اتسرق وكل اللي كان فيها راح ومن وقتها ابوك مش بيفتح الورشه كتير ورايح جاي علي القسم بيدور وبيسأل اذا قبضوا علي اللي سرق او لقيوا الحديد ولا لأ
محمد : طيب .. شكراً يا عم احمد .. معلش انا لازم استأذن دلوقت عندي شغل
احمد : ماشي يا ابني في امان الله تبقاا تيجي متغيبش علينا
محمد : حاضر يا عم احمد ان شاء الله وذي ما احنا متفقين بابا ميعرفش اني بآجي هنا
احمد : متقلقش يا ابني والله محدش بيقول حاجه .. اتوكل علي الله علشان متتأخرش
عاد محمد لبيته يخفي حزنه في داخله
انتهت امتحانات الثانويه وظهرت النتيجه وكعادتهم ملك وملوك تفوقوا وقد حصلت كل منهم علي مجموع ٩٧%
كريمه يوم النتيجه اطلقت الزغاريد وجهزت الشربات وقدمته للجيران المباركين
محمد : مبروك يا بنات .. بس سبحان الله انتوا توأم حتي في المجموع علي الرغم ان واحده علمي وواحده ادبي
تعالوا بقاا نتكلم في المفيد
ملك : اييه بقا المفيد ؟؟
ملوك : 😂😂هو في مفيد تاني .. احنا بقالنا سنه بنتكلم في المفيد ده .. هو مش بيخلص ولا اييه ؟؟
محمد : 😂😂😂 بس يا لمضه .. انتوا خلصتوا نص المفيد .. الباقي بقاا الكليه والتخرج .. حد منكم هيغير رأيه في المجال اللي عاوز يدرسه .. انتوا ما شاء الله مجموعكم كبير وفي كليات تانيه ممكن تدخلوها
كريمه : الحمد لله يارب .. الحمد لله ان تعبكم وتعبي وتعب اخوكم مكنش علي الفاضي .. ربنا عوضني بيكم خير واكرمني بيكم وبنجاحكم
ملك : لأ .. انا عن نفسي هدخل اعلام وهكمل في اللي اختارته
ملوك : وانا كمان مش هغير اللي اختارته بس ياارب يكمل الحلم علي خير .. علشان الكتب والكشاكيل بتاعتي هتقدم فياا شكوي بعد كده .. دي خلاص بتستغيث من كتر الرسم فيها وسط المذاكره هههههه
محمد : خلاص توكلنا علي الله .. ربنا يوفقكم في اللي جاي ان شاء الله
بعد ايام قليله بدأ التقديم للجامعه وتقدمت كل من ملك وملوك بأوراقهم وبعد ثلاث ايام من التقديم ظهرت نتيجه التنسيق والقبول في الجامعات واخيراً بدأ الحلم ان يكتمل معالمه الاخيره بدخول ملك وملوك الكليات التي كانوا يرغبن فيها
ايام كثيره مضت ولم تستطع الشرطه القبض علي السارق
الضابط : للأسف الحديد المسروق صعب جداا تطلعه من عند اي حد لان كله شبه بعض
سعيد : يعني خلاص كده مفيش امل نلاقيه .. فلوسنا راحت ف الارض
الضابط : والله الامل ف الله وحده .. احنا بندور ولو في اخبار هنبلغكم بيها ان شاء الله
حامد : لا حول ولا قوة الإ بالله .. عليك العوض ومنك العوض ياارب
#يتبع
