بقلم نورسين محمد
الفصل التاسع
في صباح اليوم الجديد
تقي : صباح الخير يا حلوايات ، يالا بينا فاضل ربع ساعه علي المحاضره والداكتور هيبدأ طوالي
صديقاتها : ماشي يالا كلنا موچودين
تقي : آااااااخ نسيت أشتري أقلام من المكتبة اللي چنب الباب ، طيب انا هروح اشتري وهرچع علي طول ، أنتوا اطلعوا بس احچزولي معاكم
صديقاتها : حاضر بس متتأخريش
تقي : لاه ، علي طول أهه
توجهت كلٍ منهم لوجهتها
خرجت تقي من بوابة الجامعه وترجلت إلي أن وصلت للمكتبة واشترت أقلامها ثم عادت وفي أثناء صعودها للمدرج وقع من بين يديها إحدي الاقلام واذا بقدم أحد الاشخاص تُفتت قلمها وهي تنظر إلي الارض ولم تلحق به ، رفعت عينيها متحدثة إليه بعصبيه : أوووووف أنت مشايفش ولا إيه ، أعمل إيه آني دلوكت ، لسه هخرچ تاني أشتري غيره
ياسين بإبتسامه هادئه : حقك فوق رآسي ، والله كنت مستعچل ، متزعليش نفسك
أخرج ياسين قلم وقدمه لها : اتفضلي واحد بداله أهه
تقي بعصبيه : متشكره ،آني مهجبلش العوض
وتركته وانصرفت وصعدت للمدرج
ياسين : يعني من بين كل الطالبات ف الچامعة ، متطلعيش غير أنتي قدامي ، إيه الحظ اللكحل ديه ، لاه بس آني لازمن أتصرف
________________________
في المساء اجتمع أحمد وهشام مع اصدقائهم وكعادتهم يقضون أوقاتهم في الضحك والمزاح
أحد الاصدقاء : مالك يا عم أحمد سرحان أكده ، أياك هتحب ؟؟
أحمد : ومهحبش ليه ، هو الحب حُرم أياك ؟؟
الصديق : لاه يا عم محرومش ولا حاچه ، طيب ما تيچوا كل واحد يعرفنا بطريقته علي اللي بيحبها ، حتي لو هيوصفها ، إيه رأيكم هنبدأ بهشام
هشام : هاه ، بس آني مهحبش حد
الصديق : يا عم قول اللي هتتچوزها نفسك يبقي شكلها ازاي
هشام : ماشي هقول بطريقتي
الاصدقاء : موافقين بس قول وسمعنا يا عم الشاعر
هشام : ماشي ، الامر لله
اصحابي عايزني اوصفها
وانا مش لاقي في وصفها زي
شعرها اسود لا مش اسود
شعرها ناعم لامش ناعم
شعرها زي اللي ملوش زي
اسمها نانا وساكنه وريدي
بس الناس بيقولوا عليها ساكنه معانا في نفس الحي
مشيها زي غرير المي
رمشها زي جدايل ضي
چدها من النوع الوحداني اللي ملوش خي
نانا كانت لما بتضحك يحلا في عيني العمر الچي
كانت لما بتچرح قلبي تحلى لقلبي قولة اي
قال وصحابي بيقولوا اوصفها
طب والله نفسي اوصفها
بس هاتولي في وصفها زي
أحمد : يا حلاوة ، طيب وبعد اللي انت قولتله ديه ، المفروض حد منيني هيعرف يقول حاچه ، يالا بينا نقوموا نمشوا أحسن
ضحك الصديق : آني بردو بقول أكده
______________________
أدهم دخل غرفته بهدوء فوجد حنين تجهز حقيبتها ، فأحتضنها وهمس لها : چاهزتي حالك ، هخطفك يومين عند البحر
استدارت حنين ونظرت لعينيه المليئه بالشوق والحب وابتسمت وهي تغني
اسمع كلامي وصدقه أنت اللي روحي بتعشقه
كان حلم نفسي احققه أني أبقي ليييييك
قربني منك ضمني قد اما حبك حبني
مين غيرك انت يهمني دانا روحي فيك
ملهوفه عليك ومسلمه تقدر تقول مستسلمه
حاسه أني طايره ف السمااا وآخدني الشوق
متحيره ومتغيره وكأني لسه صغيره
لو بحلم أنا م الحلم ده مش عاوزه أفوق
لحظة حنان أنا عيشتها لحظه ما شوفتك وقتها
وبأعلي صوت أنا قولتها هفضل معااااك
جمبك طريقي هكمله لو لسه عمري ف اوله
والمستحيل انا هعمله علشان هواااااك
توقفت حنين عن الغناء ونظرت إلي عينيه وهمست له : أنا بعشقك
ادهم وقد ضمها إلي صدره وأطبق عليها بذراعيه : يالا هنسافروا حالاً ، حالااااا
ارتفع صوت حنين بضحتكها التي أثرت قلبه : حالاً حالاً ، انت مش قولت الصبح ؟؟
ادهم : لاااااه دلوك وهمس لها : آني مقدارش خلاااااص ، عاوز أهرب بيكي بعيد عن كل الدنيااا ، غيري بسرعه ، فاضل ساعه علي ميعاد الطيارة
حنين : طيارة إيه !!
