الفصل التاسع
*** فلاش باك ***
من اسبوعين اتصل زين بمحمود والد نغم وطلب منه مقابله بعيداً عن المنزل
اتفق معه محمود ان يقابله في مكتبه في العمل حتي يستطيعوا الكلام باريحية
وفي اليوم التالي تمت مقابلة زين و محمود وتحدثوا معاً بخصوص نغم وحكي زين له عن كل حياته وكل ظروفه ثم تقدم لخطبة نغم من محمود وكان رده انه سيفكر ويعرض عليها الامر ثم يعود ويبلغه الرد وما كان من زين الإ أن رفض أن يبلغها محمود بذلك الخبر فهو يريد أن تكون مفاجأة لها وتتم الخطبة يوم زفاف نورهان، فوافق محمود علي الفكرة وقال له سوف أفكر وسأبلغك الرد قريباً
انهي محمود المقابلة مع زين وبعد انتهاء الوقت المحدد للعمل عاد لبيته وبعد أن تناول طعام الغداء مع الأسرة ثم انفرد بسلمي في غرفتهم ليتحدث إليها فقال: انتى فاكره امبارح لما دخلتي عليا قولتيلي انت بتكلم نفسك؟؟
- اه وانت قولتلي وقتها الشغل
- بصراحه هو مش الشغل ولا حاجه، ده كان موضوع تاني
- طيب في إيه قلقتني؟؟
- لأ خير مفيش قلق ولا حاجه، في واحد من زملاء نغم اتصل بيا وقابلني النهارده في الشغل وشرح ليا كل الظروف وطلب انه يتجوزها و انا قولتله أفكر وهرد عليك ان شاء الله... بس خلي بالك هو مش عاوزها تعرف لو وافقنا عليه لأنه عاوز يعملها مفاجأة ويقدم لها الشبكة يوم فرح نورهان
- طيب وانت رأيك إيه في الموضوع ؟؟
- انا مش شايف ان الولد في اي حاجه تخلينا نرفضه، انا من بكره هسأل عليه ولو اتأكدت من كلامه هطلب مقابله والده علشان نتفق علي كل حاجه وانتي بلاش تتكلمي في أي حاجه لأي حد ده طلب الولد انه نفسه يشوفها فرحانه، ودي حاجة من الحاجات اللي مفرحاني أنا شخصيـًا أنه لسه بيطلب ايدها وعاوز يفرحها ويشوفها سعيدة، دليل انه بيحبها ومش ممكن هتهون عليه في يوم من الأيام
- خلاص ماشي انا مش هتكلم وبعدين طالما عاوز يعملها مفاجأة يبقا هما عارفين بعض كويس ويمكن بيحبوا بعض من زمان كمان .. هيييييح فكروني بأيام زمان والذي مضي لما كنت بفضل واقفه بالساعات ورا الشباك ف عز البرد علشان استناك اما ترجع واطمن عليك ومكنتش بنام غير اما اشوفك وإلا بقا لما روحت الجيش عدت عليا ايام ما يعلم بيها غير اللي خالقها، ايام كلها قلق وتوتر وقلة نوم، ياله المهم انك ف الآخر جيت وخطبتني واتجوزنا والحمد لله هنجوز بناتنا اللي بيعيدوا نفس قصة حبنا، بحمد ربنا علي كل دقيقه بعيشها معاك
- الحمد لله علي كل حال، ربنا يديم علينا الهدوء والاستقرار ونفرح بالبنات، ويبارك لي فيكي وفي قلبك اللي بيحبني ده يا أم البنات
انهوا حديثهم وتوجهت سلمي للمطهي اما محمود فألتقط الجريدة ليتصفح ما بها من اخبار جديدة
وبعد ثلاث أيام من البحث تأكد محمود من أن كل كلام زين مضبوط، اتصل وابلغه رده بالموافقة وانه لابد من مقابله مع والده ليتفقوا علي كل شيء وقد كان...
بعد يومين تقابلوا جميعهم واتفقوا علي اتمام الخطبة يوم زفاف نورهان ومازن
عودة للواقع...
