الفصل الثامن عشر
قاربت السنه علي الانتهاء وجاء يوم تسليم مشروعات التخرج
ملوك : ادعيلي يا ماما .. النهارده هسلم مشروع التخرج .. انا خايفه اووي
كريمه : مش انتي عملتي اللي مطلوب منك كله ؟؟
ملوك : اه .. عملته الحمد لله .. بس ادعيلي يعجب الدكتور
كريمه : طيب ما تفرجيني كده الرسمه اللي عملتيها
ملوك : هاه .. طيب انا اتأخرت اووي يا ماما .. اما ارجع ان شاء الله هبقاا افرجك عليه
كريمه : ماشي .. ربنا معاكي ياارب ويوفقك ويجعلك من الناجحين يااارب وييسرلك امتحانك
بعد اقل من ساعه وصلت ملوك للكليه وقابلت زملاءها
فسألوها عن ماذا رسمت ؟؟
ملوك : رسمت الناس ف الشارع وهما بيتحركوا .. يعني البياعين وكده اما نشوف الدكتور هيقول اييه عليها
ملوك مع زملاءها ينتظروا دورهم في الدخول لمقابله الدكتور
احد الزملاء خرج بعد ان سلم مشروعه فألتف حواله الجميع ليطمأنوا ماذا حدث معه
ف رد عليهم بأن الدكتور قد ضيق عليه الخناق وخصم منه درجات لانه قد أخطأ خطأ بسيط وذكر لهم انه حصل علي تقدير جيد جداً بعد ما تعب في مشروعه والذي واصل ساعات طويله من السهر والعمل عليه حتي يستطيع الحصول علي تقدير امتياز ولكن للدكتور رأي آخر
جاء دور ملوك .. دخلت وفتحت لوحتها امام الدكتور ويداها ترتعش من الخوف
دقق الدكتور وقت طويل في لوحتها واخيراً تحدث لها
براڨو عليكي انتي ابدعتي .. دي من احسن المشروعات اللي اتقدمت النهارده بصراحه مفيهاش ولا غلطه وعلشان كده انتي تستحقي امتياز .. مبروك
ملوك بفرحه : الله يبارك فيك يا دكتور وتركت لوحتها امامه حيث انها ستعرض في معرض الكليه ضمن الاعمال التي نال اصحابها نفس التقدير
خرجت من الغرفه تكاد ان ترقص امام الجميع واسرعت بالتوجه للبيت حيث كريمه تنتظرها
ملوك : ماما حبيبتي يا وش الخير .. يا وش السعاده .. انا نجحت ف المشروع واخدت امتياز بسببك يا مامااااا .. الحمد لله
كريمه لم تستطع ان تفهم ما تتحدث عنه ملوك فسألتها
انا مش فاهمه حاجه .. انتي بتقولي اييه يا بنتي فهميني
ملوك : شوفي يا سيتي .. الدكتور لما طلب مشروع التخرج عن موضوع فيه حركه انا رسمت الرسمه دي .. وفتحت هاتفها لتشاهد كريمه ما انجزته ملوك
كريمه بإندهاش : اييه ده .. دي انا ومعاياا الماكينه ؟؟
ملوك : ايون .. هو كده بالظبط .. يعني انتي السبب ف نجاحي .. والدكتور انبهر من الشغل الحمد لله يااارب وقالي ان مفيش ولا غلطه
كريمه دمعت عيناها : الحمد لله ياارب راضيتني ف ولادي
محمد يتابع عمله ومذاكرته وفي نفس الوقت لم ينسي والده .. فمن الحين للآخر يمر عليه ليطمأن علي صحته ويتابع حالته
في بيت سعيد
محمد : اخبارك اييه يا بابا .. بتآخد العلاج في مواعيده ولا لأ ؟؟
سعيد : الحمد لله بآخده ف مواعيده
محمد : لازم نعمل اعاده للتحاليل والاشاعه علشان نطمن
ونشوف اذا في اي تطور ف الحاله ولا الوضع مستقر
سعيد : ان شاء الله .. بس انا عاوز اتكلم معاك ف موضوع مهم .. انت عندك وقت
محمد : خير يا بابا .. انا تحت امرك
سعيد : الامر لله يا ابني .. انا قولتلك قبل كده اني لما طلقت امك رجعت دورت عليها علشان اردها بس معرفتش طريقكم وانا دلوقت بدأت اتعب وعاوز اردها .. انا عارف اني مهما اعمل مش ممكن هقدر اعوضها عن الوجع اللي سببتهالها بس انا هحاول اعمل اللي يقدرني عليه ربنا معاها .. عاوزك تتكلم معاها وتحاول تقنعها .. وكمان انا نفسي اشوف اخواتك قبل ما اموت
محمد : بعد الشر عليك .. ربنا يطول ف عمرك ويرزقك الصحه .. انا طبعاً هبلغها وهرد عليك .. اما عن ملك وملوك فأنا هجيبهملك معايا المره اللي جايه بس هما كانوا مشغولين ف الكيله والامتحانات .. انت عارف دي آخر سنه وهيتخرجوا خلاص الحمد لله
سعيد : خلاص ماشي .. مش هوصيك يا محمد .. حاول معاها علي قد ما تقدر انا عارف انها كرهتني ومش عاوزه تشوفني تاني .. بس انا عاوز اموت وهي معايا ..
