رواية حنين - بقلم نورسين محمد
الفصل السابع
عودة الواقع...
تنبه ادهم لما تشاور عليه حنين فوجد بندق يقترب منه ليسلم عليه، فقد اشتاق لرؤية صديقه الذي غاب عنه لمدة أيام.
ادهم : متخافيش ده بندق الكلب بتاعي، تلاجيه اشتاقلي بس من يومين مرمجتهوش، بندق انزل علي تحت واشار إليه، اطاع الكلب أوامره وخرج ليعود مكانه من جديد لينتظر صاحبه.
خرج كل من في الغرفة، ابتعدت حنين عنه، جرحها بكلماته بتخافي قوي يا بت عمي اومال ما خوفتيش ليه جبل سابق، عموماً الكلاب أوفي كَتير قوي من البني ادمين وبيحسوا بالناس اللي بتحبهم بسرعة علي رغم انه معندوش عقل يفكر بيه، بس بيحس ودي كفاية قوي، إنه يحس، فاهمه يا بت عمي، يحس...
تركها لأحزانها ودموعها التي سيطرت عليها ولم تستطيع هي أن تسيطر عليها وتمنعها من النزول، تركها لآلامها ورحل ..
ارتمت علي فراشها تزداد في البكاء، دخل عليها قسمه لتجدها بهذا الوضع، اقتربت منها تربت علي ظهرها متسائلة: ليه كل الدموع ديه يا بت عمي، والله حرام عليكي العيون الحلوة دي تتعب من الدموع، ياله قومي غيري خلجاتك وألبسي عبايتك واتزيني بدهباتك، حريمات البلد چايين بعد شوي يشوفوا العروسة ويباركوا ويهنوا، قومي قومي، بكره تآخدي على عاداتنا وتقاليدنا، تعالي انا هساعدك.
تساعدها قسمه وتزينها وتصفف لها شعرها بحبات اللؤلؤ الصغير وتجملها بالذهب الذي يغطي صدرها وذراعيها
وتنزل معها ولكن حنين قصيره القامه ترفع ذيل عبايتها البيضاء حتي تستطيع التحرك دون أن يلتف ذيل عباءتها حول قدميها وتسقط أرضا...
يلمحها أدهم اثناء نزولها من أعلي المصعد وهي تتبختر وكأنها البدر في ليل التمام، يتعلق بها قلبه وتتسارع دقاته، فبعد أن أصبحت ملكه لا يستطيع أن يقترب منها، ما كل هذا الاحتراق الذي بداخله يتنهد بوجع ويحاول أن يُخفيه، اجتمع كل أفراد الأسرة علي مائدة الافطار كل منهم بجوار زوجته لا يوجد سوي كرسي واحد فارغ بجوار حنين.
أثناء تناولهم الطعام دخلت عليهم جميله بعباءتها المطرزة اللامعة وذهبها الذي لا تستطيع أن ترفع ذراعها من كثرته
جميله باحتراق : مبروك يا واد عمي، مبروك يا عروسة
عبد الكريم : تعالي يا بتي اقعدي افطوري معانا.
جميله : لاه يا عمي آني فطرت من بدري، الحمد لله، بس هقعد چار العروسة
واذا بها تضع قدمها علي طرف عباءة حنين.
بعد قليل هبت حنين واقفه تستأذن لتصعد لغرفتها ليسألها
عبد الكريم : علي فين يا بتي كملي وكلك، لسه بدري
حنين بأسي وابتسامه حزينة : شبعت يا عمي الحمد لله هطلع فوق.
تحركت بعيد عن المائدة لتجد نفسها تسقط علي الارض وتنجرح ركبتها، ينخلع قلب أدهم عليها ويسرع لمساندتها
جميله باستهزاء: اسم الله عليكي يا عروسة هه مش تآخدي بالك، المرة الچايه ألبسي حاچه من لبس المصراوية، بلاش لبس الصعيد ألا تقعي وتتكفي على وشك وتتعوري قدام الخلق ويبقي شكلك عفش.
