لسه الكراسي باقية بتجمعنا
لسه صحاب مهما الوقت سارقنا
لسه مكملين مهما كترة اوجاعنا
أنت اللي هفضل اتسند عليه
طول العمر
واحملك المُر وتكمل
لسه هجمل معاك كل الصور
وانا عارفك جبل
مهما الحمل ذاد حمل
وجمل و كمل
انت معلم روحي الإخلاص
خليك معايا
عشان فقدت كل الناس
يا صاحبي معايا علي الحلوه والمرة
مهما الهم ذاد هنفضل نقسم اللقمة
يا صاحبي الوجع دواه جدع
يحمل في الشدة و يشيل مفيش بديل
غير انك تعرف صحبة صالحة
و حامدة الخلاق
الدنيا ارزاق
ناس تعرفها تمشي
و ناس انساها نفسي
محدش عرف يحمل
الكل سابك و كمل
ناس بالمال تكسب
و ناس خسرتها مكسب
و الباقي كله هيكون تمام
عافر و اصنع من تاني احلام
هتكون تمام ......
أسند كتفك عليا يا صاحبي و قوم
اعرف حلمك معايا ملوش لزوم النوم
انسى وجعك انا جنبك وحاسك مهموم
أرمى حزنك اللي متابعك وتعال نفوق
انت حضني الدافي في ليالي البرد
انت اللي في الشده سد
انت الامان والادمان
تزعل لما تشوفني سرحان
محدش غيرك اصلا
شوفت في عينه امان
انت كل معاني الاحسان
انت الإنسان الصادق
والعارف والناضج
معاك بس بكون عارف
اني لو نسيت بفتكر
واني لو حبيت بتستر
واني لو ضعفت بقوى
واني لو حزنت بفرح
انت اصلا مطرح
افراح واغاني
في وجودك
اقدر ارجع تاني
ولا حد يكون مكاني
و صعب اني يوم اعاني
انت بستاني .
#محمدصابر✍️✨
#قصيدة_صاحبي
#عازف_الكلمات_للنشر_الإلكتروني