نغم دمعت عيناها ثم ضحكت وأومأت برأسها فأقترب منها زين وألبسها خاتم الخطبة وقبّل جبينها وصفق الجميع وعلت الفرحة والابتسامة وجوههم وعج صوت الموسيقي من جديد لتملأ المكان وتراقصوا علي كلمات
صدقيني لما اقول .. ان النهارده بدأت اعيش
والي فات من عمري قبلك كان مفيش
ياللى اسمك ايوه مكتوب فوق جبيني
صدقيني لما اقول... ان الليلة دي عليا عيد
حاسس اني ف دنيا تانية ويوم جديد
اتولدت لما انتى حبتيني
اقترب تامر من نانسي وهمس لها
- ما تيجي اخطبك انا كمان دلوقت من بابا عشان ترقصي معايا
ضحكت نانسي قائله: إيه ده، هو انت عاوز تخطبني عشان ترقص بس مش عشان بتحبني
- لا مش بحب انا دلوقت انا عاوز ارقص معاكي
- طيب امشي بقا انا مش برقص مع حد، انت وحش وانا زعلانه منك، كفاية عليك تتفرج وخليك فاكر كمان في الفرح مش هرقص معاك
وتستكمل الموسيقي...
كنتي فين من زمان .. كنت عايش ليه ف مكان
انتى مش موجودة فيه
كنت شايفك بس فين .. عشت مستني ف سنين
صوتك الى اصحي عليه
كنت خايف بس شايف ... حبي ليك دايما بيكبر
برجع اتطمن وعارف عمري .. ما ابقي معاكي بخسر
كنت شايفك بس فين .. حلم عمرو ما كان بسيط
ولما بصحي بقول ياريت .. يبقي ليا وليكي بيت
دا الى كان مرسوم ف بالي ..
انك تبقي ف يوم حلالي
وعند انتهاء الأغنية احتضن مازن نورهان ورفعها ودار بها فتعالت الصيحات وصفق الجميع فرحاً بسعادتهم... امسك زين يد نغم وقبلها
اقترب تامر من نانسي وهمس لها قائلاً:
- عقبالنا يا قمر، عقبال اما اشيلك ف عيوني مش تبقي جوا حضني بس، وهمس لها .. بحبااااااك
لمعت عين نانسي فرحاً بما سمعته وشعرت به من حب تامر لها
انتهي حفل الزفاف و توجه العروسين مازن ونورهان لقضاء شهر العسل في الغردقة
اما باقي افراد الأسرة فعادوا لبيوتهم داعين لهم بالسعادة والهناء والاستقرار...
عند وصل اسرة محمود للبيت .. دخلت نيره غرفة نورهان وجلست علي فراشها ونزلت دموعها، فاقتربت منها نانسي تحتضنها وتسأل ما يبكيها
فأجابتها قائله: مفيش حاجه انا بس زعلانه ان نور مشيت، اصلها وحشتني اوي
- متزعليش حبيبتي، هي هتيجي تاني وهتزورنا كتير وتبات معانا كمان بس هي دلوقت فرحانه وسعيدة... واردفت ضاحكة ادعيلها انها تفضل فرحانه علي طول وربنا يرزقها بنونو قريب علشان نلعب بيه
ضحكت نيره قائله: اه والنبي يااارب تجيب نونو بسرعه علشان نلعب بيه، في تلك الأثناء دلفت نغم للغرفة والسعادة تكاد ان تقفز من عينيها قائله:
- انا مش فاهمه حاجه، هو انا فعلا اتخطبت لزين وهنتجوز ولا انا بحلم
- لا يا ستي مش بتحلمي، انتى فعلا اتخطبتي لزين حبيب القلب، وكانت الليلة جميلة اوووووي، اوعدني يارب هيييييح
ضحكت نيره قائله: ايون اتجوزوا بقا كلكم وسيبوني زي قرد قطع كده لوحدي مع ماما والمنفضة واكتب قصه حياة نيره والمنفضة
ضحكت نانسي قائله: ده انتى مصيبه، قومي بقا غيري فستانك ونامي بدال ما ماما تجيب المنفضة بجد وتكتبي اول فصل في روايتك النهارده
