الفصل السابع
نانسي: ممكن اسألك سؤال؟؟
تامر: أكيد اتفضلي
- انت كنت مرتبط وبتقول كنتم علي علاقة حب، هل الاحساس اللي بتحسه تجاهي محستهوش قبل كده معاها ؟؟
- تصدقيني لو قولتلك لأ محستهوش علشان كده اما سابتني وفضلت عليا ابن خالتها وقتها بس تأكدت انه مش حب ده كان مجرد اعجاب شويه بالشخصية او بطريقه الكلام والمعاملة وخلاص انتهي بزوال المؤثر زي ما بيقولوا...
- تمام انا معنديش أسأله تاني، كفاية اجابتك علي سؤالي وانا جاوب كمان، انا كمان معجبك بيك ومعنديش مانع اننا نتعرف علي بعض اكتر الاول وبعد كده نآخد قرار بالارتباط، انت لسه قدامك سنتين دراسة
تامر بابتسامه هادئة قائلاً: الحمد لله، ماشي انا موافق ممكن أطلب طلب واحد ؟؟
- أكيد طبعاً، اتفضل
- ممكن آخد رقم التليفون، مش هكلمك الإ اذا لقيت الوقت مناسب
- مممم، ماشي.
كتبت له نانسي رقم هاتفها اردفت قائله:
طيب انا عندي محاضره دلوقت مضطرة استأذن علشان لازم احضر لأن الدكتور بيكتب اسماء الطلبة علشان الدرجات وأشوفك اكيد اما ارجع البيت
- بس ممكن نتفق علي وقت محدد تخرجي فيه البلكونة ولو دقيقه واحده اشوفك واطمئن عليكي او اقولك انا بحب اسمع اغاني بصوت عالي بس جوا الاوضه انا بقا هفتح البلكونة علشان تسمعي الصوت ووقتها تعرفي اني عاوز اشوفك وتحاولي بأي طريقه تخرجي، ها... اتفقنا ؟؟
ضحكت نانسي قائله: أحاول، همشي انا بقا، سلام
تركته وصعدت للمدرج لحضور المحاضرة وقلبها يكاد يخرج من صدرها معلناً للجميع انه يحب وان من يحبه صرح بهذا الحب، بدأت المحاضرة وانتهت من دون أن تسمع أو تفهم شيء مما قاله الدكتور حيث كانت تعيش مع قلبها الذي يدق بحب تامر
عادت لبيتها وتحدثت لرانيا هاتفياً واخبرتها ما حدث
فرحت رانيا مما سمعته وزادت في استفسارها قائله: بجد، يعني قال انه بيحبك؟؟
نانسي ممازحة: انتى عبيطة يا بت، ايوه قال ما انا حكيتلك علي كل حاجه
- ايوه بقا واخيراً حبينا وقلبنا دق، مبروك يا حبي ربنا يوفقكم يارب ويجعله من نصيبك وتعيشي وتتهني معاه، الواد تامر ده اصله جدع وراجل وكل الناس بتحبه وبتتمناله الخير، وعمره ما اتأخر عن اي حد طلب منه اي حاجه وانا نفسي اشوفه سعيد وفرحان الواد بيساند في اي مناسبه حلوه وحشه هو موجود وده أنا أعرفه عنه من وقت ما كبرت ووعيت علي الدنيا، تحسيه راجل يعتمد عليه بيبقا موجود في المناسبة الحلوة والوحشة قبل الناس الكبيرة، شدي حيلك وحافظي عليه انتى بقا، الواد خساره يروح لحد تاني
- ضحكت ممازحة وأردفت: وتبقي تحكيلي علي غراميات الليل وآخره بقا حيث اضواء القمر التي ستشهد علي لحظات حبكم حين تتلألأ اضواءه في السماء المظلمة
ضحكت نانسي علي مزاحها قائله: إيه ده قلبتي شاعره من غير ما اعرف ولا إيه يا بنتي
ضحكت رانيا قائله: هيييييح، الحب، انه الحب يا اختاه الذي يصنع المعجزات ياله سلام أجميييل اشوفك غدا بإذن الله
ضحكت نانسي قائله: سلام أيتها الشاعرة المغمورة وياما في الشعر مغامير، هستناكي بكره
__________
انطوت ساعات النهار ليحل الليل وينشر القمر خيوط النور ويجتمع الأحبة تحت ضياؤه لتخرج نانسي الشرفة حين سمعت الأغنية التي يسري صوتها ليطرب اذنها
تبدأ حكايتي لما كنت بشوف عنيكي
يخلص كلامي لما ايدي بتلمس ايديكي
بسرح بفكر ازاي هوفي وعودي ليكي
تبقي انتى ليا بكل غالي انا مشتريكي
انا كنت راسم صوره لينا احلي كتير
في دنيا تانية كنت ملكه وانا الامير
فستان وبدله بلون كسوفك فرحانين
_________
خرج تامر ليري حبيبته ويروي حنينه إليها بنظرة منها ثم يطفأ الاغاني ويشير إليها بهدوء إنه يريد أن يتصل بها ويسمع صوتها، فتبتسم وتشير له لا ويعاود ويشير لها بتوسل فتوافق وسريعاً يمسك بهاتفه ويتصل بها ويتحدث بشوق: ألو
نانسي بهدوء وصوت منخفض يكاد ان لا يُسمع: ألو
- ازيك ؟؟
- الحمد لله وانت ؟؟
- انا بخير طول ما انتى بخير، صوتك حلو اوي في الفون في دفء غريب وحنيه أول مرة أحسها
