الفصل الثالث عشر والاخير
مرت الايام وظهرت نتيجة تامر ونانسي وقد اجتازوا السنه بنجاح
ولكن اتفق تامر مع نانسي انه لابد من ان ينتظر حتي ينتهي من السنه الثالثة ثم يتقدم لخطبتها حتي لا يعارض والدها و بالفعل امضي تامر ونانسي السنه في امان
وقد تزوجت نغم من زين وهي الآن تنتظر مولودها الاول وأنجبت نورهان طفلها الاول سيف اصغر افراد الأسرة و اصبح اللعبة المفضلة لدي الجميع وخاصة نيره، مرت الايام وبعد ان انتهي تامر من السنه الثالثة وظهرت نتيجة الامتحان وقد اجتازها بنجاح كما الحال عند نانسي
وفي صباح يوم جديد، اتصل تامر بنانسي يبلغها انه سيتحدث لوالدته لكي يتقدم لخطبتها وقد أتفق معها علي انه سيبلغها ما سينفذه وعندما انهي المحادثة معها توجه لأمينه يتحدث معها قائلاً:
- ماما انا عاوز منك طلب
- طلب !! طلب أيه ده يا حبيبي، قول اللي انت عاوزه، محتاج حاجه للمحل ومش معاك تكمل ؟؟
- لا يا ماما الحمد لله ربنا فارجها علينا، انا محتاج حاجه تانية
- طيب أيه بقا ؟؟ يا واد ما تتكلم قلقتني
- بصراحه كده من غير لف ودوران كتير انا بحب وعاوز اخطب
- تُخطب!!
دلوقت، طيب مش أما تخلص دراستك الاول، أنا معنديش اعتراض إنك تحب وتخطب اللي بتحبها إنما خلص سنه رابعه واعمل اللي انت عاوز تعمله بعد كده
- انا مش هقدر استني سنه يا ماما، أنا خايف حد يآخدها مني، انا بحبها، بحبهااااا وخايف اي حد يتقدم لها ويكون مناسب وابوها يوافق عليه وابقي خسرت حبي وقلبي، أنا مش هقدر أعيش من غيرها ولا مع غيرها، انا لقيت نفسي معاها يا ماما
امينه بعد ان استشعرت الحب من كلامه وتعلقه الشديد بتلك الفتاه فتوجهت إليه متسائلة:
- طيب ما تقولي هي مين دي اللي اخدت قلبك وعقلك وعاوزه تآخدك مني، عاوزه اعرف تستاهل كل الحب ده ولا متستاهلش
- نانسي يا ماما بنت طنط سلمي وعمو محمود
- ناااااانسي، اااااه قولتلي بقا، عموما انت معاك حق في كل كلمه قولتها، بس تفتكر عمك محمود هيرضي يخطبهالك وانت لسه فاضلك سنه وهي كمان فاضل لها سنتين علي ما تخلص دراستها
- أنتي بس اتصلي بطنط سلمي حددي معاها ميعاد للمقابلة وسيبي الباقي عليا، انا هقنعه
- طيب ما نشوف هتقنعه ازاي يا فالح، هات التليفون واطلب الرقم
نفذ تامر ما امرته به امينه وتركها تتحدث في هاتفها مع سلمي وتوجه هو ليبلغ نانسي ما قد وصل إليه من اتفاق مع والدته
والدة تامر: يا تامر، تامر، انت يا واد سيبتني وروحت فين ؟؟
- انا جيت اهوه يا ماما، عملتي أيه ؟؟
- كلمتها و الميعاد بكره الساعة خمسه، جهز نفسك بقا لطلبات عمك وانزل اشتري الحلويات والشكولاتة اللي هنآخدهم معانا مش هنروح وايدينا فاضيه
- لأ، فاضيه، فاضيه ده أيه، ده انا هنزل اشتريلها شكولاتة من اغلي وانضف مكان، دي نوسه يا حاجه مش اي حد
- طيب يا حبيبي ربنا يسعدكم ويجعلها من نصيبك ويجعلك حنين عليها يارب
________
تركها تامر وبدل ملابسه ثم ذهب لشراء الحلويات والشكولاتة ثم توجه للمحل المخصص لبيع الفضة حيث لفت انتباهه سلسه رقيقه وبها معلقه علي شكل قلب شفاف مطعم بالفضة
- مساء الخير، عاوز السلسلة دي من فضلك ؟؟
البائع: حاضر اتفضل ارتاح .. لحظه واحدة
وبعد لحظات قدم له السلسلة ليشاهدها عن قرب وتحدث لتامر قائلاً:
- السلسة دي عباره عن حجر طبيعي مستورد لونه شفاف واما بتتعرض لضوء الشمس او اي ضوء شديد بتغير لونها للأحمر، زي ما حضرتك شايف كده
- حلو اووي، خلاص انا هآخدها وعاوز علبه شيك لأنها هديه من فضلك
_________
انقضت ساعات النهار وحل الليل سريعاً وتقابل العشاق تحت ضوء القمر كعادتهم بعد أن ارسل تامر لمحبوبته اغنيه لكي تسمعها معه
خليك حبيبي هنا جنبي هنا جوه قلبي هنا ياللى روحي
في هواك ليالي وانا على حالي ودايما في بالى بحبك وهفضل معاك
ليك حق يا حبيبي فيا واكتر ماليا حياتي
متغلاش عليك يارب اعيش العمر جنبك في حضنك
في قلبك في ضحكة بشوفها في عينيك
ليالي وانا على حالي، بحبك وهفضل معاك
امضوا العاشقين وقتاً من الحب شهدت عليه نجوم السماء التي تلألأت في ظلامها والسكون الذي لم يُسمع منه سوي همساتهم بكلمات الحب والعشق والغرام
انتهت الليلة سريعاً علي امل ان تدق الساعة الخامسة مساءًا حيث اللقاء الذي يجمع بينهم عن قرب في ظل الوالدين وامام الجميع
__________
دقت الرابعة عصراً واتصلت امينه بتامر لتتحدث متسائلة:
انت فين يا ابني الساعة اربعه وانت لسه برا اومال هتجهز امتي، ياله علشان منتأخرش علي الناس، يقولوا علينا أيه لو اتأخرنا عليهم بس
- عشر دقايق وتلاقيني قدامك يا حاجه، متقلقيش.
وبالفعل بعد اقل من عشر دقائق، قالت هدير ممازحة: يا عيني، يا عيني ع الحب، اهو هو ده الحب وإلا فلا، أيه الورد الجميل ده يا حبيبي، مبروك مقدماً يا عريس الهنا
- ايه رأيك حلو، هيعجبها ؟؟
- طبعاً يا قلبي هيعجبها، كفاية انه من تمووور حبيب القلب
- طيب امسكيه لحد اما آخد شاور بسرعه في خمس دقايق واغير
- اووووكي علشان خاطرك يا قمر
وبعد عشرين دقيقه خرج تامر من غرفته يرتدي بنطلون اسود و قميص ابيض بكم طويل وقد طوي اكمامه و ارتدي حذاءه الاسود وقد اكتملت اناقته
- ما شاء الله، ما شاء الله، قمر يا قلبي ربنا يحفظك، لا بصراحه عريس بجد
- ادعيلي عمو محمود يوافق
- اتوكل انت علي الله، ان شاء الله هيوافق، اردفت ممازحة ده كفاية البرفيوم اللي انت مغرق بيه نفسك، هيوافق يا حبيبي بإذن الله وهترجع فرحان ومجبور الخاطر
__________
بعد دقائق وصل تامر بصحبة والدته لبيت محمود
سلمي مرحبة بهم قائله: اهلاً وسهلاً، البيت نور، شرفتونا، تعالوا اتفضلوا
امينه: يزيد فضلك يا حبيبتي ويجعل بيتك عامر ومفتوح بخيرك وخير الاستاذ محمود
محمود : ازيك يا حجه شرفتينا، ازيك يا تامر يا ابني عامل أيه ؟؟
تامر : ازي حضرتك يا عمي، انا بخير الحمد لله، بصراحه يا عمي انا جاي النهارده وليا طلب عند حضرتك واتمني من الله انك مترفضتش
- خير يا ابني ان شاء الله، والله لو في استطاعتي اكيد مش هرفض وهلبي طلبك، خير بإذن الله، أيه هو طلبك ؟؟
- انا يشرفني اني اتقدم واخطب بنت حضرتك الآنسة نانسي
- والله يا ابني طلبك غالي، انا معنديش مانع بس انت مش شايف ان لسه بدري علي الموضوع ده، انتوا لسه في الدراسة، أما تخلصوا نتكلم في الموضوع ده ان شاء الله
- لا يا عمي نخلص أيه، انا أشرح لحضرتك كل حاجه
- اتفضل انا سامعك
