وبعد سنين أهوه راجع
وفاكر فيه غرام باقي
لقاك بس اللي بقى واجع
وماتت فيا أشواقي
متسألنيش عن إللي كان
وتستغرب لأحوالي
وتسأل ليه غرامك هان
وإيه بدل كده لحالي
سنين الفرقة كات قادرة
وكانت قاسية بمرارة
وعلى قد ما أنا فاكرة
عشت فدنيا غدارة
بقى المفروض أقول حاضر
مالو هأرفض ماليش حامي
ما حد عمللي يوم خاطر
وكان الحل قدامي
أخطي لكل شيء بقى حمل
عشان أقدر على الخطوة
وكان قلبي لحمله مل
وكان للدنيا دي السطوة
وسلم قلبي مفتاحه
بضعف وكسرة وإستسلام
وعاش زاهد مع جراحه
لحد ما جيت وقلبك لام
وبعد سنين أهوه راجع
وفاكر فيه غرام باقي
لقاك بس اللي بقى واجع
وماتت فيا أشواقي
