الفصل ١٣ - رواية حنين٢ - رواية همسة حنين

بقلم نورسين محمد 

الفصل الثالث عشر 

هشام : الامر لله ، حاضر ، بس هقول شعر عن احمد وحاله 

احد الاصدقاء : ماشي قول اي حاچه ، بس سمعنا الله يرضي عنيك

بدأ هشام في إلقاء قصيدته قائلا : 

غفير القصر لمّا ضحكت ماعجِبهوش

لما زعلت ما عجبهوش

لما سكت ما عجبهوش ..

لما نطقت ما عجبهوش

قال لي تچيب لي أوراقك وأحلامك ودمغة وحسن سير وسلوك

وقبل الكل هات لي لسانك المبرد يقف ويقول انا صعلوك

ساعتها انا قلت : ماعجبهوش

يا مهاجر وسايب حلمها يدبل

صرمت الناقة لحسن في الحرام تِحبَل

وتُهت ف غربتك والنوم ..

قضيت العمر عَد نچوم ..

دي مش نفس النجوم يا اهبل ..

دي مش نفس السنين والعمر ..

انا عارفك مشيت مغصوب ودايق المر

لو بيدي لألمّ لك بيوت الحي والونسة

واجيب لك كل أحلامك في خيط معقود ..

عيالك لما بتسافر بيبقى اسمهم ورثة

مفيش فلاح حتطرح أرضه عز وهو مش موجود ..

غفير القصر غرّر بينا عقود وعقود ..

بقينا مقطوعين الإيد ..

ومش ذنبي اني حبيتك عشان ترميني للمطاريد

واعيش العمر بتمنّاكي في الأحلام ..

أزورك أسبوعين في العام ..

واشم هواكي في الأفلام واحوّش مهرك الغالي

واقول معلش بكرة ارجع والاقي حبيبتي لابسة لي

وطبل وزمر وقرايب وهيصة وزينة بتلالي

أتاري العمر بيعدي كلام في كلام ..

يا بياع السنين قل لي أجيبها بكام …

غفير القصر بيبيع ابتساماته ..

وبيوزّع على اللي مصدقين غِشه

مابنحسّش في وقت الغربة مين ماتوا ..

ونحسد كل ميت مات على فرشه ..

يعدي الموت على غفر القصور بالدور ما يوعظها ..

ويرمونا في ليل الغربة والتشريدة والمنفى

ليالي تمر ولا حدّش من النايمين ملاحظها ..

وابات في الغربة انا سقعان وغيري ف بيتي يتدفّى ..

أنا من الناس لو غضبت بتفلت منها ملافظها ..

وغضب الغربة شارب دمي ما استرجع ولا استكفى

ولا انتم حِمل غضب الناس ولا انتم حِمل سيل غيظها

ولا اتعلمتوا من الأيام وم الدوران وم اللفة ..

في الآخر مصيركم تيجيوا نفس الشلة وبتظهر ساعتها الشمس والحق اللي بات ضعفان بيستعفى ..

ساعتها ننصب الزفة ..

ويرجع مُهرنا الحَرْنان ..

وننسى ان احنا كنا زمان

بنهجر مصر ..

عشان ماعرفش يفهمنا .. غفير القصر

بكي احد الاصدقاء : وچعت قلوبنا يا هشام ، والله اتوحشناه يا خوي 

هشام : كلنا اتوحشناه يا صاحبي مش أنت لوحدك ، ربنا يرچعه بالسلامه ، يالا تصبحوا علي خير آني هرچع البيت 

______________________

انتهي مصطفي من التعليم في الجامعة واصبح لابد من ان يتقدم لآداء الخدمه العسكريه فتوجه وسلم اوراقه وقد وزع علي وحده في القاهره وفي صباح يوم تسليم نفسه للوحده ، استيقظ مبكرًا وتوجَّه لجميله

مصطفي : يالا ياما لازم انزل هتأخر ع القطر 

جميله : أهه يا ولدي خلاص ، كل حاچتك چاهزه وهتلاقيها ف الشنطه 

مصطفي : إيه ياما كل ديه ، آني رايح الچيش مش رايح رحله ، ديه كتير قوي 

جميله : لاه ولا كتير ولا حاچه ، كُل أنت وأصحابك في القطر ، الطريق طويل يا ولدي ، وعبد الله واد صاحب ابوك رايح وياك ، تبقوا تآكلوا سواا ، يالا يالا هتتأخر 

