بقلم نورسين محمد
الفصل السادس عشر
وسام : مش عارفة لازم تفكر ف حل قبل ما تيجي تكلم بابا في أي حاجة
مصطفي : طيب ماشي هتكلم مع أبوي وهشوف حل بس هقفل دلوك المحطه قربت وهكلمك تاني ، سلام
وسام : سلام
وصل مصطفي ڨيلا عبد الكريم وأثار ضجه : يا أهل الدار لقد وصل جندي مجند مصطفي عامر عبد الكريم حالاً من كتيبته رقم 343 القااااااهرة
اسرعت إليه همسه وهي تضحك : إيه الدوشة دي يا عم أنت ، أنت هقوم بمظاهره ف البيت ، وعمومـًا تعظيم سلااااام ، تتا تا ترلا لا لا ترلا لا لالم لم لم
ضحك مصطفي : مين اللي هيعمل دوشه دلوك ، بس چدك چاي چدك چاااااي هتودينا ف داهية
أسرع إليه مصطفي يقبل يداه : كيفك يا چدي ، اتوحشتك كتير
عبد الكريم : حمدلله علي سلامتك يا ولدي ، كيفك وكيف احوالك
مصطفي : زين يا چدي ، متقلقش ، أومال فين باقي الچماعه ، يعني كل الدوشة دي والناس نايمة ، هي چدتي فين ؟؟
همسه : فوق ف الاوضة ، تعالي نطلع لها مع بعض ، يمكن تحكيلنا حدوته ذي زمان
مصطفي : والله مچنونة ، حدوتة إيه دي ، بعد اذنك يا چدي هنطلعوا لچدتي ، تعالي وياي آني اللي عندي حدوته كبيرة ومعرفش هتخلص علي ايه بالظبط
همسه : خير يا طير ، احكي ، هو أنت مش كلمت وسام خلاص
مصطفي : كلمتها وقولتلها اني معچب بيها وعاوز آچي اتقدم لها بس أبوها هيرفض عشان هتآچي قنا ومعرفش
إيه الحل دلوك
همسه : يعني الرفض دلوقت عشان هتتنقل قنا ، طيب يبقي لازم نفكر
مصطفي : بس آني معنديش وقت الاچازة صغيرة چدًا ، آني هرچع بكره بالليل
همسه : خلاص الاجازة اللي جايه تتكلم مع عمي عامر وتشوف رأيه إيه ف الموضوع يمكن نكون لقينا حل وتعرضه مرة واحدة
مصطفي : آني بردو بقول أكده أحسن
______________________
سريعـًا مرت الايام وانتهت اجازة مصطفي وعاد لتسليم نفسه مرة أخري للوحدة
دخل أدهم غرفته : حنين مالك في حاچه شاغله تفكيرك
حنين : لا لا حبيبي أنا بخير الحمد لله ، هو انت نازل تاني ولا ايه
ادهم : آه انتي عارفه ليالي رمضان وكل يوم سهرة عند حد من الأصحاب بس مقدرش اعتذر لان دي المرة التالتة اللي اعتذر فيها ، يالا أهو الواحد يغير چو شوية مع رفقاته وبدر چاي وياي
حنين : روح يا حبيبي قضي سهرتك مع أصحابك وإن شاء الله تكون حلوة وترجع مبسوط
ادهم : عاوزه حاچة ، آني هرچع بعد صلاة الفچر
حنين : بالسلامة حبيبي ، لأ مش محتاجه حاجة
________________________
زهيره : بكره أول چمعه في رمضان ، هنروحوا نفطروا عند أخوك عبد الكريم
عبد المجيد : هاه ، بتقولي حاچه ؟؟
زهيره : بقولك بكره الچمعه هنروحوا بيت عبد الكريم ، والله آني معرفاش مالك بقالك فتره كل ما بتقعد لحالك بتشرد ذي اللي عليك ديون وممعاكش تتسددها
عبد المجيد : تُفي من بؤك ، ربنا ميچيبش ديون ، آني بس بفكر ف الموضوع اللي قولتلك عليه ، ومشغول شوي ، عمومـًا هنروحوا بكره مهنقطعش العاده
زهيره : ماشي يا واد عمي ربنا يهدي بالك
_______________________
امضي ادهم سهرته مع الاصدقاء وعاد للبيت وجلس في الحديقة واتصل بحنين
ألو ، صاحيه ولا نايمة يا قلبي ؟؟
حنين : صاحية مستنياك
ادهم : طيب آني تحت ف الچنينه ، انزلي نقعدوا شوي ، آني مش چايلي نوم
حنين بصوت مهموم : حاضر ، هنزل حالاً
أغلقت هاتفها وبدلت ملابسها وأسرعت في النزول
حنين : حمدلله علي سلامتك حبيبي
ادهم : الله يسلمك يا قلبي ، اتوحشتك ، تعالي اقعدي چاري
اقتربت حنين وجلست بجواره
ادهم : مالك ، فيكي إيه مش عارفة تقوليه من كام يوم ؟؟
حنين : انا ، انا .....