هو احنا هنسافر اسكندريه بالطياره ؟؟
ادهم : أيوه يا قلبي عشان الطريق طويل عليكي
حنين : طيب ماشي هجهز حالاً
تركها ادهم ودخل ليتحمم وخرجت حنين وتوجهت لغرفة همسه وقد اصطحبت معها حمزه ، دلفت للغرفة وجلست بجوارها وأجلست حمزه علي قدميها : همستي انتي عارفه أني المفروض هسافر مع بابا اسكندريه بكره الصبح
همسه : ايوه حضرتك قولتيلي
حنين : بس أحنا هنسافر دلوقت علشان الشغل ميعاده اتغير ، خلي بالك من أخوكي ولو احتاجتي اي حاجة اطلبيها من عمتو فضه وهي مش هتتأخر ، ماشي يا قلبي
همسه : ماشي حاضر
ثم وجهت كلامها لحمزه : وانت كمان يا حبيبي ، الأهم انك تسمع الكلام ومفيش كوره طول ما أنا وبابا برا البيت
حمزه : خلاص انا هلعب مع بندق بس ماشي يا ماما ؟؟
حنين : ماشي يا قلب ماما ، يالا انا هسيبكم دلوقت وهروح ألبس علشان متأخرش علي بابا
همسه : Have a nice time mam
ابتسمت حنين واقتربت منها قبلتها واحتضنتها وقبلت حمزه وخرجت متوجهه لغرفتها ، بدلت ملابسها وقد ارتفع صوت ادهم ينادي : ثرياااا
ثريا : چيت يا أدهم بيه
ادهم : بسرعه نزلي الشنطة وخلي عبده يحطها في العربية
ثريا : حاضر يا بيه ، حالاً
وبعد دقائق نزلوا واستقلوا سيارتهم وتوجهوا للمطار ، جلسوا متجاورين وقد استمعت حنين بعد دقائق لصوت الفتاه تنادي عبر الميكروفون العام
علي السادة المسافرون علي طائرة شرم الشيخ يتوجهوا للبوابه رقم 3 فورًا
ادهم : يالا يا قلبي ، قومي
حنين 🙄🙄: هو احنا رايحين فين ؟؟
ضحك ادهم : هخطفك ، عندك مانع ؟؟
حنين بإبتسامتها الهادئه : لأ معنديش ، يالا
طالما معاك مش مهم المكان
قطعوا الطريق معـًا بالطائرة من قنا إلي شرم الشيخ
وصلوا للفندق مع تباشير الصباح الجديد
حنين : قولي بقي إيه المفاجأه الجميله دي ؟؟
ادهم : كل سنه وانتي طيبه يا قلبي ، كل سنه وانتي معايا مبسوطة وسعيدة والابتسامة متفارقش وشك الجميل ، شوفي آني چبتلك إيه
اخرج كيس بلاستيكي مرسل له من الخارج
حنين وقد غمرت الفرحه قلبها : إيه دااااا ، أنت فاكر عيد ميلادي
وأنت طيب يا حبيبي ، أنا سعادتي في وجودك معايا ، ف قربك وحبك لياا ، انت بتعمل كل حاجة حلوة علشان ابقي مبسوطة ، وعملت كل ده علشان نحتفل مع بعض بعيد ميلادي ، انا اصلا كنت نسياه
ادهم : انتي تنسي انما انا لأ ، محدش ببنسي روحه ، يالا افتحي وشوفي هديتك ، يارب تعچبك
حنين : من قبل ما اشوفها أكيد جميله
فتحت الكيس فوجدت به علبتان فتحت الاولي فوجدت بها قوقعه مغلقة : الله جميله بس هي إيه ده ؟؟
ادهم : افتحي العلبة التانية وهتعرفي
حنين : اوووكي حياتي ، هفتحها
فتحتها فوجدت بها سلسال من البلاتين الابيض وبها مُعلقه دائرية الشكل مفرغه : إيه الالغاز دي ، هي جميله بس أنا مش فاهمة حاجة بردو
اخذ منها ادهم السلسال : شوفي يا قلبي ، الدايرة دي بتتفتح أكده والقوقعة دي بتتفتح اكده
شايفه اللؤلؤه دي
تهلل وجه حنين بالسعاده : الله جميييييلة اووووووي ، آه شيفاها
ادهم : هنطلع بقي اللؤلؤه دي ونحوطها هنه ونقفل عليها وتلبسيها في رقبتك وتبقي اللؤلؤه اللي بتضوي بوجودها حياتي لابسها في رقبتها أحلي لؤلؤه ، إيه رأيك بقي يا قلبي ، حبيت أجيب حاجة من البحر تفضل معاكي عشان تحسي انه قريب منك ، يارب تكون عجبتك وفرحتك
حنين : أنا مش عارفه أقول أي حاجة من اللي جوايا ، فرحتي وسعادتي مش قادره اوصفها
احتضنته وقبلته : ربنا يخليك ليا يا حبيبي ، انت دايمـًا بتفكر ازاي تسعدني
