لوحده كالعادة
صديقه قلمه
و قهوته سادة
مشارك المه
و عايش مونس وحدته بالقهوة
ستين قهوة سادة في اليوم
شارد الفكر
غايب النوم
فاقد الحبر
عايش مهموم
مليون علامة استفهام؟
غريب مُصر علي الكتمان
و السؤال مالك شكلك تعبان ؟
يا صديقي لونك بهتان
مالك كدا تعبت من الدخان
قولتلك يا صاحبي من زمان
كلهم هيطيروا زي الاحلام
مفيش حد حبك
بس انت من جهلك
سبت اللي يستاهلك
و بعدت شكلك خبت
كنت حتي حزين في الحلم
يا صديقي مُر الجولة زي السم
حالك معدش يهم
يا حزين انت شربت السم ...!
و وصفت حالك القهوة
نجحت تطلع سادة
طفلة حبيتك بزيادة
صديقة احزان
مفيش غير الشعر تشكي ليه همك
السم في الكتمان
و أنت يا حزين صغير سنك
نولت الهم و الشُرب سمك