مصطفي : طيب ياما اشوفك بخير ، هروح أسلم علي بوي وچدي وچدتي وامشي طوالي 

جميله : هتلاقيهم ف الچنينه وأنت خارچ ، طريق السلامه يا ولدي وتبقي تطمني عليك 

خرج مصطفي مسرعـًا وألقي التحيه والسلام علي والده وجده وجدته وطلب منهم ان يدعو له 

عامر : اول لما توصل رن عليا طمني يا ولدي ، السواق برا مستني خليه يوصلك للمحطه آني معرفش بس ليه أنت مصمم تروح بالقطر ، ما كان وصلك السواق لحد الوحدة بالعربية والناس هناك كلاتها عرفانا 

مصطفي : معلش يا بوي ، خليني أروح مع رفقاتي أحسن من العربية واهو هنتونس مع بعضينا 

عامر : ماشي يا ولدي أنت وراحتك ، أنا كلمت الظابط هناك وأول لما تسلم نفسك هما هيتصرفوا ذي ما وعدوني 

مصطفي : إن شاء الله يا بوي ، سلاموا عليكوا 

في اثناء خروجه قابل همسه فسلم عليها ووعدها انه سيحادثها عندما يتمكن من ذلك ، سلمت عليه ودعت له ان يسلمه رب العالمين من كل اذي 

همسه : هستناك تكلمني يا مصطفي 

مصطفي : حاضر ان شاء الله ، بس حاولي تعملي ذي ما قولتلك  

تركها مصطفي وتوجه ليقابل اصدقاؤه في محطة القطار ، وما أن وصل الإ وكانوا في انتظاره وبعد دقائق قليلة من انتظارهم وصل القطار فإستقلوه معـًا ثم بدأ كل منهم يبحث عن مقعده 

مصطفي : بعد اذنك يا آنسه هي الشنطه دي بتاعة حضرتك ؟؟ 

الفتاه : آه ، بتاعتي ، هو ده كرسي حضرتك ؟؟ 

مصطفي : أيوه بتاعي ، ممكن ترفعيها من علي الكرسي

الفتاة : طيب ممكن تنتظر بس شويه أما زمايلي هيخلصوا هييجوا يرفعوها فوق ، معلش هوقفك شويه 

مصطفي : طيب وليه نستني زُملاتك ، آني موچود ، هرفعهالك آني 

رفعها مصطفي ووضعها علي الرف العلوي للقطار أعلي المقاعد 

الفتاة : أشكرك انا تعبتك معايا 

مصطفي : لاه مفيش تعب ولا حاچه

جلس مصطفي بجانبها ، دقائق وتحرك القطار ، لاحظ بعض الاشارات والضحكات والهمسات الخفيفك بينها وبين زملائها فوجَّه إليها سؤاله : حضرتك متضايقة اني قاعد چنبك ، لو متضايقة آني ممكن أبدل الكرسي مع أي حد تاني ؟؟

الفتاة : لا لا ، ليه حضرتك بتقول كده ؟؟ 

مصطفي : أنا بس شايفك مش عارفه تآخدي راحتك وكل شويه تدوري وشك عند زمايلك 

ضحكت الفتاه : لأ احنا كده مع بعض علي طول 

مصطفي : هو انتوا بتسافروا كتير مع بعض ؟؟ 

الفتاه : آه احنا مجموعة واحده في السنة النهائية في كلية الآثار والجامعة بتطلب مننا أبحاث وبتعملنا كل أسبوعين رحله لمنطقة مختلفة ، انما المرة دي كان المكان بعيد شويه ، كنا في أسوان علشان كده كنت فاكرة أن الكرسي هيفضل فاضي لحد أما نوصل القاهره

ضحك مصطفي : طب لو عوزاني افضيهولك ، آني معنديش مانع ، المهم راحتك 

الفتاه : لا شكرًا ، بس أنا ملاحظه انك بتتكلم صعيدي ، هو حضرتك منين ورايح فين ؟؟ 

مصطفي : بلاش حضرتك دي ، آني مش كبير أوي اكده ، آني مصطفي 

ضحكت الفتاه : اهلاً وسهلاً بحضرتك أنا وسام 

مصطفي : عاشت الاسامي ، آني بقي يا ستي من قنا ، ورايح القاهرة أسلم نفسي للچيش ولسه مخلص الچامعة ، يعني هي سنة واخلص الچيش وارچع قنا تاني 

وسام : بالسلامة ان شاء الله 

تعرف مصطفي علي وسام ، تلك الفتاه المليئة بالنشاط والحيوية ، ذات الابتسامة التي ترتسم علي وجهها دون انقطاع طوال فترة الرحلة 

( وسام سمراء البشره ، واسعه العينان ، ذات شعر أسود كثيف ناعم يغطي جبهتها بخصلاتها المنتظمه ، نحيفة القوام ، متوسطة الطول ، تتميز بخفة دمها ، ابنة اللواء محمود عبد الستار ) 