يتنبه ادهم لطرف العباءة ليجدها تحت قدم جميله
وبعصبيه يرفع صوته : انتي مشيفاشي انتي دايسه على إيه، ارفعي رچلك دي
عامر : بالراحة يا ادهم يا خوي، هتزعق فيها اكده ليه؟
اكيد متقصدشي، ليردف بعدما توجه لجميله: متزعليش يا بت عمي حوصل خير، حقك عليَّ، امسحيها فيا آني.
توجهت حنين لغرفتها لتبدل عباءتها لتلحق بها منى متحدثة إليها متسائلة :
- بتعيطي ليه مش انتي اللي عملتي كده ف نفسك، لو مكنتيش غلطتي من الاول مكنش بقا ده حالك.
بكت حنين : يا ماما حرام عليكي بقي، حتى انتي كمان مصدقة أني ممكن أعمل كده.
واذا بقسمه تدخل عليهم فتسكت حنين وتلوح منى لها بيدها انها لا تريد أن تسمع منها شيء وتركهم لتعود غرفتها
قسمه : متزعليشي، اتصابتي يا بت عمي، تعالي انضفلك الچرح وغيري عبايتك دي، اتقطعت ياله فداكي نچيبوا غيرها اتنين وتلاته وعشرة ولا يهمك من شي.
حنين : هروح أغير في الحمام وأغسل الجرح وجايه حالا
قسمه : هستناكي هنيه، يا قلب أختك، على مهلك، أوعي تقعي تاني، بالراحة على حالك.
حنين : حاضر.
تركتها حنين ودخلت تنظف الجرح وتوجهت قسمه للنافذة حيث النافورة وفجأه صرخت توجي، بتي.
هلعت بالخروج من الغرفة، نزلت تطوي خطوات المصعد بسرعة متوجهه نحو الحديقة ومن خلفها حنين تلحق بها مرتديه بلوزه ضيقه بنصف كم وبنطلون چينز وهي تكشف عن احد قدميها ليظهر منها جرحها ينزف على ساقها واذا بالحارس يحمل تقي ويسلمها لقسمه
** فلاش باك **
عندما سمعتهم تقى يتشاجرون ورأت والدتها تتوجه لتطمئن علي حنين، تسحبت بهدوء وخرجت لتلعب في الحديقة بجوار النافورة بمفردها دون أن يراها أو يشعر بها أحد، في لحظة غياب الحارس عن مكانه.
جرت تلعب حول المبني الدائري للنافورة حيث المياه التي تسقط منها، فرحة بالمنظر واذا بها تتعرقل قدمها وتسقط ولكن للأسف سقطت داخل الحوض الدائري وسط المياه ولمحتها قسمه من أعلي فصرخت خوفـًا عليها من أن يصيبها اذى.
عودة للواقع
عبد الكريم يتوجه للحارس بالكلام والمعاتبة: انت كنت فين يا محروس، وليه سايب مكانك، آني مش قولت مليون مرة متمشيش من مكانك ديه.
الحارس : والله يا حاچ انا غيبت بس دقيقتين كت ف بيت الأدب وآني راچع لمحتها بتوجع چوا المايه والحمد لله يا حاچ جت سليمه، البنيه مفيهاش حاچه.
بدر : خلاص يا عمي، الحمد لله، سليمة، اطلعي غيريلها خلجاتها يا قسمه.
قسمه : حاضر يا واد عمي.
تنبه أدهم لما ترتديه حنين، فاقترب منها يسألها بغضب: أيه اللي منزلك اكده؟
تنظر له حنين بأسي وحزن علي معاملته لها، اتخضيت ونزلت وراها مكنتش اعرف هي بتصرخ ليه.
ادهم : اطلعي وغيري خلجاتك وانا هشيع أچيبلك دوا للچرح ديه.
حنين نظرت للأرض : حاضر
ثم توجهت لغرفتها مرة اخري
__________
بعد ان اطمئن الجميع على تقى، خرج بدر ليجلس بمفرده في الحديقة، يلاحظه صديقه منصور فيلحق به
منصور : مالك يا خوي، ليه شكلك مهموم طول اليوم اكده؟
بدر : ينظر له بأسي، لاه مفيش حاچه.