ادهم : اتكلمي ومتخافيش من شي طول ما آني چارك
حنين اخذت نفس عميق ثم تحدثت : يوسف رجع تاني وبيهددني بڨيديو وعاوز مليون جنيه علشان يسكت يا اما يأذيك
ادهم : وإيه كمان ؟؟
حنين : هو ده كل اللي حصل وانا شاكة ان الطلقة اللي في الفرح انت كنت مقصود بيها فعلاً
ادهم : تمام ، آني هتصرف ومتقلقيش من شي
تبكي حنين : أنا خايفه عليك أوي يا أدهم
وقف وأوقفها أمامه : انا قولتلك مليووون مرة معوزش أشوف دموعك دي تاني
طول ما آني چارك متخافيش من شي ، ضمها لحضنه حتي تهدأ
من نافذه غرفتها كانت تقف همسه التي ارتسمت علي وجهها ابتسامة : مهما طال بيكم الزمن هتفضلوا تحبوا بعض ويوم عن يوم حبكم بيزيد ، ربنا يرزقني بواحد يحبني ويبقي حنين عليا ذيك كده يا بابا
ادهم : يالا يا قلبي نطلعوا نرتاحوا شوي وانسي الموضوع ديه
_____________________
انها أيام رمضان وكالعادة ڨيلا عبد الكريم تعُج دائمـًا بالزائرين وقت الإفطار ، ليلة تليها ليلة تمر بسهرات الاسرة وضحكاتهم وما من أحد يشعر بالحزن سوي هشام وهو يشاهد مصطفي وهمسه دائمـًا متقاربان إلي أن انتهي رمضان وجاء العيد
جلسوا شباب الاسرة في سهرة يتمازحون وقد إلتفوا جميعهم حول المائدة وسط الحديقة
هشام ينظر شذرًا إلي همسه ومصطفي كلما رآهم يتمازحون معـًا ويزداد قلبه اشتعالاً حين يسمع صوت همسه يعلو بالضحك وقد همَّ واقفـًا وتحرك بعيدًا عنهم وجلس وحيدًا وقد ظهر علي وجهه الغضب
تنبهت همسه وأشارت لمصطفي بأن يذهب خلفه ليعرف ماذا يحزنه
فتوجَّه مسرعـًا نحوه وجلس بجانبه متسائلاً
مالك يا واد عمي ، إيه اللي معكر مزاچك أكده ، ده حتي الدنيا عيد وأيام مباركة ، حد يزعل في ايام كلها خير كل الزعل ديه ؟؟
هشام بعصبيه : ماليكش صالح بياا يا مُصطفي
مصطفي : ليه أكده يا واد عمي ، طيب حكي معاي يمكن ترتاح
هشام بغضب : أحكي معاك واقولك إيه ، ما أني شايف كل حاچه مفيش حكاوي تاني ، كله مفهوم يا واد عمي
مصطفي : أني مفهمش أنت تقصد إيه
هشام : يعني أنت مفهمش آني قصدي إيه ؟؟
مصطفي : والله يا واد عمي مفهمش حاچه من كلامك ، وضح كلامك
هشام : طيب طالما عاوز تفهم ، آني أقصد همسه اللي بتحبها يا واد عمي
ضحك مصطفي وارتفع صوته عاليـًا
هشام بعصبيه : أنت بتضحك علي إيه ، انت بتستفزني ، روح عنديهم أحسن ما نخربها مع بعض
مصطفي : يا واد عمي اهدي شوي ، آني بحب آه انما مش همسه و همسه كمان بتحب انما مش آني
فتح هشام شفتيه ونظر له وقد جحظت عيناه مستغربـًا ما سمعه ، ساد الصمت لدقائق ثم عاد متسائلاً : همسه بتحب مين يا مصطفي ؟؟