مرت الساعات وفي منتصف الطريق ، استوقف مصطفي عامل البوفيه وطلب كوب من النيسكافيه ثم توجه لوسام يسألها : تشربي إيه ؟؟ 

وسام : لأ شكرًا ، أنا مش قادرة اشرب حاجة 

مصطفي : لاه ، مفيش حاچة اسمها مش قادرة ، لازمن تطلبي حاچة 

وسام : خلاص ماشي يبقي نيسكافيه ذيك 

مصطفي : ملكيش دعوة بياا ، اطلبي اللي تشتهيه 

وسام : خلاص انا عاوزه اشرب نيسكافيه معاك 

مصطفي : تمام ، ماشي 

توجه لعامل البوفيه وطلب منه الطلبات 

____________________   

مرت الايام وتقدم أحمد للعمل في أحد المطاعم الإسلاميه وإلتحق به بعد أن علمت صاحبته الجزائرية أنه مصري مسلم 

تعرفت عليه وبدأت تعتمد عليه في أغلب الأعمال 

( رُقيه هي ابنة صاحب المطعم ، وحيدة والدها ، تبلغ من العمر الواحد وعشرون عامـًا ، توفي والدها منذ أربع شهور فإضطرت أن تتابع العمل بنفسها حتي يتم تعيين مدير مسئول ) 

اقتربت من أحمد ووثقت فيه مع الوقت اعتمدت عليه في كل كبيرة وصغيرة ونشأت بينهم علاقه صداقه وعرف منها انها كانت علي علاقه بشاب جزائري ولكنها تركته قبل وفاة والدها لأنها اكتشفت انه علي علاقه بالأخريات ويستحل مالها لكي يُغدق عليهم به ويقضي معهم السهرات المشبوهه ولولا ان صديقتها شاهدته بالصدفة وإلتقطت له بعض من الصور أثناء إحدي السهرات وأرسلتها لها ما كانت لتعلم عنه أي شئ ولكنها إرادة الله ، اقترب منها أحمد وحكي لها عن حياته وما حدث معه في علاقته بزينه وما فعلوه معه أهلها 

وقف بجانبها أحمد وساندها في محنتها وتبدلت الصداقة الي حب 

اتصل احمد بهشام ليخبره كل ما حدث معه : بصراحه يا خوي انا مش هخبي عليك رُقيه عوضتني عن كل حاچه ، حاسس اني خلاص مبقتش قادر استغني عنيها 

هشام : طيب ومستني إيه ، يالا شد حيلك واتچوزوا ربنا يباركلك يا صاحبي وتعيش في سعادة وربك موچود يقطع من هنيه ويوصل من هنيه 

احمد : يعني انت شايف اكده ؟؟ 

هشام : اه يالا متتأخرش اتوكل علي الله واتچوز 

احمد : وانت اخبارك إيه يا خوي ، لسه مبوحتش باللي ف قلبك ؟؟ 

هشام : آني ذي مانا ، واقف محلك سر ، كل ماچي اتحرك أشوفها قريبة من مصطفي أبعد تاني وأقول بتحبه بلاش أضايقها وكفايه أشوفها فرحانه قدامي 

احمد : إيه يا هشام الچنان ديه ، لازمن تقولها ما يمكن مفيش بيناتهم حاچه 

هشام : والله يا صاحبي اللي ظاهر قدامي غير أكده ، عمومـًا ربك يدبرها من عنده ، مصطفي سافر دلوقت وممكن يبقي في فرصة أتحدت وياها 

أحمد : أنت لازمن توچد الفرصة وتتحدت وياها ، القلوب مش رخيصه يا خوي ، يالا سلام وهبقي اكلمك تاني 

______________________

ادهم علي فراشه يشاهد التلفاز وحنين بجواره يحتضنها وقد وضعت رأسها علي صدره تتابع معه الفيلم الاجنبي ، فجأه رن هاتفها فأعتدلت وتفقدت المتصل فلم يظهر أسم فأعطته لادهم : رد يا حبيبي ، رقم من غير اسم 

أخذ من يدها الهاتف واجابه : ألو ، ألو

لم يجيبه أحد 

فكرر ، ألو ، فلم يجيبه أحد 

محدش هيرد ، سيبك منه ومترديش علي ارقام ممتسجلاش عنديكي 

حنين : حاضر حبيبي 

حنين تشعر بالقلق والحيرة من أمر ذلك المتصل ولكنها لا تريد أن يشعر أدهم بتوتر ففضلت أن تنتظر حتي تتصل بها صديقتها شهد لتتأكد منها اذا كان قد عاد يوسف إلي مصر أم لا 