منصور : وااه، هتخبي على من ميتى بقا؟
بدر: چميلة ممبطلاش مشاكل وسايقه تنكد عليَّ وعلى قسمه من وقت ما عرفت أن الدَكتورة قالت أن الچنين بت وهي واقفه فوج دماغي، اتچوز، اتچوز، مرتك ما هتچيبش ولاد، وكل يوم والتاني چيبالي عروسة چديدة وعلي يدك النهارده واللي عاملته مع حنين، كنك مواخدش بالك أنها اللي وقعتها متقصده.
منصور : لاه واخد، يا بوي سيبك من رط الحريم ديه، هو انت مش عاوز مرتك وبتحبها.
بدر : ايوه عاوزها وبحبها، بس عاوز اخلص من چميلة، نفسي تتچوز هي كمان لچل ارتاح من زنها كل ساعة والتانية.
منصور : هو مش عامر اتحدت معاك قبل سابج عليها؟
أنت مستني إيه، ما تچوزهاله وأهو مخرجناش برا، البت لواد عمها وخلصنا.
بدر : يا واد عمي ما انت خابر انها رايده أدهم،
منصور : الكلام اتغير خلاص، أدهم اتچوز حنين، وهي أكيد هتوافق علي عامر، أقولك سيبك من الكلام ف الموضوع ديه دلوك وبعد ما يخلص سبوع چوازة أدهم نتكلموا فيه بدر: ماشي يا واد عمي.
________
في المساء من نفس اليوم توجه أدهم لغرفته وعندما اقترب من الباب سمع حنين تغني بصوتها الملائكي، تسمر مكانه حتي يستمتع بصوتها إلى أن تنتهي....
توقفت عن الغناء وانهمرت دموعها، سمعها أدهم ليطرق الباب، دخل ليجدها غارقه بين دموعها
توجه لخزينة ملابسه والتقط جلبابه حتى يبدل ملابسه واذا بحنين تقترب منه، هو احنا ممكن نتكلم شويه مع بعض
ادهم : لو عاوزه تتكلمي في أي حاجه انا مستعد اسمعك إلا انك تفتحي سيرة اللي حوصل
حنين : بس انت لازم تسمعني
ادهم : الحديت ف الموضوع ديه خولص خلاص واللي اتكسر اتكسر خلاص يا بت عمي ومفيش حاچه هتصلحه، آني هغير خلجاتي وهنزل لبندق شوي
انكسرت حنين من زوجها للمرة الثانية بعد أن كسرها والدها.
بدل ادهم ملابسه ونزل لصديقه الوفي
بندق تعال هنه چاري، اتوحشتك كتير.
اقترب منه الكلب يمسح رأسه في يد أدهم ويدور حوله.
ليحتضنه ادهم ويربت علي جسده، اتوحشتك يا صديقي.
وكعادته يمشي للنافورة ويجلس بجوارها ليسمع صوت الماء يجري ليبدأ في إلقاء أبيات اشعاره التي يخرج فيها ما يشعر به من ألم وصديقه الوفي هو الوحيد الذي يسمع أنينه دوما... عندما يتحدث لنفسه فجلس جانبا وجلس بجواره بندق فتحدث إليه هذه المرة قائلا: انت عارف يا بندق أن حنين بتكدب عليّ ودوقتني طعم الهزيمة وكسرة النفس، كل ما اروح لحد عنديها واحس قلبي غلبني... ما يا صديقي مهواش عيب الواحد يحب بس خسارة دايما ابات مغلوب بسببها وقلبي موچوع، كنت زمان أحس وآني واقف قدامها كني كان عندي ذنب كبير وأول ماعيني توقع عليها أني توبت وأقول عمري ما أعمل حاچه غلط لچل ما تكون من حدي ونصيبي لكن دلوقت هيا السبب في الحزن اللي مالي قلبي بس لاه آني مش خيبان وعمري ما هكون أكده واصل واذا هيا كانت فاكره أكده تبقى غلطانه وعمري ما هبكي عليها واصل ولازمن من دلوقت دموعي تچف عليها... صرخ أدهم حزنا عليها صرخة دوت في الفراغ
آاااااه يا قلبي يا موچوع، اتكتب عليك باقي العمر تعيش مقهور وموچوع مع اللي حبيتها طول عمرك واتمنيت تكون في بيتك، وأهي دلوقت ف بيتك لكن مهياش ملكك .... آاااااه
ولميتى يا وچع هتفضل صديق.... اااااااااه...
#يتبع
