بحلم اكون
بسمه جوا العيون
بحلم اكون
فرحة تلف الكون
تمسح دمعه
تمسح الحزن
اللى فى القلوب مسكون
بحلم اكون صوت عالى
يشق قلب السكون
سوط على الظالم
مين ما يكون
ورحمة
على كل مظلوم ومحزون
بحلم اكون سيف العدل
فارض اصبحت فيها
السيادة للى يخون
ويبيع ويبيع
الارض والعرض
ويبع كل شئ مهما يكون
بحلم اكون
ايد تتمد لكل اللى عايز يكون
واللى عايز يحقق حلمه
بين اهله
من غير ما يتقال عليه مجنون
اه نسيت ده الحلم كمان ممنوع
لا سلام ولا كلام
ولا حتى نفس يكون مسموع
لا الاسياد يزعلوا
وساعتها انت واحلامك تكون مدفون
حى ولا ميت بتتساوا
الحقايق ويا الظنون
خلاص ياعم نسيت
يا نعل اتلبس
فى رجل الاسياد من زمن
ولا ده ويا دمك فى العروق والشريان
ومن كتر الخوف ايا كان
نسى زمان
انه كان حلمه فيوم انه يكون
بس انا لسه بحلم
فيوم اكون
ولا يوم هتنازل يوم
عن حلمى انى اكون
حتى لو قالوا على مجنون
مش هكون جبان
حتى لو تحت التراب مدفون
هحلم اكون
مهما كان جبل الخوف
اللى بيه كل القلوب مسكون
ومهما كانت القيود والسدود
حلمى هيعدى كل الحدود
ويلف الكون
ويصرخ باعلى صوت
بحلم اكون
وبأذن الله هكون