محمد : حاضر يا بابا .. ان شاء الله هبلغك برأيها .. همشي انا دلوقت وهستناك بكره في المستشفي علشان نعمل التحاليل والاشاعات علشان نتطمن
يتركه ويعود لبيت كريمه و تقابله ملوك
اخويا حبيبي ، انا اخدت امتياز في المشروع الحمد لله .. شوف كده الصوره دي .. وتفتح له الصوره
محمد : اااااه علشان كده كنتي بتقفلي عليكي الاوضه وترسمي واما ندخل منلاقيش حاجه .. طيب كنتي بتخبيها فين يا لئيمه انتي
ملوك : بعدت السرير شويه من جنب الحيطه وكنت بخبيها جنب السرير علشان كنت عاوزه اعملها مفاجئه لماما .. والحمد لله طلع وشها حلو علياا
محمد : مبروك يا حبيبتي .. عقبال التخرج .. ماما طول عمرها وش الخير والسعد علينا كلنا .. ربنا يخليهالنا وميحرمناش منها ياارب .. اومال فين ملك ؟؟
كريمه : ملك مع خطيبها بيشتروا شويه حاجات وزمانها راجعه
محمد : ماشي بالسلامه ان شاء الله ..ويشير بعينه لملوك وتفهم انه يريد ان يتحدث معها
ملوك : بقولك اييه .. انت فاضي صح تعالي ندخل جواا اما احكيلك عملت اييه مع الدكتور النهارده
وتشد يده ليدخلوا معاً لغرفه محمد .. خير في حاجه حصلت معاك ؟؟
محمد : انا كنت عند بابا .. وبصراحه طلب مني اتكلم مع ماما علشان يردها لعصمته تاني وقالي انه نفسه يعوضها اللي فات وانه عاوز يموت وهي معاه وانا مش عارف هقولها ازاي الكلام ده
ملوك : وتفتكر احنا لو قدرنا نتكلم معاها هي هتوافق
محمد : انا عارف انها مش هتوافق بس لازم ابلغها الرساله اللي عندي
ملوك : طيب استناا اما ترجع ملك ونتكلم معاها كلنا
محمد : انا وعدت بابا انكم هتيجوا معايا المره اللي جايه علشان تشوفوه لانه نفسه يشوفكم
ملوك : ان شاء الله ربنا يسهل
في بيت سوميه
محمود : اييه رأيك ف الراجل علشان مستعجل علي الرد .. اقوله انك موافقه ولا اييه ؟؟
سوميه : انا شايفه انه راجل مقتدر وده تاجر كبير يقدر يفتح بيت واتنين واللي تشوفه انت بقاا يا خويا انا هوافق عليه
محمود : يبقاا علي خير .. كتب الكتاب الخميس اللي جاي بإذن الله وجهزي شنط البنات علشان آخدهم عندي لحد اما ترجعي من السفر
سوميه : هو انت اتفقت معاه علي كل حاجه ؟؟
محمود : اه بعد ما جيه وشافك قالي انه موافق وعاوز يتمم علي طول وهيجبلك شقه تانيه وهيكتبها بأسمك وهيجيب العقد قبل ما يكتب الكتاب علشان تضمني حقك .. متنسيش انه راجل متجوز واولاده كبار ولولا ان مراته مريضه مكنش فكر انه يتجوز واحده تانيه .. طبعاً فاهمه كلامي كويس
سوميه : فاهمه يا خوياا ربنا يخليك لياا ياارب .. بس انا لياا عندك طلب واحد
محمود : خير
سوميه : انا عاوزه اكتب الشقه دي بأسم البنات بالنص واما ربنا يسهل بقاا ويحين الاجل اهي الشقه الجديده ليهم برضو
محمود : عين العقل .. ننزل بكره نروح لاي محامي ونشوف هنعمل اييه
في بيت كريمه .. بعد عودة ملك .. حكي لها محمد ما طلبه منه سعيد .. وطلب منها ان تتحدث معهم لتبليغ كريمه رسالته
ملك : ماشي يا محمد مع اني مش مقتنعه بس هنشوف رأيها اييه
توجه محمد مع البنات ليتحدثوا مع كريمه وبعد ان سمعت
كريمه : تاني يا محمد .. هو انا لسه هعيده تاني .. عاوزني ارجعله بعد كل اللي عمله فياا و فيكم
محمد : يا ماما انا مش بقولك ارجعيله .. انا ببلغك الرساله اللي عندي وانتي ليكي حريه الرأي
كريمه : ماشي يا محمد مش انت قولتلي وانا بقاا مش موافقه
#يتبع
