بقلم نورسين محمد
الفصل الثالث
اخذت كريمه المبلغ من ام إسلام وعادت لبلدتها الصغيره في محافظه الشرقيه حيث نشأتها الاولي قبل ان يتركوها وينتقلوا للعيش في القاهره .. عند وصولها فتحت الباب ودخلت مع اولادها
محمد : يا ماما البيت مليان تراب .. هنبات ازاي هناا ؟؟
كريمه : معلش هنضف السراير ونفرش فرش نضيف عليها وننام للصبح وان شاء الله اول لما نصحاا ننضف باقي البيت
ملك : ماشي ياله وانا هساعدك انا وملوك
محمد : وانا كمان هساعدكم
وقامت كريمه واولادها بتنظيف ما استطاعوا ثم استلقوا كلاً منهم علي فراشه حتي الصباح
في بيت سعيد
سوميه بدلع : قوم يا نور العين .. جهزتلك الفطار
سعيد : ماشي يا جميل .. هقوم اهوه .. صحيتي البنات ؟؟
سوميه : اه .. من بدري ومستنينك تقوم عشان نفطر
سعيد : طيب ياله يا قمر
وبعد ان تناول افطارهم .. عاد لغرفته وبدل ملابسه سريعاً وتوجه لبيت كريمه ..
عند وصوله فتح الباب فلم يجد احد بالبيت فتأكد من ان جميعهم قد رحلوا ..
وقال في نفسه .. المركب اللي تودي .. اخيراً الواحد هيرتاح منكم ومن طلباتكم .. وخرج واغلق خلفه الباب وتوجه للورشه لإستكمال عمله
في بيت كريمه
محمد : يا ماما هو احنا مش هنروح المدرسه ؟؟
كريمه : لأ يا حبيبي هتروحوا بس لازم نروح نسأل في المدرسه اللي هنا الاول ونشوف طلباتهم اييه واييه الاوراق المطلوبه علشان النقل
محمد : ماشي وهنروح امتي ؟؟
كريمه : النهارده نخلص تنضيف البيت و بكره الصبح ان شاء الله نروح نسأل ونجهز الورق علي طول عشان تكملوا هنا .. ماشي ؟؟
محمد : ماشي يا ماما
تتركه وتتوجه لتستكمل تنظيف البيت وفجأه يدق جرس
الباب
تفتح كريمه واذا ام زينه وقد احضرت لها هديه ( بيض وعيش وجبنه ولبن )
( مجيدة هي ام زينه .. وهي صديقه لكريمه منذ الطفوله حيث انها جارتهم في البيت الملاصق لها .. تزوجت في بيت والدها بعد وفاة والدها ووالدتها وانجبت زينه ) ازيك يا كريمه .. عامله اييه ؟؟ والله وحشتيني واحتضنتها وسلمت عليها
كريمه : مجيده .. ازيك يا حبيبتي .. عامله اييه وازي ولادك ؟؟
مجيده : الحمد لله والله بخير .. انا معنديش غير زينه .. انتي من زمان مجتيش ومتعرفيش حاجه ..
كريمه : لا معرفش حاجه انتي عارفه من وقت ما اتنقلنا القاهره وانا مش بآجي الشرقيه خالص
مجيده : مهو انا تعبت وانا ب اولد زينه وجالي نزيف شديد والدكتور قال ان لازم يستأصل الرحم والإ هيكون في خطر علي حياتي .. فعملي العمليه والحمد لله .. كفايه علياا زينه
كريمه : ربنا يباركلك فيها ويفرحك بيها ياارب .. ليه تعبتي نفسك وجبتي كل ده ؟؟
مجيده : لا تعب ولا حاجه .. دي حاجه بسيطه .. هو انتي جايه زياره وراجعه تاني ؟؟
كريمه : لأ .. انا هقعد هنا علي طول
مجيده : دي البلد هتنور .. بس فين جوزك ؟؟
كريمه : مش معايا .. انا اتطلقت ورجعت اعيش انا وولادي في بيت ابويا ..
مجيده خبطت بيدها علي صدرها : يا ساتر يارب .. ليه كده بس يا كريمه .. وولادك دول مين هيصرف عليهم ؟؟ كنتي عيشتي واستحملتي عشانهم .. الزمن صعب اووي
كريمه : هو اصلا مكنش بيصرف عليهم ولا علياا غير بالعافيه ..واللي خلقنا مش هينسانا .. الحمد لله ربنا موجود
مجيده : طيب انا هسيبك تكملي اللي بتعمليه وهبقاا ارجعلك تاني ولو احتاجتي اي حاجه في اي وقت ابعتيلي حد من الاولاد وتبقي تخلي البنات ييجوا يلعبوا مع زينه
كريمه : ماشي ان شاء الله
في ورشة سعيد ..
