كتب بهجت الشريف حروف فى عشق مصر
ما احلاك يا بلادى
وما احل كل ما فيك
وما احل واديك ونيلك
وشمسك وقمرك
وليلك وسهرك
و شتاكى وربيعك
وخريفك وصيفك
ما احل سهرايا فحسينك
ولمة الحبايب ساعة العصارى
تحت شجرك
او فى حضنك ليلك
محلاك يا بلادى
محل ارضك وسماك
محلاك يا بلادى
وانا على الربابة بغنيلك
والمزما والسمسمية
واولادك قناديلك
وانا
انا بغنى للحبايب مواويلك
واحكى واقول
واتغنى بشجاعتك وصبرك
وبتغنى بنصرك
واواادك وعفة بناتك وشرفك
اه يا بلادى
اه يا بلادى بحبك
ولو شفتى دمى
هتلقيه من نيلك
احكى على ايه ولا ايه يا مصر
وانا عاشق ترابك
ومتربى فخيرك
احكى على اللى فاتت
وامجاد زمان
على هرمك ومجدك
ولا عدوك اللى ادفن فارضك
احكى على صوت جرس كنايسك
بيحضن صوت اذانك
ولا اولادك الشقيانين العرقانين
اللى بيروا بداهم ترابك
وسهرانين بيسبحوا ربك
وبيحمدوا ربهم اللى خلقك
جنته فى أرضه سبحانه
بسهلك وجبالك
صحاريك ووديانك
واهلك ونيلك
والله بعشقك يا بلادى
وكل كلام العشق ما يكفيك
ولا يوفيك مجدك وتاريخك
ولا حتى خيرك
وكل البشر يا بلادى محبينك
حتى اللى بيحسدوك
بيحبوك
وبيحبوا ترابك ونيلك
وبعشقو غناويك ومواويلك
بحبك يا مصر
وطول عمرى هغنيلك
هغنيلك
ليست هناك تعليقات