- لا و علي إيه هروح بالأدب احسن، يالا تصبحون علي خير
نانسي ونغم : وانتي من اهل الخير
قالت نانسي ممازحة: هو انتى هتفضلي متنحه كدهون كتير أنغووووم
ضحكت نغم قائله: الصراحة مش مصدقه، انا كنت معاه لحد اول امبارح ومش قالي حاجه ومش عارفه هو عمل إيه بالظبط
- روحي اتصلي بيه وحبوا ف بعض شويه واسأليه عمل إيه... بس كده بسيطة
- عندك حق والله، هروح
تناولت هاتفها واتصلت بزين فخرجت نانسي وتوجهت لغرفتها لتبدل ملابسها و اذا بها تسمع صوت الاغاني يتخلل غرفتها من خلف النافذة
واذا بهاتفها يعلن عن استقبال رسالتين، أسرعت لتفتحهم لتجد تامر قد ارسل لها رسالة فحواها "حملي دي واسمعيها معايا"
في قلبي مكان مكنش بيوصله انسان
لأنه أمان، مكنش بيدي حد أمان
فتحته انا ليك، دخلته انت وقفلت عليك
بقى ملكك، ولا قبلك ولا بعديك
خليني معاك، دانا راحة قلبي معك
هو اللي يحس هواك في ايه بعده يكفيه؟
من بين الناس انا عشت معاك احساس
بعد مجربته خلاص، مقدرش أعيش غير بيه
بحس معاك حاجات مش حلوة الا معاك
بطعم هواك، جميلة وطالعة من جواك
ترد الروح، تنسي قلبي أي جروح
انا ملكك واديني قلتها بوضوح
خليني معاك، دانا راحة قلبي معك
هو اللي يحس هواك في ايه بعده يكفيه؟
من بين الناس انا عشت معاك احساس
بعد مجربته خلاص، مقدرش أعيش غير بيه
عاشت نانسي اجمل لحظات الحب وهي تستمتع بكلمات الأغنية وكأن حبيبها هو من يهمس بها وبعد ان انتهت، علا رنين هاتفها واذا بتامر يتصل بها قائله:
- ألو، كلمة وحشتيني بقت قليله اوي علي الاحساس اللي بقيت حسه دلوقت، وانتي معايا وقدامي في الفرح مكنتش عاوز حد يشوفك غيري كان نفسي اخبيكي جوايا و اقول لكل الناس دي بتاعتي انا، حبيبتي انا وبس، لأول مرة احس اني غيران عليكي حتي من نظرات الناس، مكنتش عاوز الفرح يخلص علشان مسبكيش
دمعت عيناها فرحـًا وشعرت كأن قلبها يتراقص من سعادته فقالت: إيه الكلام الحلو ده كله؟؟
الظاهر الفرح عمل مفعول معاك يا حبي
- فرح إيه، انتى جننتينااااااي، مبقتش قادر خلاص لازم اخطفك
ضحكت نانسي ممازحة له واردفت طيب ياله شد حيلك، انا جاهزة امتي وفين والساعة كام، هتلاقينى مستنياك أعثل
- تعرفي انا اول لما اخلص امتحاناتي هاجي اخطبك علي طول ومش هستني وهقول لعمي فاضلي سنه دراسة وأشتغل فيها جنب الجامعة وهجهز الشقة علشان نتجوز اول لما اخلص... انا بقيت مرعوب حد يآخدك مني، بس ربنا يسهل بقا وعمي يوافق.
- متخافش انا مستنياك ومش هوافق علي غيرك
وان شاء الله بابا يوافق، ما هو وافق علي زين ولسه فاضله باقي الترم التاني
- يااارب يعدي الترم علي خير بعد اللي شوفته في الفرح ومحدش يتقدملك
- ان شاء الله يعدي، ياله بقا ننام علشان انا هلكانه من الوقفة مع نورهان طول اليوم، اول لما تصحا ابعتلي وانا هخرج اشوفك
- ماشي يا قلبي، حاضر، يالا تصبحي علي خير وسعادة
اغلقت نانسي هاتفها بعد ان انهت المكالمة وبدلت ملابسها واستلقت علي فراشها وذهبت في ثبات عميق مع احلامها
#يتبع