ادهم : مالك في حاچه مضيقاكي ؟؟ 

حنين : لأ حبيبي ، بس حجزنا الفساتين أنا وهمسه علشان فرح تقي ولسه موصلوش لحد دلوقت وأنا خايفة ميلتزموش بميعاد التسليم 

ادهم : قالولك امتي ميعاد التسليم ؟؟ 

حنين : المفروض كان النهاردة ، بس محدش اتصل ولا في حاجة وصلت لحد دلوقت وفاضل أربع ايام 

ادهم : متقلقيش الصبح آني هتصرف وآخر النهار حاچتك وحاچة همسه هيكونوا عنديكي ، ولا يهمك شي 

ارتسمت علي وجه حنين ابتسامة رضا وسعادة : ازاي ابقي قلقانه من حاجة وانا معاك وف حضنك ، انت سندي وحياتي ودنيتي وسر سعادتي 

اقترب منها ادهم واحتضنها هامسـًا : آني بعشق إبتسامتك عشان أكده بعمل أي حاچه عشان اشوفها علي طول علي وشك الچميل ، وسريعـًا سرق من شفتيها الناعمتين قبلة اسكرته حتي الصباح 

___________________

قسمه : يا بدر أنت خلاص رتبت مع أدهم كل حاچه عشان فرح تقي ، خلاص فاضل أربع أيام 

بدر : متقلقيش كل شي تمام ، چهزي حالك ومن بكره انتي والبنات وابراهيم روحوا علي بيت عمي و أي حاچه ناقصه كلميني 

قسمه : ماشي يا واد عمي ، آني عارفه أدهم وعامر ما هيقصروش ف شي 

بدر : لاه مهيقصروش ف شي بس أبوي خانقني 

قسمه : وليه بقي خانقك ؟؟ 

بدر : بيقول كان لازم البت تخرچ من بيت ابوها وچدها 

متخرچش من بيت عمي 

قسمه : طيب يا واد عمي ما بردو هي هتخرچ من بيت چدها وبيتك وبيت اخوالها 

بدر : يا بت عمي آني مزعلانش ، آني قولتله أكده ، هو اتزربن شوي وبعد أكده وافق وقالي خلاص عمك هيشيل الليله كلتها طالما ف بيته ، بس هو ميعرفش أني روحت واتحدت ويا عمي وقولتله شرط اني اوافق البت تخرچ من هنه أني اتكفل بكافة شي وعمي هو التاني اتزربن علي بس قولتله خلاص هنفض الچوازه قالي لاه خلاص اتفق مع ادهم واللي يريحك اعمله ، وآني خلصت كل شي مع ادهم واتفقت معاه أني هشتري العچول وكفايه عليه هو الباقي وبالعافيه هو التاني وافق 

قسمه : متزعلش روحك يا واد عمي المال كله مالنا ، هنيه أو ف بيت أبوي كلها واحد ، نام وارتاح ربنا يفرحنا بيها ويعدي ليلتها علي خير 

_______________________

مصطفي : خلاص فاضل اقل من نص ساعة ونوصل ، الصراحة آني سعيد أني قضيت معاكي وقت كويس محسيتش فيه بملل رغم الطريق كان طويل 

وسام : بصراحة أنا كمان سعيدة بمعرفتك جدًا ، أنت أكدتلي أن هل الصعيد ناس طيبين وكرماء 

مصطفي : لاه انتي لسه معرفتيش حاچه عن أهل الصعيد ، ان شاء الله هبقي احكيلك عنه حاچات كتير ، هو آني ممكن اتعشم آخد رقم التلافون بتاعك عشان اطمن عليكي 

وسام ترددت في البداية : بصراحة انا محدش بيآخد رقمي لأني بتعرض لمضايقات كتير ، بس أنا عارفة انك مش ممكن هتعمل حاجه تضايقني بيها 

مصطفي : لاه ربي شاهد علي ، آني بس هطمن عليكي كل ما اقدر ، آني لسه معرفش ظروفي هتبقي إيه في الچيش ، ديه آني حتي فرح بت عمتي يوم الخميس الچاي ومهحضرهوش بسبب الچيش ، هما كانوا حددوه وبعدها عرفت ميعاد الچيش ، بس يالا كل شي نصيب المهم هي تفرح وتتهني مع چوزها ، عقبالك ان شاء الله 

وسام : إن شاء الله ، عمومـًا مليني رقمك هرن عليك وسجل الرقم عندك 

مرت الدقائق المتبقيه ووصل القطار ، ساعدها مصطفي في حمل حقائبها وودعها وتمنت له السلامه 

مصطفي : اشوف وشك بخير 

وسام : في أمان الله ، سلام 

#يتبع