- حضرتك عارف ان والدي متوفي، وانا وحيد يعني مليش جيش وعندي شقتي في البيت موجودة وانا عملت مشروع الكمبيوتر ده علشان اجهز الشقة وعلشان اقدر اتقدم لها، انا عارف ان الجواز قسمه ونصيب بس انا برضو عاوز ألحق قبل ما حد يتقدم غيري وانا فاضلي كام شهر واخلص دراستي وان شاء الله هلاقي شغل علي طول انا متفق مع خالي علي كل حاجه، ده غير اني مش هقفل المشروع علشان الدخل يبقا كويس، فأنا بستأذن حضرتك لو مفيش اعتراض عليا نتخطب دلوقت واول لما هي تخلص سنه رابعه نتجوز علي طول
- يا حبيبي مفيش اعتراض عليك، انت ووالدتك واختك سمعتكم مفيش انضف منها في المنطقة، عموما انتظرني دقيقتين
خرج وتركه ينتظر الرد بعدما أشار لوالدة نانسي لتتبعه وتوجه لنانسي ليشاورهم في الموضوع ومعرفة رأيهم
محمود : رأيك أيه يا سلمي ؟؟
سلمي : بصراحه الواد زي الفل ميتعيبش ف حاجه
محمود : تمام وانتي يا نانسي، رأيك أيه في تامر ؟؟
نانسي : ها، اللي تشوفه حضرتك مناسب انا موافقه عليه يا بابا
محمود : طيب علي خيرة الله، مبروك ربنا يتمم بخير
__________
عاد من جديد ليبلغ تامر انه تم الموافقة علي طلبه
تامر : بجد يا عمي انا مش عارف اشكر حضرتك ازاي، ربنا يفرحك زي ما فرحتني
محمود : مبروك يا ابني، مبروك يا حاجه ربنا يفرحك بيه وتشيلي اولاده ان شاء الله
تامر قدم لنانسي الورد و هديته التي فرحت بها وتم الاتفاق علي ان تتم الخطبة في بيت محمود يوم الخميس بعد اسبوع وفي اضيق الحدود ثم استأذنوا في الانصراف
هدير : مبروووووك لوووووولي، لوووووولي مش قولتلك هيوافق، ده انت قمر وألف واحد في الحته يتمناك لبنته، مبروك يا حبيبي
__________
مر الاسبوع سريعاً وتمت خطبة نانسي وتامر وسط فرحه وسعادة من الجميع واخيراً بدأت الخطوة الاولي في تحقيق حلمهم في ان يستكملوا ما قد بدأوه من رحلتهم في طريق الحب
سريعاً تمر الايام وينتهي كل من تامر ونانسي من امتحانات الترم الاول ..
انه صباح يوم جديد واذا بتامر يقف في شرفته ويصدر صفير الكروان فتخرج محبوبته فيحادثها ويشير لها بأن تبدل ملابسها سريعاً لكي يتوجهوا معاً ليختاروا أثاث بيت الزوجية
نانسي : تشير له بيدها عشر دقايق وهكون جاهزة
خرجوا معاً واختاروا معاً فرشهم الجديد، وطبعاً المحبوب لن يضيع فرصه وجود محبوبته معه فقد جعلها في تلك الايام لا تريد ان تعود لبيتها من جديد ولكنها تريد البقاء معه وحده، هو من امتلك قلبها وعقلها
مرت الايام، تامر في زياره لبيت نانسي ولكنه حزين
محمود : مالك يا ابني في حاجه مزعلاك ؟؟
تامر : والله يا عمي مش هخبي عليك، الفلوس قصرت معايا ومش هقدر اعمل فرح لنانسي والموضوع ده مضايقني جدا، دي ليلة العمر ومش هتتكرر تاني
محمود : متضايقش نفسك وعادي مش مهم الفرح يا حبيبي، المهم الفرحة انك هتآخدها بيتك
تامر : عندك حق يا عمي، دي فرحة عمري بس كان نفسي افرحها زي كل البنات، يالا عموما الحمد لله ربنا مقدر كده ولا اعتراض علي حكمه
__________
مرت الايام وانتهت نانسي مع اخواتها ووالدتها وامينه وهدير من ترتيب عش الزوجية، انها ليله زفاف تامر ونانسي
تامر امام مصفف الشعر ينتظر نانسي حتي تنتهي، وبعد دقائق اخرجها والدها ليسلمها له واستقلوا السيارة ظناً من نانسي واسرتها انهم سيتوجهون لبيت الزوجية مباشرة وفي اثناء الطريق واذا بتامر يخرج من جيبه شريط ستان ابيض كبير وعريض واغلق به اعين نانسي التي تساءلت
- انت بتعمل أيه بس هتبوظ المكياچ اللي دفعنا في أد كده
- متخافيش مفيش حاجه هتبوظ