ابتسمت نانسي قائله: مممم ميرسي هو انت ليه طفيت الأغنية ؟؟
دي حلوه اووي
ضحك تامر قائلا: انا بحب النصف الاول منها بس لأن الباقي بيتكلم عن الفراق واحنا لسه بنقول يا هادي ربنا إن شاء الله ما يجيب فراق
ضحكت نانسي قائله: مممم قولتلي
- طيب بقول إيه، ما تغني انتى، انا سمعتك يوم فرح هدير وعارف ان صوتك حلو
- ها، اغني انا، لاااا
- طيب ولو قولتلك علشاني انا حتة صغيرة، عاوز اسمع صوتك وهنام علي طول وتبقا آخر حاجة سمعتها
- طيب علشان خاطرك بس حتة صغيرة
- ماشي موافق، يالا سمعيني هتغنيلي إيه
وغنت نانسي
يا اعز و اغلى واطيب قلب
فسر للعالم معنى الحب
وان شاوروا وقالو عليك طيب
خليك هنا من قلبي قريب
وكفايه تكون انسان في زمان
فيه طيبه القلب بتتعيب
يا .. يا طيب
ثم توقفت للحظات وتحدثت قائله: كفاية عليك كده
- لا، لاااا، كملي كملي، وحياتي يا نونه
- هيييييح …
واستكملت
حبيتك انا مع ان الحب اللي جمعنا
مبقاش له مكان زي زمان ابدا ولا معنى
خد قلبي وهات قلبك هاته
يا ابو قلب حياتي بدقاته
الحب ده عقد من الياسمين وقلوب العشاق حباته
والحب ده عمري وغيرك مين يقدر يسعدني باوقاته
صبح اللي يحب في ايامنا طيب وكمان على نياته
ايه يعني يقولو عليك طيب
بس انت تكون مني قريب
يا اعز واغلى واطيب قلب
فسر للعالم معنى الحب
وان شاوروا وقالو عليك طيب
خليك هنا من قلبي قريب
وكفاية تكون انسان في زمان
فيه طيبه القلب بتتعيب... يا طيب
تامر بسعادة غمرت قلبه قائلاً: الللللله الله، الله عليكي، إيه الجمال ده، صوتك حلو وحبك حلو وقلبك اللي بيحبني حلو اوووووي، ربنا يخليكي ليا وعلي فكرة انا لازق متقلقيش مش هبعد عنك ولا عن قلبك
- عندك بكره محاضرات كتير ؟؟
- لأ مش كتير اتنين بس
- آجي اوصلك الصبح ؟؟
- ها، مش عارفه
- يبقا هقابلك الصبح هوصلك وبعد كده أروح الكلية واما ارجع هطمن عليكي، انتى هتنزلي الساعة كام ؟؟
- الساعة تسعة ان شاء الله
- تمام من تمانية ونص هتلاقينى مستنيكي، أول لما تنزلي هنزل وراكي علي طول، زي النهارده كده
ضحكت نانسي قائله: آاااااه، قولتلي بقا زي النهارده، يعني مكنتش صدفه
ضحك تامر قائلاً: لأ طبعاً صدفه، بس صدفه مترتبة
- طيب ياله بقا ننام علشان نقدر نصحى بدري للكلية، اشوفك بخير بكره ان شاء الله، احلام سعيدة، سلام
- من النهارده مش احلامي بس اللي هتبقى سعيدة .. حياتي هي اللي سعيدة وقلبي سعيد علشان اتأكد انك جواه و ان شاء الله تفضلي جواه لحد آخر يوم في عمري، تصبحي علي حبي يا حبي في امان الله
اغلقت نانسي باب الشرفة ودخلت غرفتها لتجد نيره قد غلبها النعاس وذهبت في ثبات عميق فدخلت
واغلقت الباب وبعد دقائق دق الباب وفتحت نغم ودخلت
نغم: قري واعترفي بالحقيقة، كنتي بتعملي إيه في البلكونة لحد دلوقت وشكلك مبسوطة اوي كده ليه، ها .. ها ؟؟
ياله احكي كُلي آذان صاغية أهوه، وأشارت علي اذنها ممازحة
ضحكت نانسي قائله: طيب هحكي... تامر
- مممم قولتيلي، تامر
ضحكت واردفت متسائلة: ماله بقا تامر
- كنت سهرانه مع تامر بصراحه انا كنت معجبه بيه من زمان بس مكنتش متأكدة اذا هو كمان كده ولا لأ بس الحمد لله النهارده اغترف انه معجب بيا من زمان والموضوع قلب معاه بحب
- يا سيدي، يا سيدي علي الحب، مبروك يا حبيبتي، بس انتبهي علشان الجيران لو حد شافك ممكن يقول لبابا او ماما ووقتها مش هيبقى حب لا ده هيقلب حاجه تانية وممكن ماما تزعل مع طنط امينه وتكونوا انتوا سبب الزعل، فلازم تآخدوا بالكم كويس وكمان كلام الناس مش بيرحم، ربنا يستر ومحدش من الجيران يآخد باله لحد أما يتقدم رسمي ويبقي الكل عارف
- ماشي ربنا يسترها، عموما انا مش بكلمه من البلكونة ولا بيشاورلي ولا انا بشاور له، احنا بس بنشوف بعض وخلاص وهنتقابل في الجامعة
- ماشي ربنا يسترها، انا هروح انام وهسيبك تحلمي بسي تاااامر، تصبحي علي خير
- وانتي بخير
#يتبع