ادهم : وعدتك أني طول ما أنا عايش ، الحزن مش هيعرف لقلبك طريق
حنين : طول ما حنين ف قلب أدهم هي عايشه في سعادة وامان ، يالا ننزل نروح البحر ، عاوزه اشوف الشروق ونشوف الشمس وهي بتصحي من النوم ، ممكن يا حبي
ادهم : كل طلباتك أوامر ، يالا بينا
_______________________
همسه : عمتو انا هنزل الجنينه وهخرج لوحة الرسم وهرسم شويه وحمزه هيلعب مع بندق بالكورة
فضه : ماشي يا قلب عمتو بس استني هخلي ثريا تنزل وياكي تخرچلك الادوات
ارتفع صوت فضه تنادي : ثرياااا
ثريا : نعم يا ست فضه
فضه : يالا يا ثريا انزلي مع همسه ، خرچيلها لوحة الرسم والالوان ف الچنينه خليها ترسم اللي عوزاه
ثريا : حاضر ، يالا يا همسه تعالي وياي
________________________
هشام في الحديقة يتحدث مع أحمد عبر هاتفه ويراقب همسه من بعيد وهي تجلس أمام لوحتها وبيدها الفرشاه وكأنها أمامه لوحه فنيه مرسومه بيد فنان بارع ترسم لوحه تشبهها
دقائق وقد باغتها مصطفي واختطف من جانبها قالب الشيكولاته ممازحـًا لها : هدية مقبوله يا بت عمي
همسه : هات يا مصطفي الشيكولاته ، متهزرش ، إلا الشيكولاته
ضحك مصطفي : عوزاها تعالي خوديها
نزلت من مقعدها واقتربت منه فأسرع بالجري فأسرعت همسه تجري خلفه قائله : هات بقي بلاش رخامة يا مصطفي و حين اقتربت من هشام تعرقلت قدمها وكادت ان تسقط علي الارض فلحق بها واستندت إليه وتلاقت أعينهم ، تسمرت قدماه وتوقف الزمن للحظات ، لم يصدق أن فتاته بين يديه وأمام عينيه وقريبه منه لهذا الحد ، شعر بقربها من قلبه فقد تصارعت دقاته يريد أن يعلن لها عن حبه وانها هي من بداخله ، تلك الفتاة الصغيرة التي سرقت منه قلبه منذ أن رأها ثم همس لها : انتي كويسه
في حاچه بتوچعك ؟؟
همسه بإبتسامتها الناعمه : لأ مفيش ، انا كويسه الحمد لله ، بس شايف يا هشام أخد مني الشيكولاته
هشام : طيب متزعليش نفسك ومتچريش تاني عشان متقعيش وتتعوري ، سامعه
همسه وقد نظرت للأرض وابتعدت عنه : حاضر
ارتفع صوت هشام ينادي : مصطفاااه ، تعالي هنه
اقترب مصطفي : في إيه بتزعق اكده ليه ؟؟
هشام : مبزعقش ، بت عمك هتقع وتتعور بسببك وعمي ومرت عمي مش موچودين ، يعني يبقي كويس لما يرچعوا يلاقوها متعوره ، هات الشيكولاته بتاعتها ومتضايقهاش تاني
مصطفي : خلاص معلش يا همسه متزعليش ، آني كنت بهزر وياكي ، خودي أهه
تركهم مصطفي وصعد لغرفته
همسه : شكرًا يا هشام ، بس مصطفي زعل ، انا هطلع اصالحه
هشام بغضب : لاه مزعلش ومتطلعيش تصالحيه ، هو غلط من الاول
همسه : بس هو قال انه كان بيهزر معايا ، ومش هينفع اسيبه زعلان ، بعد اذنك انا هطلع اصالحه
وتركته وتوجهت للداخل
صعد هشام غاضبـًا لغرفته وقد كتب في دفتره رساله عتاب
كلمة واحدة أنا قولتها .. لحظة واحدة أنا عيشتها .. لما شوفت ظلها .. وسنين كتير ضيعتها .. وأنا الحزين من بُعدها .. وكتير قالولي قولها .. رديت عليهم وقتها .. ياريتني عارف أقولها .. بحبها ..
ما تحسى بياا .. حسى بالنار اللي فياا .. وحسى بالدمع ف عينياا .
كل يوم بتيجي جنبى تدورى وعنيكي تسأل مين أنا ؟؟
أيوه أنا كتبتها .. بدموع عينيا أنا قولتها
بحبها .. بحبها .. وبموت خلاص من بُعدها
يا ريتني أعيش وانا جنبها .. ما تحسى بياا ..
حسي بالنار اللي فياا .. وأقريني من نظرة عينيا .
ديه الغيرة نار .. مُر ومرار .. وبلاش أسية .
ده انا قلبى دار .. سكناه حوريه .
#يتبع