__________
في السيارة التي يستقلها محمود واسرته
سلمي متسائلة: هو احنا رايحين فين، مش هنرجع البيت ؟؟
محمود : والله انا مش فاهم اي حاجه، خلينا ماشيين وراهم اما نشوف هيروحوا فين
________
وبعد عدة دقائق، توقفت السيارة التي تستقل العروسين امام مرسي للسفن وتوقفت خلفهم باقي السيارات وطلب تامر من نانسي ان تنزل بهدوء فساعدها ورفع الغطاء من فوق عينيها واذا بها تقف امام سفينة جميلة مزينة بالأضواء وبدأت الفرقة الموسيقية تدق فرحاً باستقبال العروسين والجميع فرحين واطلقت الزغاريد
دمعت اعين نانسي فرحاً بتلك المفاجأة ودخل العروسين للسفينة حيث المكان المخصص للعرس وبدأت في اصحابتهم في وقت جميل في النيل
وبدأوا معاً افتتاح حفلتهم بالرقص علي الموسيقي الهادئة وبعد ان انتهوا، طلب تامر من نانسي ان تغني له لكي يحتفظوا معاً بتلك الذكري الجميلة فوافقت بعد إلحاح منه فطلبت من الفرقة الموسيقية ان تصاحبها في الغناء وغنت له
أَنا بِعِشْقهُ لَلَدُنِيّا ايوه هقولها أَنا مُتَفائِلَة بِيه
دِي فَرْحَة الدُنْيا وَما فِيها جاتلي فِيهِ
وَبِدْعِي رُبّنا كُلّ يَوْم يُخَلِّينِي لَيّهُ
أَنا بِعِشْقهُ بِكَوْن ضَعِيفَة بِشَوْفَة أَنا بستقوى بِيه
ده حَدَّ مَن نُوَعّ اللَيّ مَرَّة بِتَلاقِيهُ
أَنا حَبَّة نَفَسِي تطول ما هيا مُلْك لَيّهُ
مَلَّكَنِي بِكُلّ إِحْساسَيْ فاكرني تُمِلِّي مِشّ ناسِي
بَقّا لُيَ هُوَ ده ناسِي مليش بُعْدَيْهُ
ڤِي وَقَتَّ ما يجي إِدامِي بتبدأ كُلّ أَحْلامِي
وَتَحْضُن صَوَّرتَهُ أَيّامِي بِمَوْت أَنا فِيهِ
أَنا بِعِشْقهُ معرفش لَمّا بِقابِلَة يَوْمها أَنا بِبَقِّى مَيْن
بياخدني مَن رُوحِيّ وَحَياَتَيَ بِكَلِمَتَيْنِ
ده اللَيّ زِيّهُ نَفَسِي أَعْرِف راحوا فَيِن
مَلَّكَنِي بِكُلّ إِحْساسَيْ فاكرني تُمِلِّي مِشّ ناسِي
بَقّا لُيَ هُوَ ده ناسِي مليش بُعْدَيْهُ
في وَقَتَّ ما يجي إِدامِي
بتبدأ كُلّ أَحْلامِي وَتَحْضُن صَوَّرتَهُ أَيّامِي بِمَوْت أَنا فِييييييهِ٠
احتضنها تامر ودار بيها وصفق الحضور وانتهت الليلة وتوجه العروسين لعشهم الجديد حيث السعادة التي تغمر وجوههم وقلوبهم
تامر: الحمد لله ربنا استجاب دعائي وجمعني بيكي في بيت واخد، وعهد عليا قدام ربنا مش هخلي غير السعادة هي اللي تعرف طريق قلبك طول ما انا عايش علي وش الدنيا
نانسي : سعادتي بدأت من يوم ما عرفتك وسكنت قلبي، وجودك جنبي ومعايا هي دي السعادة وكفاية عليا من الدنيا...
وبكده نكون سطرنا قصه حب جميله بين ابطالنا .. بدأت بالوعد وانتهت ببيت جميل يجمع بينهم
الحب يعني راجل يوفي بوعوده ويكون قد المسئولية، لازم نختار صح علشان نقدر نعيش ونواجه الدنيا بمصاعبها، الحب بيقوي وبيسند صاحبه وبيخليه قادر يواجه ويعدي من كل شيء صعب في الحياه ممكن يتعرضله وده علشان السند الحقيقي، السند الصح موجود جنبا
انتهت قصتنا ويارب تكون عجبتكم ومنتظره تعليقاتكم ورأيكم في الرواية كلها كما اعتدت من الجميع .. ياريت الناس الجميلة اللي بتقرأ في صمت يقولولي رأيهم لان رأيكم مهم جدا بالنسبالي
دمتم في سعاده ورزقكم الله فرحة تغمر قلوبكم
اتمني المتابعة علي صفحتي قصص وروايات بقلم نورسين
لو عجبتكم روايتي انتظروني قريباً في كل ما هو جديد بإذن الله تعالي
دمتم في امان 😍😍❤
#تمت