سعيد : منور يا اسطي حامد .. فينك من زمان ؟؟
( حامد لديه ورشه للخراطه وهو صديق لسعيد من فتره طويله )
حامد : والله يا سعيد انت عارف الشغل وقرفه .. وعشان كده جيتلك النهارده
سعيد : طيب الاول تشرب اييه وبعدين نتكلم ؟؟
حامد : اي حاجه .. خليها شاي خفيف سكر زياده
سعيد : يا بدوي هات اتنين شاي خفيف سكر زياده .. ويتوجه لحامد حتي يستكمل معه الحديث .. خير ان شاء الله
حامد : شوف يا سعيد انت عارف اني من زمان بشتغل في الخراطه بس بشتغل علي قد الفلوس اللي معايا .. ومن كام يوم واحد صاحبي جابلي شغلانه كبيره في قريه سياحيه كبيره لسه تحت الانشاء في العين السخنه والمطلوب اني اعمل الابواب بتاعة الشاليهات والابواب الرئيسيه وروحت وقابلت المدير واتفرج علي شغلي واختار التصميمات اللي هو عاوزها واتفقنا علي كل حاجه .. بس اما اتكلمنا في موضوع الفلوس قالي هتآخد فلوسك علي مراحل علشان في حاجات تانيه لسه بتتعمل ومش هينفع يقبضني كل المبلغ مره واحده واتفقنا انه هيديني الجزء الاول علشان ابدأ الشغل .. تمام لحد كده ؟؟
سعيد : تمام .. طيب واييه المشكله ؟؟
حامد : المشكله اني اخدت العربون المبدئي واشتريت بيه الحديد عشان ابدا اعمل الشغل بس طول ما انا شغال بحتاج حاجات كتيير جداا والفلوس عجزت معايا .. وعلشان كده انا جيت اعرض عليك تشاركني وايدك ف ايدي نعمل الشغل ونخلصه ونركبه ونقسم المكسب بالنص بيني وبينك
سعيد : طيب وانا اييه المطلوب مني دلوقت لو وافقت ؟؟
حامد : المطلوب منك انك تكمل معايا الفلوس ونكمل باقي الشغل لاني صرفت كل الفلوس اللي كانت معاياا .. وكل قرش هتدفعه دلوقت اول لما نستلم الفلوس من المدير هترجعلك واما نكمل الشغل ونسلمه نقسم المكسب اللي هيتبقاا معانا .. والله يا سعيد الشغلانه كويسه وفيها مكسب كويس وانا مكنتش عاوز ادخل حد معايا بس لولا ان الفلوس قصرت معايا والشغلانه كبيره وانا مش عاروز اخسر الراجل مكنتش دخلت حد بس انت مش غريب وانا قولت انت اولي من اي حد .. واهو باب رزق جديد ويمكن نخلص ونستلم غيرها .. هاه اييه رأيك ؟؟
سعيد : طيب سيبني يومين افكر وادور الكلام تاني ف دماغي وهرد عليك
حامد : خلاص ماشي وانا هستناك متتأخرش علياا علشان لو مش هتكمل معايا ألحق ادور علي حد يشاركني .. انت عارف الناس اللي ذي دول بيحبوا اللي يلتزموا معاهم بالمواعيد
سعيد : لا ان شاء الله مش هتأخر عليك
حامد : خلاص ان شاء الله .. همشي انا علشان اشوف الورشه
دقت العاشره مساءًا .. سعيد في بيته يتحدث لسوميه ويحكي لها عما دار بينه وبين الاسطي حامد
سعيد : وهي دي كل الحكايه .. اييه رأيك .. اوافق ولا ارفض ؟؟
سوميه : وترفض ليه .. هو في حد يقول للفلوس لأ .. وبعدين ده شغل جديد .. يمكن يطلع لنا مكسب كويس من وراها ونتنقل ناقله تانيه .. وافق وافق
سعيد : خلاص ماشي .. بكره بالليل اما خلص شغل الورشه هعدي عليه وابلغه اني موافق وهروح بعد بكره اسحب القرشين اللي ف البنك وربنا يسهلها
سوميه : ياله بقاا نتعشي علشان ترتاح شويه
ويخرجوا من غرفتهم .. تتوجه سوميه لتجهيز الاكل .. اما سعيد فيذهب ليلعب مع رنا ورشا
سعيد : انتوا بتعملوا اييه يا حلووين ؟؟
رنا : بنعمل بيت بالمكعبات تعالي اعمل معانا يا بابا
رشا : موتعبات أبابا .. خود
سعيد : هههههههه موتعبات .. هاتي يا سيتي .. تعالي نكمل البيت علي ماما ما تخلص الاكل
رشا : هنا .. هنا .. ابابا .. اممم .. تده .. البيت وقع
سعيد : هههههه معلش متزعليش بعد العشاا نعمل واحد جديد
رنا : طيب ياله بقاا نركب الحصان لحد الترابيزه .. لف يا بابا
سعيد ينحني لها لتركب علي ضهره .. تضحك رنا .. ياله شي يا حصان
رشا : وانا .. وانا .. تمان ..
نزلت رنا ثم صعدت رشا .. شي يا حثان ، شي يا حثان
( شى يا حصان ، شى يا حصان )
سعيد : ياله يا سوميه .. انا ميت من الجوع وبناتك خلصوا علياا
سوميه : ههههه ربنا يخليك ليهم .. لو مكنتش انت تلاعبهم ..مين هيلاعبهم يعني ؟؟
ياله الاكل جهز اهوه ..
وتناولوا طعامهم ثم استقروا في غرفهم وذهبوا في ثبات عميق
#يتبع
