رسالة لكل بنوته
بقلم نورسين محمد
رسالة لكل بنوته بتحب ف حجاتها
لصاحبة القلب البرئ اللي الهدوء مجمل حياتها
للبنت اللي بتعشق الالوان
والعروسه الصغيرة ام كذا فستان
للصديقة اللي تصاحب عصافير الربيع
وتتغزل ف محاسنها بكلامها البديع
للبنت اللي عنوانها الوفا مش البيع
للجميلة اللي بتوزع حنية عل الجميع
جمالك سر من اسرار الكون
زي اللؤلؤة في القوقع مكنون
بتداريه برسمة مكياچك وسر الفنون
كل اللي يشوفك عاشق ومجنون
للبنوته اللي قلبها مليان بالخير
تنكسر وتداري دموعها عن الغير
وتنزل منها وقت الليل
نهارها تحوله لضحكة
تفرَّح الصحبه واللمة
للبنت اللي ف قلبها شرخ بجد
وبتداري وجعها عن مليون حد
للبنت اللي بتحسب وجعها باليوم
وف كل مره بتنكسر وبتتسند و تقوم
للي عيونها تبوح لو ف لحظة حُب
وبتعشق لعبة الباندا اللي شبة الدُب
للعصفوره اللي طايرة
افكارها مُلهمة لو حايرة
يا نقطه بترسم الدايرة
تجمع فراشاتها اللي طايرة
يا نون النسون والضمة
يا سينفونيه بتهوڤن السابعة
يا ام العيون والنظرة البريئة
اللي بتصفا ذي البحر ف دقيقة
للبنت اللي بتعرف معني الخوف
وبتسمع للكل وتقدر ظروف
للجميلة اللي سكوتها مخيف
وبتعرف تداري صراعها العنيف
رسالتي ليكي انك أساس الدنيا
مهما اتكسرتي الكل بيكي بيستقوي
كوني كما انتي جميلة الجميلات
وبإيدك داوي الجروح و نسّي اللي فات
فأنتي كنتي وهتفضلي جميلة الجميلات
#نوري