مصطفي : هاه ، لاه يا واد عمي ، لو عرفت اني قولتلك هتزعل مني
هشام : لاه متخافش مش هتعرف حاچه ، بس بالله عليك تقول يا مصطفي ، آني لازم اعرف هو مين
مصطفي : الامر لله ، همسه بتحب هشام
هشام : هشام مين ديه يا واد ؟؟
مصطفي ضاحكـًا : هشام انت يا واد عمي ، علي فكرة هي اللي حكت معاي وقالتلي عشان أحنا مبنخبيش حاچه علي بعض وهي عارفه حبيبتي وصديقتها وبيحكوا علي طول مع بعض
هشام تنفس الصعداء وارتسمت ابتسامة هادئة علي وجهه : يعني همسه بتحبني آني وكل ديه معرفش ، طيب ليه مش بتتحدت وياي ؟؟
مصطفي : كانت فاكرة انك بتحب غيرها وبعدين يا واد عمي هي البت ، ازاي عاوزها تآچي لحد عنديك وتقولك أني بحبك
هشام : يا بووووي ، أخيرًا ، طيب خلاص يا مصطفي كتر خيرك يا واد عمي
بس قولي بقي انت بتحب مين ؟؟
مصطفي : والله يا واد عمتي آني بحب بنت من القاهرة واتعرفت عليها في القطر وهمسه ساعدتني لحد اما وصلتلها واعترفت بحبي ليها بس أما أشوف إيه الحال ، معرفش لو اتقدمتلها هيوافقوا أهلها انها تآچي تعيش هنيه في قنا ولا لاه
هشام : طيب ما تطلب أنت من خالي أنك تمسك مكتب الشركة في القاهرة وتتچوز وتعيش هناك وتبقي كل إ
أسبوعين تچيب مرتك وتآچي تقضي معانا كام يوم وترچع لشغلك تاني والشقق ف القاهرة كتير
مصطفي : وتفتكر يا واد عمتي أبوي هيوافق ؟؟
هشام : لو موافقش كلم عمك ادهم وهو هيتصرف ، بس أحكيله علي كل حاچه وهو هيخلصلك الموضوع كله
مصطفي : والله يا هشام يا خوي ، آني من غيرك مكنتش عارف أعمل إيه ، يالا هسيبك آني بقي وارچع للولد وانت بقي فكر في طريقة علشان تعترف بيها لهمسه ، ومتنساش أنها مهتحبش حد غيرك
ضحك هشام : ماشي يا عم الحبَّيب ، هفكر في طريقه
تركه مصطفي وعاد يستكمل سهرته مع أبناء اسرته أما همسه فكانت تختلس النظرات من بعيد لهشام ذلك المحب العاشق والذي لا تعلم همسه حتي هذه اللحظة من التي تسكن قلبه
_________________________
انتهت سهرتهم و طلب مصطفي من عامر و جميلة أن يتحدث إليهم
عامر : خير يا ولدي ، عاوز حاچه ؟؟
جميله : قول يا ولدي ، في حاچه نقصاك ، محتاچ فلوس ؟؟
مصطفي : لاه ياما خير ربنا كتير الحمد لله ، بس آني محتاچ حاچه تانيه
عامر : إيه هي يا ولدي ، قول مالك خجلان أكده ، هو الأمر عويص ولا إيه ؟؟
مصطفي : الصراحة يابوي ، آني عاوز أخطب
تهلل وجه جميلة بالإبتسامة : والله كبرت يا ولدي ، ديه يوم المني
عامر : ومين هي سعيدة الحظ اللي وقع عليها الاختيار ؟؟
مصطفي : متعرفوهاش دي بنت من مصر يا بوي ، وآني شوفتها وعارفها وبصراحه بحبها ونفسي تآچي معاي وتخطبهالي
عامر : من مصر ، طيب يا ولدي ، يعني مفيش بنته هنه ، رايح تچيبها من مصر ؟؟
جميله : واللي من مصر دي ، هترضي تعيش هنه ، يا ولدي خود واحدة من هنه أحسنلك
مصطفي : لاه ياما آني بحبها ومعيزش غيرها ، هاه قولت إيه يا بوي ؟؟
عامر : خلاص ان شاء الله آخر الاسبوع نروح نخطبوهالك
مصطفي : ديه الطلب الاول ، أما الطلب التاني بقي هو ده الأهم
عامر : خير يارب ، قول يا ولدي
مصطفي : أنا عاوز أمسك فرع الشركة في مصر وإن شاء الله احنا نروح نخطب وسام و نقول لأهلها أنها هتعيش هنا معاهم في القاهرة ، وآني كل أسبوعين أو تلاتة أكده هچيبها وهآچي نقعد معاكم كام يوم ونرچع تاني ، إيه رأيك يا بوي
عامر : والله يا ولدي ، لازم أرجع لچدك وعمك أدهم الاول ونشوف الشركة في القاهرة فيها مكان فاضي ، محتاجينك هناك ولا لاه ، بكره الصبح ان شاء الله هتكلم معاهم ونشوف رأيهم إيه
قام مصطفي من مقعده وتوجَّه يقبل يد جميلة وعامر ، شاكرًا لهم
دبت السعاده في قلبه بعد أن شعر للحظات انه أمل بعيد المنال
________________________
هشام في غرفته يفكر ، يكاد أن يفقد صوابه ، يتحدث لنفسه قائلاً : هو آني هكلمها ازاي ولا هقولها إيه
هروح أقولها آني بحبها أكده علي طول ولا أبعتلها رساله علي التليفون ، آه ، التليفون
مسك هاتفه واتصل بهمسه
ردت بصوت هادئ : ألو ، هشام
هشام : أيوه هشام ، هشام اللي دوختيييييه طول السنين اللي فاتت وآني فاكر انك بتحبي حد تاني
همسه : هاه ، هووو ، هو أنت بتتكلم عن إيه ؟؟
انا مش فاهمة حاجة خالص
هشام : لاه ، اعملي معروف آني ما صدقت أخرچ اللي چواي ، آني من زماااان قوي معرفش أقول حاچة ولا اتكلم ، كنت فاكرك بتحبي مصطفي ، انما آني أتأكدت أن مفيش حاچه بينك وبينه
همسه بخجل : طيب ومين أكدلك ، مش يمكن أنا فعلاً في حاجة بيني وبينه ؟؟
وبعدين ما أنت طول النهار والليل بتتكلم ف الفون وأنا عارفه أنك بتحب
هشام بصوت هادي وبعد أن أخذ نفس عميق : همسه آني
عاشقك ومن زمان نفسي ابوح باللي چواي وكنت خايف اتكلم من زمان ، وعمري ما حبيت حد غيرك ولا هحب غيرك ، والتلافون ديه بكلم فيه أحمد صديقي عشان بطمنه كل يوم علي امه وابوه و دلوكت هسألك ، توافقي تتچوزيني ولا لاه ؟؟
همسه : هاه ، انا مش ........
هشام : مش إيه ، اتكلمي متستحيش مني ، لو وافقتي ، هنزل حالاً اكلم ابوي ونكلم خالي
همسه : دلوقت علي طول ؟؟
هشام : آه علي طول وهنستنوا إيه ، لسه هنتعرف من أول وچديد ، انتي عرفاني وآني عارفك وحافظك بس ردي علي
همسه : ............
#يتبع
